Isaías 42:11 - Biblia Enxet

¹¹ Kalpayhekxa kélwáxok kéxegke kélheykha nak meykexa énxet yetlo tegma apkelyawe kélagkok tén han ma'a apkelpakxeneykegkaxa nak Quedar énxet'ák. Kólmeneykmés yetlo ekmátsa kélwáxok kélheykha nak Selá; nágkóleysagkoho kólpáxamha m'a néten egkexe étseksa'ák nak.

Isaías 42:11 Referans Kwoze

Isaías 32:16

Keytek sa' ekpéwomo nentémakxa ekyókxoho m'a kañe' apchókxa tén han ma'a ektaqmalma nentémakxa.

Isaías 60:7

Kélnaqtósso sa' kóltéhek kéxegke apyókxoho m'a nepkések apkeleñama nak Quedar; elyagqak sa' nahan kélheykegkaxa m'a nepkések apkelennay'a Nebaiot apnaqtósso nak, yaqwayam sa' kólmések chá'a Wesse' egegkok kólnegkenchesek ma'a néten nak kélwatnéssamakxa aqsok, kólteméssesek aqsok kélmésso naqsa ekleklamo nak apwáxok, keñe sa' kayágwomhok apteméssesso aptaqmalma apagko' ma'a tegma appagkanamap aptaqmalma apagkok nak.

Nahúm 1:15

¡Kóllano! ¡Apxegakmek apseykha nak amya'a meyke ektáhakxa egwáxok ma'a néten nak egkexe! Énxet'ák Judá, kóllána kélessawassamo; kóllána m'a kélxeyenma axta chá'a kóllána'. Wánxa sa' kaxwók apkelántaxno xapop kélagkok ma'a énxet'ák élmasagcha'a nak apkeltémakxa; hakte apmassegwokmek apyókxoho m'a.

Isaías 52:7

¡Táse' nak la'a agwetak ewak néten egkexe m'a apseykha nak amya'a ektaqmela, apseykha nak ma'a amya'a meyke ektáhakxa egwáxok, apxeyenma nak ma'a ektémakxa sẽlmallahanchesso aqsok ekmaso apteme nak yának Sión se'e: “Wesse' apwányam ma'a Dios apagkok nak xép!”

Isaías 35:6

máxa popyet sa' etnahagkok elnextegmakha néten ma'a énxet'ák élmasagcha'a nak chá'a apyókxa, elwehesha sa' ma'a énxet'ák meyke nak apkelpeywa. Katyapok sa' ekyawe agko' yegmen ma'a yókxexma meykexa nak énxet, ekyamáyekxa nak ma'a xapop.

Isaías 21:16

Aptáhak seyáneya Wesse' egegkok se'e: “Wokmek sa' agkok xama apyeyam kamassegwók sa' ektémakxa nak eyeymáxkoho m'a Quedar, ektémól'a m'a énxet kélyánmagkassól'a aptamheykha kammok néxa apxawe aptamheykha.

Isaías 16:1

Kóláphés nepkések apketkók kélmésso naqsa m'a egkexe Sión, apkeleñama m'a meykexa nak énxet tegma apwányam Selá.

Salmos 120:5

¡Eyóse' nak la'a ko'o sekha nak Mésec megkatnahakxa seyókxa, sekpakxanma nak nepyeseksa m'a énxet'ák Quedar!

Génesis 25:23

Aptáhak axta apchátegmowágko s'e: “Ánet apchókxa pók aptémakxa énxet'ák hágkok kañe' awáxok. Apqánet énxet apkelnápékpok amonye' appalleyam. Xama sa' etnehek apyennaqte apagko', mexók sa' ma'a pók nak, apchásenneykha sa' etnehek átnaha apketkok ma'a apsexyo nak.”

Jeremías 49:16

Eyaqhémo temégweykmok kéxegke m'a kéleymáxkoho nak, hakte kóleyxchek axta chá'a. Kélheykha kéxegke m'a neyseksa meteymog élyagqaxe, kélpathetmeyk ma'a naw'ék egkexe netno nak. Kéllánegweykmek eykhe kéxegke kélxanák ma'a netnók agko' nak, ektémól'a náta ekyawe, sa' eyke kólenyék alántekkesek ko'o kéxegke m'a. Ko'o sekxeyenma xa, sektáha nak Wesse'.

Jeremías 48:28

Énxet'ák Moab, Kólántép tegma apkelyawe kélagkok; kólmohok kólhamok ma'a élaqneykegkaxa nak meteymog, aptémól'a wáx'ay, apkelánegwayam la'a apxanák ma'a naw'ék nak.

Jeremías 21:13

“Tegma apwányam apyetnama nak néten apsawheykekxoho nak chá'a apkelányo m'a ekyapwátegweykenxa xapop ektémól'a meteymog émhal'a m'a neyseksa ekpayhegweykenxa xapop, ekxénchek ko'o ataqnók xép, ko'o sektáha nak Wesse'. Kóltéhek chá'a kéxegke kólpaqmétek se'e: ¿Yaqsa awanchek hegketámegmak negko'o? ¿Yaqsa awanchek kawak se'e nélyexanmomakxa nak negko'o?

Isaías 43:19

Alának sa' ko'o kaxwók axnagkok aqsok, kaxwók sa' kólwetak katyapok. Alának sa' ko'o xama ámay ma'a yókxexma meykexa nak énxet, keñe sa' wátsam ma'a xapop megkatyapmakxa nak xama aqsok.

Isaías 35:1

Kapayhekxa awáxok yókxexma meykexa nak énxet, ekyamáyekxa nak exma xapop, kapayhekxoho agko' awáxok kalyapwekxa' makham,

Abdías 1:3

Apcheymákpoho keñamak megyaqhémo aptémakxa. Aphegkek xép ma'a neyseksa nak meteymog áxwa, cham'a netnók agko' nak egkexe, cháxa keñamak apkenagkama nak xép méko kategkesek.

Isaías 40:3

Táhak xama kélpeywa ekyennaqte s'e: “Kóllanés xama ámay Wesse' egegkok ma'a yókxexma meykexa nak énxet, kóllanés xama ámay ekpéwomo Dios egagkok ma'a yókxexma megkatyapmakxa nak xama aqsok.

Isaías 12:5

Kólmeneykmásses Wesse' egegkok, hakte apkeláneyak ekyawe agko' aqsok ma'a, yaqwayam nak kólya'asagkohok ekyókxoho keso náxop.

Jeremías 49:31

Ektáhak ko'o seyáneya s'e, sektáha nak Wesse': ¡Kólxeg, kólchetamák xa énxet'ák megkalyetnakhassamo nak apkelwáxok xama aqsok tén han ektaqmalma nak apheykha, apheykha nak chá'a meyke atña'ák apagkok, tén han meyke apkelápeykekxa, apyetno nak apxakko'!

Ezequiel 27:21

Axta apkelmomakxa chá'a aqsok apkexeykekxa exchep ma'a énxet'ák Arabia tén han ma'a apyókxoho kelwesse'e nak ma'a yókxexma Quedar: eyánmagkasek axta chá'a aqsok apkelma m'a nepkések apketkók tén han ma'a nepkések apkellennay'a nak tén han ma'a yát'ay apketkók nak.