Isaías 44:8 - Biblia Enxet

⁸ ¡Kólwasqápekxoho, nágkóle'! Axta ektemék ko'o sélanagkama kéxegke xa ektáha nak, eklegassegkek axta m'a nanók agko' axta, kéxegke kélteme kélya'áseykegkoho. ¿Yetneyk enxeykel'a pók dios mók nekha? Méko pók apkelmasma énxet; mateyk xama enxoho.”

Isaías 44:8 Referans Kwoze

Isaías 43:10

Aptáhak Wesse' egegkok se'e: “Kéxegke kélteme kélweteykegkoho chá'a aqsok sélane, kéltáha nak séláneykha, sélyéseykha axta yaqwayam hélyekpelkohok chá'a tén han héláwho', tén han hélya'asagkohok chá'a yaqsa ko'o. Méko axta xama aqsok kéláyókxa maweykxa axta ko'o, méko sa' nahan katnehek xama enxoho m'a netámen sa'.

1 Samuel 2:2

¡Wesse' ahagkok, méko ekhawo exchep ma'a aptémakxa nak appagkanamap! ¡Dios egagkok, méko exchep ekhawo ektémakxa nak segmasma! ¡Méko ekhawo exchep!

Deuteronomio 4:35

Cháxa apxekmóssama axta kéxegke Wesse' egegkok xa yaqwayam enxoho kólya'asagkohok apteme apmámnaqsoho Dios, méko pók aphawo enxoho.

Deuteronomio 4:39

“Nágkólwatéssem ekxéneykha kélwáxok Wesse' egegkok apteme Dios ma'a néten tén han keso náxop, méko pók aphawo enxoho m'a.

Joel 2:27

keñe sa' kéxegke israelitas, kólya'asagkohok sekha ko'o kélnepyeseksa kéxegke, ko'o sektáha nak Wesse', sektáha ko'o Dios kélagkok, méko pók enxoho. ¡Kamaskok agko' sa' elmegqeyk ma'a énxet'ák ahagkok!

Isaías 44:6

Aptáhak Wesse' egegkok se'e, Wesse' apwányam apwagkasso nak teyp ma'a Israel, Wesse' ekha nak Apyennaqte: “Ko'o sekteme eyeynókxa tén han ektemegwánxa néxa; méko pók kéláyókxa, ko'o sekwánxa ahagkok.

Salmos 18:31

Dios apteme wánxa xama, méko pók. Méko mók aqsok kéláyókxa awanchek hentaqmelchesek.

2 Samuel 22:32

¡Dios apteme wánxa xama, méko pók. Méko mók aqsok kéláyókxa awanchek hentaqmelchesek!

Deuteronomio 32:39

Ko'o sekwánxa ahagkok xama Dios; méko mók aqsok kéláyókxa, Ko'o sekmésso chá'a ekyennaqte apnények énxet, tén han apketsapma chá'a; ko'o nahan sekyensasso chá'a, tén han sektaqmelchessesseyam chá'a. ¡Méko xama énxet hégketek ko'o!

Isaías 46:9

kaxénwakxoho kélwáxok ma'a ektémakxa axta nentámen cham'a nanók agko' axta. Ko'o sekteme Dios, méko pók; ko'o Dios, méko pók sekhawo ko'o.

Daniel 6:22

Apcháphássek xeyk apchásenneykha Dios ahagkok, apkeláhakkásegkokxeyk xeyk atña'ák yámakméwa, yaqwayam enxoho mehetnéssessamok exma ekmaso ko'o, hakte apya'ásegkok ko'o Dios sekteme meyke sektémakxa', malaneyk han xama aqsok ekmaso énmexma nak xép wesse'.

Daniel 4:25

Kóltekkesek sa' nepyeseksa apnámakkok xép wesse', aqsok nawha'ák sa' epaxqaha; pa'at sa' etwok ektémól'a weyke, kayássesek sa' yálye. Sa' katnehek xép apweynchámeykha ekweykmoho siete apyeyam xa, wesse', ekwokmoho apya'ásegwokmo ekha apmopwána m'a Dios meyke nak ekhémo, nepyeseksa m'a aptamheykegkaxa nak chá'a kelwesse'e apkelwányam énxet, tén han apteméssesso chá'a apkeláneykha apchókxa m'a apmakókxa enxoho chá'a etnéssesek.

