Biblia Todo Logo
Bib sou entènèt

- Piblisite -




Isaías 42:5 - Biblia Enxet

5 Aptáhak apcháneya apkeláneykha Dios se'e, Dios apkelane axta m'a néten tén han appeykesso axta, apkelane axta m'a xapop tén han apkelántekkesso axta aqsok ekhéyak nak ma'a awáxok, apmésso nak apkelyennaqte tén han apkelennama m'a énxet'ák apheykha ma'a kañe':

Gade chapit la Kopi




Isaías 42:5
36 Referans Kwoze  

Aphegkek Dios ma'a teyp yaphope eyapma nak keso náxop, máxa séta nahan aptemék apkeláneykencha'a m'a énxet'ák. Máxa kélpakxanma aptemék appeykessama yaphope m'a néten, máxa kélpakxanma aptemék appeykessama, negmowánal'a anxek ma'a kóneg.


Éláneyak axta ko'o m'a xapop tén han énxet yaqwayam exmakha m'a kañe', émek axta ektemék sekpeykessama m'a néten tén axta séltémo kalántépok ekyókxoho m'a élápogwátéyak nak.


Keso appeywa axta Wesse' egegkok se'e, apxéna m'a Israel. Aptáhak Wesse' egegkok se'e, appeykesso nak ma'a néten, appekkenma nak awhak ma'a xapop, apmésso nak apyennaqte m'a énxet:


Yetlo apmopwána axta apkelaneyk Wesse' egegkok xapop; yetlo apya'áseykegkoho axta appekkenmak nélwanmégkaxa; yetlo apmopwána aqsok axta appeykessók ma'a néten.


Sekmowána axta ko'o keñamak séláneya m'a xapop, sekmowána axta nahan keñamak sekpeykessama m'a néten; xama axta sekxéna élwesey, yetlómók axta nahan élánteyapma.


Keso aptáhakxa nak appeywa Wesse' egegkok se'e, apwagkasso nak teyp, apkelane axta apyetnamakxa m'a kañe' egken awáxok: “Ko'o sekteme Wesse', sélane ekyókxoho aqsok, ko'o axta sekpeykesso m'a néten, tén han sekpekkenma m'a xapop meyke sepasmo.


Wesse', yetlo ekyawe apmopwána axta exchep apkelanék néten tén han keso náxop. Méko xama aqsok megkapwagkexa elának xép.


Aptáhak appeywa ektáha axta apkelane néten se'e, cham'a apteme nak Dios, tén han Wesse' egegkok, apkelane axta xapop tén han aptekkesso axta, ektáha axta appekkenma, apkeláneya axta háwe yaqwayam keytek aqsa meyke aqsok ma'a kañe' yaqwayam exek nahan énxet ma'a: “Ko'o sekteme Wesse', méko pók.


Appeywa axta keñamak Wesse' egegkok apkeláneya m'a néten, apwátekhapma axta keñamak élánteyapma m'a ekyókxoho aqsok élápogwáteyák nak néten.


Dios ekha Apyennaqte axta ko'o sélane, egkéssegkek axta sekyennaqte apkennama.


Dios apmeykha élyennaqte ekyókxoho aqsok ekha nak élennama.


¿Yaqsa élyetsáteykegko awáxok ámek ekwánxa ekyawe m'a wátsam ekwányam nak? ¿Yaqsa élyetsáteykegko aphék ekwánxa ekpayhe m'a néten? ¿Yaqsa ekxátama xama kelyetsáteyak ekyókxoho yagkamex nak keso náxop? ¿Yaqsa nahan élyetsáteykegko xama kelyetsáteyak ma'a egkexe tén han ma'a meteymog élekhahéyak nak?


Appekkenma axta xapop néten yegmen, hakte megkamassegwomek chá'a segásekhayo.


