Isaías 40:3 - Biblia Enxet

³ Táhak xama kélpeywa ekyennaqte s'e: “Kóllanés xama ámay Wesse' egegkok ma'a yókxexma meykexa nak énxet, kóllanés xama ámay ekpéwomo Dios egagkok ma'a yókxexma megkatyapmakxa nak xama aqsok.

Isaías 40:3 Referans Kwoze

Malaquías 3:1

Aptáhak Wesse' egegkok ekha apyennaqte s'e: “Wáphaksek sa' ko'o apseykha amya'a ahagkok, yaqwayam enxoho ko'o hélanaksek ámay. Kaxwók sa' etaxnegwaták tegma appagkanamap apagkok ma'a Wesse' egegkok, kélchetamsama nak chá'a kéxegke. ¡Apxegakmek ma'a apseykha amya'a apxeyenmo nak chá'a m'a ekhémo mók nélpaqhetchásamáxkoho kélmámenyého nak chá'a kéxegke!”

Isaías 57:14

Keñe sa' kañexchek katnehek kalpaqmetaxchek se'e: “Kóllána sa' xama ámay éláxñeyo agko', kólyetnakhés sa' ma'a aqsok élhaxtaméyak nak chá'a ámay yaqwayam sa' elyeykhak ma'a énxet'ák ahagkok.”

Isaías 43:19

Alának sa' ko'o kaxwók axnagkok aqsok, kaxwók sa' kólwetak katyapok. Alának sa' ko'o xama ámay ma'a yókxexma meykexa nak énxet, keñe sa' wátsam ma'a xapop megkatyapmakxa nak xama aqsok.

Isaías 35:8

Keytek sa' nahan xama ámay ma'a neyseksa nak, kólteméssesek sa' ekwesey “ámay ekpagkanamaxche'”. Mopwanchek sa' elpéwhok élmanyása nak apkeltémakxa m'a; melpéwók sa' nahan chá'a m'a énxet'ák élyeyháxma nak.

Isaías 49:11

Alának sa' ko'o xama ámay ma'a neyseksa nak meteymog élekhahéyak, meyke élyapwátéyak sa' atnéssesek.”

Salmos 68:4

Kólmeneykmásses chá'a kéxegke m'a Dios, kólmeneykmásses chá'a negmeneykmasso kólxének apwesey; kólpeykesho chá'a kéxegke m'a apxegamo nak chá'a néten yaphope. ¡Kólmés chá'a ekpayheykekxa kélwáxok Wesse' egegkok! ¡Kalpayhekxa chá'a kélwáxok nápaqto'!

Isaías 40:4

Kólapagkokxa ekyókxoho m'a xóp élyapwátéyak nak, kólpeykásekxa m'a egkexe nak tén han ma'a egkexe étkók nak, kóltemessásekxa éláxñeyo agko' xapop ma'a yókxexma élekhahéyak nak xapop tén han ma'a ekxámokmakxa nak meteymog élwenaqte.