Daniel 2:47

Tén axta aptáha apcháneya Daniel se'e: —Naqsók agko' apteme apwányam apagko' Dios kélagkok nak kéxegke neyseksa m'a ekyókxoho aqsok kéláyókxa nak; kelwesse'e apkelwányam Wesse' apagkok, senxekmóssamo nak chá'a aqsok megkólya'áseyak nak, hakte xeyep apwet'ak xa aqsok megkólya'áseyak nak.

Daniel 2:28

Apheyk eyke xama Dios ma'a néten, senxekmóssamo nak ektémakxa aqsok magya'áseyak, apya'assásegwokmek xép yaqwánxa katnehek egmonye' wesse'. Altennaksek sa' xép ektémakxa apwanmagko, wesse', tén han aqsok apwete neyseksa apteyenma:

Jeremías 10:7

¿Yaqsa megkakyek xép, Wesse' apwányam apagkok nak pók aptémakxa énxet'ák? Payhawók xép yeykpok. Méko ekhawo exchep nepyeseksa m'a apkelya'áseykegkoho nak aqsok, tén han kelwesse'e apkelwányam nak keso nélwanmeygkaxa.

Isaías 48:5

la'a seklegassama axta m'a nanók axta, éltennassegkek axta amonye' yaqwayam katnehek. Keñe mopwanchek etnehek exének se'e: ‘Aqsok seyáyókxa élane xa, cha'a élane m'a kéleykmássesso sélane axta.’

Isaías 44:2

Ko'o sekteme Wesse' apagkok, ektáha axta apkelane, séláneya axta m'a sekxók apyetnamakxa axta kañe' egken awáxok, tén han sekpasmoma nak chá'a. Jesurún, séláneykha Jacob apteme axta sélyéseykha, nágye aqsa,

Isaías 43:12

Aptáhak Wesse' egegkok se'e: “Ko'o séltennáseykha tén han seklegasso: ko'o sélwagkasso teyp; háwe m'a mók aqsok kéláyókxa eñama nak mók nekha, kéxegke kélteme kélweteykegkoho.

Isaías 42:9

Temék ekyókxoho m'a aqsok seklegassama axta katnehek, axnagkok aqsok sa' kaxwók allegaksek; alya'assásegwók sa' ko'o kéxegke amonye' ekwe xa.”

Isaías 30:29

Keñe sa' kéxegke, kólmeneykmaksek, ektémól'a kalanaxchek kélessawássessamo ektaqmalma axta'a; kalpayhekxak sa' kélwáxok, máxa sa' kóltéhek ma'a aptémól'a énxet apkelpáwassól'a yámámok neyseksa apkelxega elmahagkok ma'a Wesse' egegkok egkexe apagkok, apkelyexanmomakxa nak ma'a énxet'ák Israel.

Esdras 8:22

Hakte ekmegqaktegkek axta ko'o almaxnak sẽlpextétamo apkelchánte nak yátnáxeg ma'a wesse' apwányam, yaqwayam enxoho hẽltaqmelchesek neyseksa nélxega hegaksek ma'a sẽlenmexma nak, hakte néltennassegkek axta negko'o wesse' apwányam, apkeltaqmelchessama chá'a Dios ma'a apyókxoho ektáha nak chá'a apkelya'eykekxa', keñe yehekxak chá'a apmopwána tén han aplo m'a apyókxoho ektáha nak chá'a apyamasma.

Esdras 1:2

“Axta aptáhak Ciro, wesse' apwányam nak Persia s'e: Egkéssek ko'o Wesse' egegkok, Dios apha nak néten, ekyókxoho yókxexma nak keso náxop, apkeltamhók han alanaksek tegma appagkanamap ma'a Jerusalén, ekpayho nak ma'a yókxexma Judá.

Deuteronomio 32:31

“Hakte apkelya'ásegkók ma'a sẽlenmexma nak, cham'a ektáha nak chá'a apkeltaqmelchesso, mogwanchek aghéshok ma'a ektáha nak chá'a negko'o sẽltaqmelchesso.

