Isaías 44:3 - Biblia Enxet

³ hakte wának sa' ko'o kanyehek yegmen ma'a yókxexma meykexa nak énxet, keñe sa' yegmen ényé m'a ekyamáyekxa nak xapop. Agkések sa' ko'o axnagkok apkelyennaqte m'a aptawán'ák neptámen nak, wáphássesek sa' ektaqmalma apheykha.

Isaías 44:3 Referans Kwoze

Joel 2:28

“Almésagkok sa' ko'o apyókxoho énxet'ák espíritu ahagkok, natámen xa aqsok nak: eltennaha sa' chá'a sekpeywa m'a kélketchek apkelennay'a nak, tén han ma'a kelwán'ák nak, kaxek sa' chá'a apkelwanmagko m'a apkelwányam nak, keñe sa' chá'a apketkók nak elwetak chá'a m'a aqsok kélxekmóssamo nak.

Isaías 59:21

Aptáhak Wesse' egegkok se'e: “Élanak ko'o ekhémo mók sélpaqhetchásamáxkoho kéxegke, ekxénchek nahan megkakxayhek kaxwók xama enxoho kéxegke m'a sekmowána tén han ma'a nélxekmowásamáxche ahagkok sekmésa nak, ekweykekxoho m'a kéltawán'ák kélnentámen megkatnégwayam néxa.”

Proverbios 1:23

Kóleyxho sa' chá'a sélpaqhetchesa enxoho, keñe sa' ayánchesseshok chá'a sélmésso kélyókxoho m'a sekya'áseyak nak ko'o; wának sa' kólya'ásegwók ma'a ektémakxa nak élchetámeykha ewáxok.

Zacarías 12:10

Ayánchesseshok sa' ko'o sekmésso apmopyóseka elanok apnámakkok tén han apkelmaxneyéyak ma'a David aptawán'ák neptámen nak tén han ma'a énxet'ák apheykha nak Jerusalén. Keñe sa' elanok chá'a m'a ektáha nak chá'a apkelyetxaqxo, tén sa' kallapwomagkok, ellekxagwaha sa' elano'. Máxa sa' etnéssesek ma'a aptémól'a yetsapok kélketche aptemél'a wánxa xama apagko' essenhan ma'a kélketche átnaha apketkok la'a.

Ezequiel 39:29

Matnehek sa' chá'a kaxwók malányo, hakte ekpekkenchek ko'o kaxwók sekmowána nepyeseksa m'a énxet'ák Israel. Ko'o sekxeyenma xa sektáha nak Wesse'.”

Isaías 32:15

Hegáhapwaták sa' eyke makham negko'o apmopwána m'a Wesse' egegkok, apmopwána nak elának aqsok, keñe sa' katnekxak namyep ma'a yókxexma ekyamáyekxa nak exma, kayeykhágwomhok agko' sa' nahan ektaqmalma m'a namyep.

Salmos 107:35

ságe chá'a etnessásekxak ma'a yókxexma meykexa nak énxet, keñe chá'a ekteyapmakxa yegmen ma'a ekyamáyekxa nak xapop;

Isaías 41:17

“Aptegyágkek yegmen ma'a énxet'ák meyke nak aqsok apagkok tén han ma'a apmopyóseka nak chá'a, makke elwet'ak. Kelyamakak apaxkok élnapma ekhem; apasmok sa' eyke ko'o, ko'o sektáha nak Wesse', makxayhek sa' chá'a, ko'o sektáha nak Israel Dios apagkok.

Joel 3:18

Máxa yegmen ényé sa' katnehek kalpexyewenták vino m'a egkexe nak, tén han weyke nagkeygmenek, awanhek sa' katnehek yegmen ma'a alwáta étkók nak Judá. Katyapok sa' yegmen ma'a tegma appagkanamap ahagkok, kayássesek sa' ma'a yókxexma Sitim.

Ezequiel 34:26

“Alyáqkasek sa' ko'o nepkések seknaqtósso m'a neyáwa' egkexe ekpagkanamaxchexa ahagkok nak, ataqmelchessesek sa' apkelleykha; wáphássesek sa' ekmámeye ekweyktámhol'a chá'a kammok ekhem agkok ma'a ekmámeyeykxa.

Isaías 61:9

Kélya'áseykegkoho ekyókxoho yókxexma sa' nahan etnahagkok nepyeseksa pók aptémakxa énxet'ák ma'a aptawán'ák neptámen nak; elya'asagkohok sa' chá'a apyókxoho énxet apkelwet'a enxoho chá'a apteme énxet'ák appasmo nak chá'a m'a Wesse' egegkok.

Isaías 48:21

Apkelya'assegkek axta eykhe m'a yókxexma meykexa nak énxet, axta eyke kalnapmak ekhem; appáxqatmeyk axta meteymog aptekkessama ekyawe agko' ma'a yegmen.

