Isaías 42:12 - Biblia Enxet

¹² Kóltemésses apcheymákpoho m'a Wesse' egegkok, kóllegés kélmeneykmasso m'a apkelókxa ekhéyak nak neyáwa wátsam ekwányam.

Isaías 42:12 Referans Kwoze

Isaías 42:4

Mellókasek sa' apyampé, meyelqakpek sa' nahan, ekwokmoho aptaqmelchessásekxo apheykha énxet'ák keso náxop. Eleyxmakha sa' chá'a nélxekmowásamáxche' apagkok ma'a énxet'ák apheykha nak neyáwa wátsam ekwányam.”

Salmos 22:27

Kaxén sa' kélwáxok kéxegke Wesse' egegkok kélyókxoho pók aptémakxa nak énxet'ák kélheykha keso náxop, kólyo'óta sa' ma'a; ¡kóltekxeyák sa' kéltapnák apmonye' m'a!

1 Samuel 6:5

Kóleykmássesha sa' tasqapma, tén han pomo'o aptawáseykencha'a nak negókxa, kóltemésses apcheymákpoho m'a Dios nak Israel; lapmaxcheyk sa' kamassegwók apkellegassáseykegkoho kéxegke, keñe han ma'a aqsok kéláyókxa nak chá'a, tén han kélókxa nak kéxegke.

Salmos 66:2

kólmeneykmásses negmeneykmasso m'a apwesey eyeymáxkoho nak; kólmeneykmásses negmeneykmasso ektaqmalma eñama apteme apwányam apagko'.

Salmos 97:1

¡Kalpayhekxa kélwáxok kélyókxoho kélheykha nak keso náxop! ¡Kalpayhekxa kélwáxok kélheykha nak ekyókxoho egkexe étkók! ¡Wesse' egegkok apteme Wesse' Apwányam!

Isaías 12:4

keñe sa' kóltéhek se'e: “Kólmés ekxeyenma kélwáxok Wesse' egegkok, kóltennasha apyókxoho énxet'ák apheykha nak keso náxop aqsok apkelane nak, kólya'assásegwakxoho apteme néten ma'a ekyókxoho aqsok.

Isaías 43:21

cham'a énxet'ák sélane axta yaqwayam hélpeykeshok ko'o.