Deuteronomio 32:4

Cha'a apteme segmasma m'a; kelpéwók ma'a aptamheykha nak, kelpéwók nahan chá'a m'a aqsok apkelane nak. Cha'a apteme Dios apmámnaqsoho m'a, méko xama aqsok enxoho megkapéwomo apkelane; ¡appéwomo m'a tén han apmámnaqsoho!

Génesis 48:19

Axta eyke emakók etnehek apyáp xa ektáha nak, aptáhak axta apchátegmowágko s'e: —¡Ekya'ásegko', hatte, ekya'ásegko'! Exámekxak sa' eyke han pók aptémakxa énxet'ák apagkok xa Manasés. Sa' eyke ekyágwánxa agkok etnehek néten ekyawe kéláyo m'a apyáxeg nak, exámekxohok apagko' sa' pók aptémakxa aptawán'ák neptámen.

Génesis 46:3

Keñe axta Dios aptáha apcháneya s'e: —Ko'o sekteme Dios, Dios apagkok nak ma'a apyáp, nágyé aqsa emhagkok ma'a Egipto, hakte axámassessók sa' ko'o aptawán'ák neptámen ma'a, énxet apxámokma sa' atnéssesek.

Salmos 86:10

Hakte xép apwánxa apagkok apteme Dios; ¡xép apteme apwányam, tén han apkelane chá'a aqsok sempelakkasso nak agweta'!

Isaías 17:10

hakte kelwagqámeykegkek ma'a Dios ektáha axta apkelwagkasso teyp, megkaxeyenmak kélwáxok apteme axta apkelmasma apyennaqte m'a. Kélchekhamchek kéxegke s'e namyep étkók éltaqmalma nak, kélchencháseykekxeyk pánaqte exnók ma'a aqsok kéláyókxa éleñama nak mók nekha,

Isaías 26:4

Kólteme chá'a kéláyo m'a Wesse' egegkok, hakte cha'a apteme segmasma apyennaqte memassegwayam ma'a.

Isaías 41:23

Hẽltennés sa' yaqwánxa katnehek natámen, henxekmós naqsók kélteme aqsok ekha élmowancha'a. Kóllána sa' kélewagkexa enxoho kóllána', ektaqmalma essenhan ma'a ekmaso nak, aqsok yaqwayam enxoho negko'o agè' tén han hẽlyegwakkasek.

Isaías 43:11

Ko'o aqsa exakkók sekteme Wesse'; méko pók apmopwána enxoho elwagkasek teyp énxet.”

Isaías 45:19

Meyxaxkók ko'o apaqmétek mapaqméswomek nahan ma'a kañe' ekyáqtéssamakxa nak exma keso náxop. Matnehek nahan alának Jacob aptawán'ák neptámen se'e: ‘Hélchetamsakxa m'a meykexa nak aqsok.’ Naqsók ko'o atnéssesek sekpeywa, ko'o sektáha nak Wesse', axének chá'a m'a aqsok ekpéwomo nak.

Isaías 48:3

Eklegassegkek axta ko'o kéxegke sekxók eyeynókxa axta m'a aqsok nentámen axta; ko'o ahagko' axta nahan sélya'assásegwayam. Pelakkassek axta nahan sélana, naqsók axta nahan táhak élántepa.

Salmos 18:32

Dios segkésso sekyennaqte; tén han setnéssesso ekpéwomo sektémakxa,

Isaías 43:9

Énxet'ák, kólaqnekxa kélyókxoho, kólyepetchekxa kélmók pók aptémakxa nak chá'a énxet'ák ¿Yaqsa axta xama nepyeseksa xa énxet'ák nak apkeltenneykencha'a chá'a s'e aqsok nak? ¿Yaqsa axta xama aplegassama chá'a m'a ektémakxa axta nentámen? Kólyentementa sa' ektáha apweteykegkoho yaqwayam sa' exének ektáha naqso', yaqwayam sa' kahaxnaxkoho' keñe sa' kaxénaxchek ektáha naqso'.”