Biblia Todo Logo
Bib sou entènèt

- Piblisite -




Isaías 42:1 - Biblia Enxet

1 “Keso seyásenneykha ko'o s'e, sekpasmoma nak chá'a, sélyéseykha axta, ekleklamo nak ewáxok aptémakxa'. Ekméssegkek ko'o espíritu ahagkok xa yaqwayam enxoho etaqmelchessásekxak apheykha m'a apyókxoho pók aptémakxa nak chá'a énxet'ák.

Gade chapit la Kopi




Isaías 42:1
47 Referans Kwoze  

Wesse' egegkok espíritu apagkok ko'o sekxegexma, hakte epagkanchek axta ko'o m'a Wesse' egegkok; eyáphássek axta asókasek amya'a ektaqmela m'a énxet'ák meyke nak aqsok apagkok, eyáphássek axta amasséssesek élyaqhápeykha apkelwáxok ma'a énxet'ák élyaqhápeykha nak apkelwáxok, eyáphássek axta allegaksek peya kólchexeykxak ma'a apkelmomap nak, tén han peya kólántekkesek ma'a apheykha nak kañe' negmomaxchexa;


Tásek sa' katnehek ekteyapma aqsok apkelane m'a séláneykha, kéláyo sa' kóltéhek, kólhéssók sa' ma'a netnók agko' nak.


Aptáhak Wesse' egegkok se'e: “Kéxegke kélteme kélweteykegkoho chá'a aqsok sélane, kéltáha nak séláneykha, sélyéseykha axta yaqwayam hélyekpelkohok chá'a tén han héláwho', tén han hélya'asagkohok chá'a yaqsa ko'o. Méko axta xama aqsok kéláyókxa maweykxa axta ko'o, méko sa' nahan katnehek xama enxoho m'a netámen sa'.


Étak sa' ekyaqmageykekxa ektémakxa apha natámen apwete ekxámokma aplegeykegkoho, kapayhekxak sa' apwáxok ma'a apya'ásegwokmo enxoho; elmallahanchesek sa' aqsok ekmaso apxámokma énxet ma'a Wesse' egegkok apkeláneykha appéwomo nak, hakte emekxak sa' ma'a apkeltémakxa élmasagcha'a nak.


“Israel, apteme nak séláneykha, yeyxho sa' sekpeywa. Jacob, apteme axta sélyéseykha, aptáwen neptámen axta m'a sekteme émók Abraham:


Aptáhak Wesse' egegkok se'e: “Élanak ko'o ekhémo mók sélpaqhetchásamáxkoho kéxegke, ekxénchek nahan megkakxayhek kaxwók xama enxoho kéxegke m'a sekmowána tén han ma'a nélxekmowásamáxche ahagkok sekmésa nak, ekweykekxoho m'a kéltawán'ák kélnentámen megkatnégwayam néxa.”


Xép Josué, apteme nak apkemha apmonye' apkelmaxnéssesso énxet'ák ahagkok, etaqmelchesho sa' apháxenmo. Tásek sa' eleyxhok nahan ma'a apkelxegexma'a aptémo xamo' nak apkelmaxnéssesso énxet'ák ahagkok, hakte kéxegke kélteme magkenatchesso sektéma axta chá'a ko'o sekxeyenma katnehek se'e: Eyntementák sa' ko'o séláneykha, Kaxwe Aptépeykekxa'.


Etnehek sa' apkelyekpelchémo Wesse' egegkok nepyeseksa m'a pók aptémakxa nak chá'a énxet'ák, elánekxések sa' nahan chá'a ektémakxa apkelenmexamap ma'a apxámokma énxet'ák. Xóp élpeyncheyam sa' etnéssásekxak ma'a sawo élwenaqte apagkok nak, keñe sa' sawhéwa apagkok etnessásekxak ma'a sawo élhaxe. Melnapakpekxék sa' nahan chá'a kaxwók pók ma'a énxet'ák, megkólxekmósek sa' nahan chá'a kaxwo' yaqwayam yempakha'.


Apyókxoho pók aptémakxa énxet'ák chá'a ko'o etnehek seyáyo, ekyókxoho yókxexma chá'a hélwatnések ma'a aqsok ánek ekmátsa nak ekpaqneyam éten agkok, tén han hélmések chá'a aqsok sélmésso naqsa ekpayhawo nak chá'a hélmések.


Keytek sa' ekpéwomo nentémakxa ekyókxoho m'a kañe' apchókxa tén han ma'a ektaqmalma nentémakxa.


Méko keymentók ektémakxa apyennaqte Judá, méko han kawának keymentók aptémakxa nak ekha kélyaheykekxoho, ekwokmoho apwa'akto makham ma'a ektáha nak apagkok ma'a aptémakxa nak wesse', cham'a peya nak elyahakxohok ma'a énxet'ák.


Ekyentaweykekxeyk axta ko'o exchep ma'a mók nekha xapop nak, Ekwóneykha axta m'a makhawók agko' nak. Axta ektemék seyenagkama s'e: ‘Xép apteme séláneykha.’ Élyéseykha axta ko'o exchep axta ataqhessamo'.


Melpáxamha sa', mepaqmétek sa' ekyennaqte agko', meltamhók sa' kañexchek appeywa m'a ámay nak,


Ataqmelchesek sa' ko'o exchep xa ekhem nak Zorobabel, apteme nak séláneykha, sa' atnéssesek ma'a ektémól'a sétchesso ephék sélqahassól'a, hakte élyéseykha ko'o exchep. Ko'o sekxeyenma xa, sektáha nak Wesse' ekha sekyennaqte.”


¡Elánekxések sa' chá'a apheykha wesse' apwányam ma'a meyke nak aqsok apagkok! ¡Epasmok sa' chá'a m'a apketchek nak énxet'ák ekhakxa nak chá'a eyeyméxchexa aqsok, kóneg sa' etnessásekxak ma'a apnaqtawáseykegkoho nak chá'a!


“Wának sa' chá'a ko'o etnahagkok apkelwesse'e apyaqmagkasso exchep ma'a aptawán'ák neptámen.”


Kéxegke kéláyo nak chá'a Wesse' egegkok tén han kélháxenmo nak chá'a appeywa m'a apkeláneykha: kélxegkek agkok ekyáqtésakxaxma, meyke éltátchessesso m'a élseyéxma, kólteme kéláyo m'a Wesse' egegkok kólyepetchegwakxa m'a Dios kélagkok.


—¿Yaqsa xa ekxegakmo nak eñama Bosrá, apyawakxa nak tegma agkok ma'a Edom, apkelyexwase nak apkelnaqta, apxegakmo nak apkeltaqmalma apagko' apkelnaqta, apyennaqtésakmo apagko' nak apyempehek apxegakmo? Ko'o xa, sekxeyenmo nak chá'a negmallanma, émeyhek han ko'o yaqwayam alwagkasek teyp.


Swiv nou:

Piblisite


Piblisite