Isaías 43:12 - Biblia Enxet

¹² Aptáhak Wesse' egegkok se'e: “Ko'o séltennáseykha tén han seklegasso: ko'o sélwagkasso teyp; háwe m'a mók aqsok kéláyókxa eñama nak mók nekha, kéxegke kélteme kélweteykegkoho.

Isaías 43:12 Referans Kwoze

Isaías 43:10

Aptáhak Wesse' egegkok se'e: “Kéxegke kélteme kélweteykegkoho chá'a aqsok sélane, kéltáha nak séláneykha, sélyéseykha axta yaqwayam hélyekpelkohok chá'a tén han héláwho', tén han hélya'asagkohok chá'a yaqsa ko'o. Méko axta xama aqsok kéláyókxa maweykxa axta ko'o, méko sa' nahan katnehek xama enxoho m'a netámen sa'.

Deuteronomio 32:12

“Wesse' egegkok axta aqsa apnaqleykha m'a, méko axta pók; ¡méko axta mók aqsok kéláyókxa eñama mók nekha yaqwayam kapasmok!

Isaías 44:8

¡Kólwasqápekxoho, nágkóle'! Axta ektemék ko'o sélanagkama kéxegke xa ektáha nak, eklegassegkek axta m'a nanók agko' axta, kéxegke kélteme kélya'áseykegkoho. ¿Yetneyk enxeykel'a pók dios mók nekha? Méko pók apkelmasma énxet; mateyk xama enxoho.”

Isaías 37:20

Dios Wesse' egegkok, hẽlmallahanches negko'o neyseksa apmáheyo hẽlnápok ma'a asirios, yaqwayam sa' elya'asagkohok apyókxoho pók aptémakxa nak chá'a énxet'ák apheykha keso náxop, apteme exchep Wesse', wánxa xama Dios.”

Isaías 37:7

Wának sa' ko'o ellegmakha amya'a m'a, yaqwayam sa' kataqheksohok makham ma'a apchókxa nak, sa' wának emátegwakxak ma'a.’”

Deuteronomio 32:16

Aplókassegkek axta Dios apkelpeykessamo m'a kéleykmássesso élmasagcha'a agko' nak;

Isaías 45:19

Meyxaxkók ko'o apaqmétek mapaqméswomek nahan ma'a kañe' ekyáqtéssamakxa nak exma keso náxop. Matnehek nahan alának Jacob aptawán'ák neptámen se'e: ‘Hélchetamsakxa m'a meykexa nak aqsok.’ Naqsók ko'o atnéssesek sekpeywa, ko'o sektáha nak Wesse', axének chá'a m'a aqsok ekpéwomo nak.

Deuteronomio 32:39

Ko'o sekwánxa ahagkok xama Dios; méko mók aqsok kéláyókxa, Ko'o sekmésso chá'a ekyennaqte apnények énxet, tén han apketsapma chá'a; ko'o nahan sekyensasso chá'a, tén han sektaqmelchessesseyam chá'a. ¡Méko xama énxet hégketek ko'o!

Isaías 55:4

Ekteméssessegkek axta ko'o apkemha apmonye' tén han apkelxekmowáséyak chá'a énxet'ák ma'a, yaqwayam enxoho kañék chá'a ekwetamaxche m'a sekmowána.