Isaías 44:1 - Biblia Enxet

¹ “Yeyxho sa' kaxwók sekpeywa, Israel, séláneykha Jacob ektáha axta sélyéseykha.

Isaías 44:1 Referans Kwoze

Isaías 41:8

“Israel, apteme nak séláneykha, yeyxho sa' sekpeywa. Jacob, apteme axta sélyéseykha, aptáwen neptámen axta m'a sekteme émók Abraham:

Jeremías 30:10

“Ektáhak ko'o sekpeywa s'e, sektáha nak Wesse': Jacob énxet'ák apagkok, apteme nak séláneykha, nágkóle'; Israel, ná égwe', hakte atekkesek sa' ko'o exchep se'e apchókxa makhawók agko', kélchexakhagweykenxa axta kélántekkessama yetlo aptawán'ák neptámen. Meyke ektáhakxa kélheykha sa' katnekxak makham, tén han ektaqmalma, meyke xama aqsok enxoho yaqwayam kalyegwakkasha.

Jeremías 4:7

Tekkek yámakméwa m'a ekyáqtamakxa nak, xegakmek ma'a ekmassésseykmoho nak pók aptémakxa énxet'ák; tekkek ma'a eyókxa nak, peyk kamasséssak kélókxa, yaqwayam kamasséssessók ma'a apchókxa tén han katnéssásekxak yókxexma meykexa énxet, tén han nápakha'a apketkók ma'a tegma apkelyawe kélagkok nak.

Salmos 105:6

kéxegke Abraham aptawán'ák neptámen apteme axta apkeláneykha, kéxegke Jacob axta apketchek apteme axta apkelyéseykha.

Isaías 55:3

Hélyo'óta ko'o, kóleyxwatámho sekpeywa, kóleyxho sektáhakxa keñe sa' megkóletsepek chá'a. Alának sa' ko'o ekhémo mók sélpaqhetchásamáxkoho kéxegke meyke néxa, yaqwayam sa' alának ma'a séltennassama axta alának ma'a David eñama seyásekhayo.

Isaías 43:1

Aptáhak kaxwók xép apcháneya Wesse' egegkok se'e, Israel, ektáha axta apkelane, Jacob ektáha axta aptekkesso: “Nágyé aqsa, ekwagkassek ko'o exchep teyp; ekwóneyha apwesey, xép apteme ahagkok.

Isaías 42:23

¿Yaqsa sa' kélxama kéxegke kólyahakxohok se'e? ¿Yaqsa ekmako keyxhok yaqwánxa sa' katnehek?

Génesis 17:7

Cháxa ekhémo mók nélpaqhetchásamáxkoho sélánésa nak xép, tén han peya nak alanaksek ma'a apyókxoho aptawán'ák neptámen egmonye' sa', ko'o sa' chá'a atnehek Dios apagkok, tén han Dios apagkok ma'a aptawán'ák neptámen nak xép, meyke néxa'.

Salmos 136:22

apméssama axta yaqwayam etnehek apagkok ma'a apkeláneykha Israel, hakte megkamassegwomek chá'a segásekhayo.

Isaías 14:1

Yepyóshok sa' elanok Wesse' egegkok ma'a Jacob. Apkelyéseykha sa' etnekxak makham ma'a Israel, yának sa' elhakxak makham israelitas ma'a xapop apagkok nak. Elyepetchegwak sa' nahan ma'a megkatnaha nak apkelókxa xamo', epaxqeykxak sa' ma'a Jacob énxet'ák apagkok.

Isaías 41:9

Ekyentaweykekxeyk axta ko'o exchep ma'a mók nekha xapop nak, Ekwóneykha axta m'a makhawók agko' nak. Axta ektemék seyenagkama s'e: ‘Xép apteme séláneykha.’ Élyéseykha axta ko'o exchep axta ataqhessamo'.

Isaías 44:21

“Israel, kaxén sa' apwáxok xép apteme séláneykha. Jacob xép apteme séláneykha, hakte ko'o axta sélane exchep. Israel, náhélwánaqmágwom aqsa ko'o.

Isaías 45:4

Ekwóneykha axta ko'o exchep eñama seyásekhayo m'a séláneykha Jacob, cham'a Israel, aptáha axta sélyéseykha, ekméssegkek axta nahan yaqwayam ékpelchekpohok apteme ekha kéláyo, cháxa apmeykencha'a nak, neyseksa mehey'áseyak eykhe ko'o exchep.

Isaías 48:12

“Israel, yeyxho sekpeywa, Jacob, sekwóneykha axta: Ko'o sekteme wánxa xama Dios, ko'o sekteme eyeynókxa tén han ektemegwánxa néxa.