Appekkenmeyk aphamakxa Wesse' egegkok ma'a néten, keñe xapop appekkena kóneg ma'a yaphope ekyápaqmate; elwónmakha chá'a yegmen ma'a wátsam ekwányam, keñe eyegkenek chá'a keso náxop. Wesse' egegkok, cháxa apwesey xa.


Keñe axta Dios Wesse' egegkok apkelana énxet ma'a xapop ánek, apwátekhakkassek axta apwéhek apmésa apyennaqte. Cháxa aptamhákxo axta énxet ekha apkennama.


¿Yagkólya'ásegkok? ¿Yagkóllegeyk nahan? Wesse' egegkok apteme Dios memassegwayam, apkelane ekyókxoho keso nélwanmeygkaxa, meyelqamap tén han meyampé, méko néxa m'a ektémakxa nak apmopwána aqsok.


Apkelyementamákxeyk agkok apkelennama m'a énxet'ák élméssama nak apkelyennaqte, eletsapok apyókxoho, xapop makham etnahagkokxa'.


segkéssama nak makham sekyennaqte, tén han sénnama,


Apkenmexeykekxeyk xép Wesse' egegkok, apkeltémo kólsantagkasek egheykok tén han egheykok élyawe ekhéyak axta m'a tegma appagkanamap, apkelmáha axta apyena vino xa, yetlo m'a ektáha axta apkeláneyeykha, apkelpeykásawók han ma'a aqsok kéláyókxa élánamáxche nak sawo ekyátekto ekmomnáwa, tén han sawo ekmope ekmomnáwa, sawo ekyexwase, sawo ekyentaxno, yántéseksek tén han meteymog; aqsok kéláyókxa megkate nak exma, megkañe nak ektemegweykmoho exma, megkay'áseyak nak aqsok. Melpeykessamók ma'a Dios apmésso nak apyennaqte wesse', tén han apmésso nak chá'a ekyókxoho m'a apkelanakxa enxoho chá'a.


Apkelanak axta sekxók amonye' Dios néten tén han náxop.


“Wesse' ekha apyennaqte, Israel Dios apagkok, apteme nak Wesse' étseksa'ák ma'a apkelásenneykha ekha nak apxempenák apheykha néten, xép apwánxa apagkok apteme Dios ekyókxoho apkelókxa keso náxop; xép axta apkelane m'a néten tén han keso náxop.


Kólsekhekxoho néten, kóllano: ¿Yaqsa axta élane xa ekyókxoho nak? Cham'a apkexpánchesso axta chá'a xama xama m'a yaw'a tén han apnegkenchesso axta chá'a apkelwesey m'a apyókxoho nak. Awanhók agko' ma'a apmopwána tén han apyennaqte, méko xama enxoho apkeymomap.


Malxénchásekxók sa' chá'a ko'o kaxwók apkeltémakxa m'a énxet'ák ahagkok maltaqnaweygkek sa' nahan chá'a yókxoho ekhem; hakte elyelqakpok katnehek nahaqtók ko'o m'a énxet'ák ektáha axta sélane.


Yetlo ekyawe sekmowána axta ko'o élaneyk nélwanmégkaxa, tén han énxet'ák, tén han aqsok nawha'ák élleykha nak awáxok, ewanchek han ko'o agkések sekmakókxa enxoho agkések.


Apyexákpók axta eyke wesse' apwányam Sedequías aptáha apmésa ekmámnaqsoho appeywa Jeremías se'e: —Naqsók ko'o ekteméssásak nápaqtók Wesse' egegkok, segmésso nak negyennaqte magwánhek ematñekxa', magkéshek sa' nahan ma'a énxet'ák apmáheyo nak yaqhek.


Ko'o sekteme ahagkok ma'a apyókxoho énxet, cham'a apyapmeyk nak tén han ma'a apketchek nak. Apkelanak agkok mey'assáxma xa, yetsapok sa'.


Mékoho m'a aqsok apcháyókxa nak chá'a pók énxet'ák, Wesse' egegkok axta eyke apkelane néten.


Swiv nou:

Piblisite


Piblisite