Isaías 40:1 - Biblia Enxet

¹ Aptáhak Dios kélagkok nak kéxegke s'e: “Kóltaqmelchessásekxa apkelwáxok énxet'ák ahagkok, kóltaqmelchessásekxa';

Isaías 40:1 Referans Kwoze

Isaías 51:12

“Ko'o ahagko' sélwasqakkáseykekxoho chá'a kéxegke. ¿Yaqsa kéláya chá'a kéxegke? ¿Énxet ya? ¿Keya kélayeyk chá'a kéxegke m'a énxet'ák apkeletsapmo nak chá'a, aphémo nak pa'at?

Isaías 51:3

Kapyóshok sa' ko'o alanok ma'a Sión, tegma apwányam apmopsagko nak apyókxoho. Namyep éltaqmalma sa' atnessásekxak ma'a ekyamáyekxa nak exma xapop yókxexma meykexa nak énxet, ektéma axta m'a Edén apkeneykekxexa axta aqsok ma'a Wesse' egegkok. Keytek sa' ekpayheykekxa egwáxok ma'a tén han negátseykha, tén han negmeneykmasso tén han negháxenmo m'a kélpáwasso ekmátsa.

Zacarías 1:13

Apchátegmowágkokxeyk axta Wesse' egegkok yetlo ektaqmeleykha appeywa m'a apchásenneykha ektáha axta ko'o sepaqhetchesso, yaqwayam etaqmelchessásekxak apwáxok,

Zacarías 9:9

¡Kapayhekxoho agko' apwáxok xép, tegma apwányam Sión! ¡Enneykmés kapayhekxak apwáxok, xép tegma apwányam Jerusalén! Apya'aweykteyk xép, Wesse' apwányam apagkok Wesse' appéwomo, tén han segwagkassamo teyp, háwe eyke eyeymáxkoho apwáxok, yámelyeheykok apchánte, yámelyeheykok étkok.

Isaías 60:1

Kólchaqnekxa néten, énxet'ák Jerusalén, kólaqlaxche apkelyenma, hakte wa'ak élseyéxma kélagkok, kelyenmeyk Wesse' egegkok apcheymákpoho kélyetseksa'ák.

Isaías 12:1

Sa' kóltéhek kólpaqmétek kéxegke xa ekhem nak: “Wesse', ekméssek xép ekpayheykekxa ewáxok, hakte etaqnagkamchek axta eykhe ko'o exchep, massék eyke m'a aplo, egkeyásékxeyk makham meyke ektáhakxa ewáxok.

Isaías 52:9

¡Kólwehesha ekyennaqte agko' kólátsaha, kélheykha nak Jerusalén tegma apwányam kéltawáseykha nak, hakte apkelásekhákxók Wesse' egegkok ma'a énxet'ák apagkok, apwagkassek teyp ma'a Jerusalén!

Isaías 41:27

Ko'o axta seklegasso sekxók eyeynókxa axta m'a Sión, ko'o axta nahan seyáphasso xama apseykha amya'a m'a Jerusalén séltémo eltennaksek peya elwaták makham ma'a énxet'ák apagkok.

Isaías 50:10

Kéxegke kéláyo nak chá'a Wesse' egegkok tén han kélháxenmo nak chá'a appeywa m'a apkeláneykha: kélxegkek agkok ekyáqtésakxaxma, meyke éltátchessesso m'a élseyéxma, kólteme kéláyo m'a Wesse' egegkok kólyepetchegwakxa m'a Dios kélagkok.

Isaías 3:10

Apkeleñémo énxet appéwomo, hakte tásek sa' chá'a katnehek ma'a aqsok apkelane, kataksek sa' ektaqmalma apha m'a aptamheykha eñama apwasqápeykekxoho.

Salmos 85:8

Weyxhok sa' ko'o peya nak exének Wesse' egegkok; hakte exének sa' egkések meyke ektáhakxa apheykha m'a énxet'ák apagkok, cham'a ektáha nak chá'a melyenseyam apkelyetleykha, melánegkokxo enxoho makham apkeltémakxa élyeyháxma.

Nehemías 8:10

Aptáhak axta han Esdras apkeláneya s'e: “Kóltaqhekxa', kóltáswakxa kéltéyak ektaqmela, kólyenák sa' han ma'a vino ekmátsa nak, kóláneyha sa' han ma'a meykexa nak yaqwayam etawagkok, hakte sakhem ekteme ekhem kélpagkanchessamakxa m'a Wesse' egegkok. Nágkalyaqhapmakha kélwáxok, hakte cha'a segyennaqtésso m'a ekpayheykekxa egwáxok segméssamól'a Wesse' egegkok.”

Isaías 61:2

eyáphássek axta nahan altennaksek énxet'ák ekwa'a m'a ekhem yaqwánxa nak elwagkasek teyp Wesse' egegkok ma'a énxet'ák, ekhem yaqwánxa nak heghésseshok mók Dios egagkok senteméssessamakxa m'a sẽlenmexma nak. Eyáphássek axta yaqwayam alpeykessásekxak apkelwáxok apyókxoho m'a élyaqhápeykha nak apkelwáxok,

Ezequiel 16:42

Keñe sa' kamaskok ko'o sektaqnagko exche', kamaskok sa' ma'a ektémakxa nak sénmexeykha; awanmeyekxak sa', kamaskok sa' seklawa.

Salmos 85:3

Apkelwátessamók agko' aplo, tén han apkeltaqnawéyak énxet'ák apagkok.

Eclesiastés 3:4

Yetneyk ekhem nenlekxagweykegkaxa', tén han néktegmeykegkaxa'. Yetneyk ekhem senlapweykenxa', tén han ekpayheykekxexa egwáxok.

Zacarías 1:17

Aptáhak axta nahan seyáneya Dios apchásenneykha s'e: “Exén sa' nahan se'e: ‘Aptáhak Wesse' egegkok ekha nak apyennaqte s'e: Wának sa' ko'o enaqxétekhagkokxohok apagko' makham ma'a tegma apkelyawe ahagkok; agkeyásekxak sa' makham axnagkok ekwasqápeykekxoho m'a Sión, axénekxak sa' ko'o makham Jerusalén apteme tegma apwányam ahagkok sélyéseykha.’”