Isaías 41:1 - Biblia Enxet

¹ “Kólwanmeyák nahaqtók ko'o, kéxegke kélheykha nak apkelókxa neyáwa wátsam ekwányam. Énxet'ák, kólyennákxoho sa'. Kólxegma sa' yaqwayam anxének se'e aqsok nak; agaqnekxak sa' yaqwayam ólpaqmétek.

Isaías 41:1 Referans Kwoze

Isaías 1:18

Aptáhak Wesse' egegkok se'e: “Kólchexyem, ólpaqmétek sa' anxének se'e aqsok nak. Ekyexwase agko' eykhe tamhákxak ma'a kéltémakxa nak megkólya'assáxma, ekmope sa' eyke ko'o atnessásekxa' ektémól'a m'a yeyam appok la'a; máxa apáwa kéltamheykekxal'a hómáyok sa' eykhe katnehek, ekmope sa' eyke ko'o atnessásekxa', ektémól'a m'a nepkések apwa'.

Habacuc 2:20

Apheyk Wesse' egegkok ma'a tegma aptaqmalma appagkanamap apagkok: ¡Kólwanmeyák nápaqto' kélyókxoho kélheykha nak ekyókxoho keso náxop!

Zacarías 2:13

¡Kólwanmeyák sa' kélyókxoho nápaqtók Wesse' egegkok, hakte apwayak negyeseksa apkeñama m'a kañe' ekpagkanamaxchexa, aphamakxa nak chá'a!

Salmos 46:10

“¡Kólwatés kélnápomáxche'! Kólya'asagkoho sektáha ko'o Dios! ¡Ko'o sekteme néten agko' nepyeseksa m'a pók aptémakxa énxet'ák! ¡Ko'o sekteme néten agko' ekyókxoho keso náxop!”

Isaías 34:1

Énxet'ák, kólyepetchegwatámho yaqwayam kóleyxho'; kóltaqmelchesho sa' kélháxenmo kélheykha nak ekyókxoho keso náxop. Xapop, keyxho tén han ekyókxoho aqsok ekhéyak nak ma'a awáxok, tén han nélwanmégkaxa ekyókxoho m'a aqsok élántekkesso nak.

Isaías 11:11

Exekmósek sa' makham apmopwána Wesse' egegkok apmako sa' enaqlanták makham énxet'ák apagkok apkeleymomap xa ekhem nak, apnaqlósawákxo sa' makham ma'a Asiria, Egipto, Patros, Etiopía, Elam, Sinar, Hamat tén han ma'a apkelókxa ekhéyak nak neyáwa wátsam ekwányam.

Job 38:3

Hexekmós kaxwók apteme apyennaqte, yátegmowák sa' se'e aqsok sélmaxneyeykha:

Isaías 50:8

Apheyk ko'o sekhakxa m'a semasma nak chá'a: ¿Apyetnéya kélxama apmáheyo hexének ko'o? ¡Ólmeyekxak sa' ólpaqméswók ma'a aphakxa nak énxet segyekpelchémo! ¿Apyetnéya xama énxet apkenè kapéwók hesexnenak ko'o? ¡Tásek sa' exegmak héltennaksek!

Isaías 49:1

Kóleyxho sekpeywa, kéxegke, kélheykha nak apkelókxa neyáwa wátsam ekwányam, kóltaqmelchesho kélháxenmo sekpeywa, kélheykha nak makhawók agko': Ewóneykha axta ko'o Wesse' egegkok matyeykemxa axta makham keso náxop; apxeyenmeyk axta sekwesey m'a sekyetnamakxa axta makham kañe' méme awáxok.

Isaías 48:16

Hélyepetchegwatámho ko'o, kóleyxho sa' nahan se'e: Sekxók eyeynókxa axta ko'o sekteme meyxamaxkoho apaqmétek; Ekhegkek axta ko'o ektéma axta ekyókxoho xa aqsok nak. Ekméssek eyke ko'o kaxwók sekmowána m'a, ko'o sektáha nak Wesse', eyáphássek nahan.”

Isaías 40:31

elxawagkok sa' eyke chá'a axnagkok apkelyennaqte m'a énxet'ák apcháyo nak chá'a Wesse' egegkok, apwanchek sa' elchampa' ektémól'a m'a náta élyawe; apwanchek sa' yenyahagkok chá'a meyke apkelennamágwayam, apwanchek sa' elxog chá'a meyke apkelyampágwayam.

Isaías 41:5

Apkelweteyak axta m'a énxet'ák apheykha nak neyáwa wátsam ekwányam, apkeláyók apagko' axta nahan; apkelyegwaktegkek axta énxet'ák ekyókxoho apheykegkaxa ekweykekxoho m'a mók néxa xapop nak. Apchágketchessa'ak kaxwo', apkelxegakme'.”

Isaías 43:9

Énxet'ák, kólaqnekxa kélyókxoho, kólyepetchekxa kélmók pók aptémakxa nak chá'a énxet'ák ¿Yaqsa axta xama nepyeseksa xa énxet'ák nak apkeltenneykencha'a chá'a s'e aqsok nak? ¿Yaqsa axta xama aplegassama chá'a m'a ektémakxa axta nentámen? Kólyentementa sa' ektáha apweteykegkoho yaqwayam sa' exének ektáha naqso', yaqwayam sa' kahaxnaxkoho' keñe sa' kaxénaxchek ektáha naqso'.”

Isaías 43:26

Yetneyk sa' agkok yaqwayam hexének ko'o, ólmahagkok sa' ma'a sẽlyekpelchémókxa nak. Exének sa' ma'a aqsok apmáheyo exének kataxchek sa' kexa apteme meyke aptémakxa.