Isaías 44:7 - Biblia Enxet

⁷ ¿Yaqsa sekhawo ko'o? Tásek sa' exének tén han héltennásekxohok ko'o. ¿Yaqsa axta eklegassama sekxók eyeynókxa axta yaqweykenxa katnehek egmonye' tén han ekxeyenma peya katnehek?

Isaías 44:7 Referans Kwoze

Isaías 41:26

¿Yaqsa axta eklegassama sekxók eyeynókxa axta xa yaqwayam enxoho agya'asagkoho'? ¿Yaqsa axta éltenneykencha'a sekxók axta, yaqwayam enxoho anxének ekpayhawo ektémakxa? Méko kélxama kéxegke kélxeyenma xa, méko eklegaya xama enxoho kélpeywa.

Isaías 41:22

Hẽltennáseta yaqwánxa katnehek egmonye', hẽltennásekxoho nahan ektémakxa axta m'a nentámen axta, ageyxhok sa' negko'o; henlegés aqsok peya nak kaxegma', yaqwayam sa' agya'asagkohok ekwánxa katnehek.

Isaías 45:21

Kólpaqmet, kólxén aqsok kélwete, kólteme chá'a kólmaxneyha kélmók kélmako enxoho chá'a kólmaxneyha s'e: ¿Yaqsa axta éltenneykha sekxók eyeynamókxa axta xa aqsok nak? ¿Yaqsa axta eklegasso m'a nanók axta? ¿Háweya axta ko'o, sektáha nak Wesse'? Méko pók Dios. Ko'o sekwánxa ahagkok sekteme Dios sélmallahanchesso aqsok ekmaso énxet'ák ahagkok, tén han sélwagkasso teyp.

Isaías 43:12

Aptáhak Wesse' egegkok se'e: “Ko'o séltennáseykha tén han seklegasso: ko'o sélwagkasso teyp; háwe m'a mók aqsok kéláyókxa eñama nak mók nekha, kéxegke kélteme kélweteykegkoho.

Isaías 43:9

Énxet'ák, kólaqnekxa kélyókxoho, kólyepetchekxa kélmók pók aptémakxa nak chá'a énxet'ák ¿Yaqsa axta xama nepyeseksa xa énxet'ák nak apkeltenneykencha'a chá'a s'e aqsok nak? ¿Yaqsa axta xama aplegassama chá'a m'a ektémakxa axta nentámen? Kólyentementa sa' ektáha apweteykegkoho yaqwayam sa' exének ektáha naqso', yaqwayam sa' kahaxnaxkoho' keñe sa' kaxénaxchek ektáha naqso'.”

Isaías 41:4

¿Yaqsa axta élane xa aqsok nak? ¿Yaqsa axta éltémo chá'a katnehek ekyókxoho aqsok ektéma axta chá'a m'a sekxók eyeynamókxa axta keso nélwanmégkaxa? Ko'o sekwánxa ahagkok sekteme exakko' Wesse' Dios, eyeynókxa tén han ektemegwánxa néxa.

Deuteronomio 32:8

Xama axta apkelmeyáseykegko chá'a xama xama xapop apagkok énxet'ák tén han apkelókxa m'a Meyke nak Ekhémo, appekkenchek axta chá'a néxa apkelweynchámeykegkaxa m'a énxet'ák. Xénchek axta eyke apwáxok ma'a israelitas,

Isaías 41:23

Hẽltennés sa' yaqwánxa katnehek natámen, henxekmós naqsók kélteme aqsok ekha élmowancha'a. Kóllána sa' kélewagkexa enxoho kóllána', ektaqmalma essenhan ma'a ekmaso nak, aqsok yaqwayam enxoho negko'o agè' tén han hẽlyegwakkasek.

Isaías 19:12

Faraón. ¿Háxko aphágkaxa m'a énxet'ák apagkok, apmopwancha'a nak aqsok yaqwayam sa' elxekmósek tén han eltennaksek yaqwánxa nak etnéssesek Wesse' ekha nak apyennaqte m'a Egipto?