Isaías 65:23

Megkaqhók sa' eltemeykha, méko sa' nahan katnehek életsapma apketchek ektáhakxoho étkók agko', hakte cha'a aptawán'ák neptámen ma'a apméssama nak ektaqmalma apheykha m'a Wesse' egegkok, kaxhok sa' nahan ektáhakxa m'a aptawán'ák neptámen nak xa énxet'ák nak.

Salmos 63:1

¡Dios ahagkok, xép apteme Dios ahagkok! Étámawók ahagko' ko'o exchep, hakte émenyeyk ko'o exchep; amenyeyk xép ewáxok, ektémól'a xapop ekyamaye meykel'a yegmen.

Isaías 49:10

“Megkalnáphek sa' chá'a meyk megkalnáphek sa' nahan chá'a ekhem, kamaskok sa' nahan élpekhésa m'a ekmexanmaxma mayáhat, hakte élásekhayók ko'o m'a, eknaqleykha nahan chá'a, anaqlakxak sa' nahan ma'a élánteyapmakxa nak yegmen.

Isaías 32:2

Máxa sa' etnehek chá'a xama m'a negyexánegkesseykekxexal'a éxchahayam, segmasmal'a kawak ma'a éxchahayam ekyennaqte agko', máxa sa' etnahagkok ma'a ektémól'a yegmen atamnek ényél'a m'a neyseksa ekyamáyekxa nak xapop, máxa sa' etnahagkok ma'a ektémól'a meteymog ekyawe agko' pessesse agkok émha m'a meykexa nak énxet.

Job 5:25

Apxámok sa' etnehek aptawán'ák neptámen ektémól'a pa'at ma'a yókxexma nak.

Isaías 48:19

apxámok axta nahan etnehek ma'a aptawán'ák neptámen, exhok axta apxámokma m'a ekweykenxal'a ekxámokma yagkamex ma'a neyáwa wátsam ekwányam; mamasséssemek axta nahan ko'o, matekkesek axta nahan ma'a sekhakxa nak.”

Isaías 55:1

“Kólchexyem kélyókxoho hem élnapma nak, kólyahagwata yegmen; meyke nak selyaqye kélagkok kólchexyem, kóltegyágwata hótáhap apaktek meyke ekyánmaga, tén sa' kóltawagkok; kóltegyágwata vino meyke kélyánmagkasso ketse' enxoho tén han weyke nagkeygmenek.

Ezequiel 36:27

Apekkenchesek sa' ko'o kélwáxok kéxegke m'a espíritu ahagkok, tén sa' wának kóllának ma'a segánamakxa ahagkok nak tén han ma'a séltémókxa nak chá'a kóltéhek;

Ezequiel 47:8

Tén axta aptáha seyáneya s'e: “Yókxexma teyapmakxa ekhem keñamak ényé xa yegmen nak, weykekxók ma'a wátsam Jordán, cham'a yaqwánxa sa' kataxnegwakxak ma'a Wátsam Ekwányam Étsapma nak. Wákxeyk sa' agkok ma'a, kátsekxak sa' yegmen ma'a wátsam ekwányam nak.

Oseas 10:12

Axta ektáhak ko'o séláneya s'e: Kólchenekxa sa' kéxegke ekpéwomo nentémakxa', tén sa' kólnakxek kólmekxak ma'a negásekhayo nak. Kólpeynchámekxa sa' makham xapop, yaqwayam sa' kólchenekxak makham aqsok, hakte wokmek kaxwók ekhem yaqwayam kólchetmok Wesse' egegkok, ekwokmoho sa' apwa'akto, apsánto sa' ekxámokma agko' nélwagkásamáxche teyp kélnepyeseksa kéxegke.

Miqueas 5:7

Keñe sa' nepyeseksa apxámokma énxet'ák, apkeleymomap nak ma'a Jacob énxet'ák apagkok, etnahagkok sa' ma'a ektémól'a yálye, apcháphassól'a Wesse' egegkok, tén han ektémól'a ekmámeye ekpálweyktál'a pa'at, melhaxanma nak chá'a apkeltémókxa etnehek ma'a énxet.

Isaías 27:3

Ko'o chá'a séláneykha xa, sektáha nak Wesse', yókxoho ekhem chá'a sekyásseséyak. Yókxoho ekhem chá'a sektaqmelchesso tén han yókxoho axta'a, yaqwayam enxoho megkóltawasha.

Joel 2:27

keñe sa' kéxegke israelitas, kólya'asagkohok sekha ko'o kélnepyeseksa kéxegke, ko'o sektáha nak Wesse', sektáha ko'o Dios kélagkok, méko pók enxoho. ¡Kamaskok agko' sa' elmegqeyk ma'a énxet'ák ahagkok!

Joel 3:1

“Ataqmelchessásekxak sa' ko'o makham apheykha énxet'ák Judá, tén han Jerusalén xa ekhem nak.