Isaías 30:8 - Biblia Enxet

⁸ Exegma kaxwo', etaxés sa' xama meteymog ekpayhe, epekken sa' apnaqtáxésso yaqwayam sa' keytek aqsa m'a, élhaxanma m'a egmonye' sa', yaqwayam katnehek ekxénweykekxoho chá'a kélwáxok meyke néxa.

Isaías 30:8 Referans Kwoze

Habacuc 2:2

Aptáhak axta seyátegmowágko Wesse' egegkok se'e: “Etaxés sa' yelpa' ekpayhe m'a peya nak axekmósek xép, yaqwayam sa' kataqmelek chá'a élyetsátamáxche'.

Isaías 8:1

Aptáhak axta seyáneya Wesse' egegkok se'e: “Ema sa' xama yántéseksek ekpayhe ekyawe nentáxéssamól'a, keñe sa' etaxaksek negmowána nak ólyetsetek ektáxama ektéma nak se'e: ‘Maher-salal-hasbaz’.

Deuteronomio 31:22

Aptáxessek axta nahan Moisés negmeneykmasso xa ekhem nak, apkelxekmowásegkek axta nahan ma'a israelitas.

Jeremías 51:60

Aptáxéssegkek axta Jeremías appeywa weykcha'áhak apxeyenma m'a ekyókxoho aqsok ekmaso yaqweykenxa katnehek kélhe m'a Babilonia, cham'a ekyókxoho ektémakxa axta ektáxésamaxche ekxénamaxche m'a.

Jeremías 36:2

“Ema sa' xama weykcha'áhak meyke kéltáxésso, etaxés sa' ekyókxoho séltennasa axta, sekxéna axta m'a Israel, tén han Judá, tén han ma'a mók apkelókxa nak, axta eyeynamók xép sekpaqhetchessama m'a apyennaqtamakxa axta Josías, ekwokmoho makham se'e kaxwo' nak.

Deuteronomio 31:19

“Kóltaxés sa' kaxwók se'e negmeneykmasso nak, kólxekmós sa' ma'a israelitas, yaqwayam sa' elmeneykmaksek chá'a tén han katnehek chá'a ko'o séltennasso aptamheykegkaxa nepyeseksa xa énxet'ák nak.

Números 24:14

Ataqhohok sa' ko'o makham ma'a seyókxa, amonye' sektaqheykekxa eyke peyk altennaksek xép yaqwánxa etnéssesek énxet'ák apagkok ma'a énxet'ák Israel, keso egmonye' nak.

Deuteronomio 4:30

Cháhapwakteyk sa' agkok kéxegke ekyókxoho s'e nenlegeykegkoho nak tén han se'e eklegeykegkoho nak egwáxok, kélya'aweykxeyk sa' agkok ma'a Wesse' egegkok tén han kélyahákxoho enxoho,

Oseas 3:5

Keñe sa' natámen xa, elchexyók ma'a israelitas, elchetmok sa' Dios Wesse' apagkok, tén han ma'a David apteme nak wesse' apwányam apagkok, elyo'ótak sa' yetlo apkeláyo Wesse' egegkok amonye' ektemegwánxa néxa', tén han etegyagkok aqsok éltaqmela yaqwayam nak elmések.

Ezequiel 38:16

ektamagkok sa' ma'a énxet'ák ahagkok Israel. Gog, esawhekxohok sa' xép ma'a xapop, máxa sa' etnehek ma'a ektémól'a yaphope néten ekyentaxnól'a. Wának sa' ko'o ektámegmak xép xapop ahagkok se'e amonye' nak ektemegwánxa néxa ekhem, yaqwayam sa' hey'ásegwók ko'o m'a pók aptémakxa nak chá'a énxet'ák, eñama exchep, sekxekmósa sa' ektémakxa sektaqmalma nápaqta'awók ma'a.

Jeremías 48:47

Atnessásekxak sa' eyke ko'o makham apheykha énxet'ák Moab ma'a ektémakxa axta apheykha; ko'o sekxeyenma xa, sektáha nak Wesse'.” Cháxa apxeyenmakxa axta etnéssesek Wesse' egegkok ma'a Moab.

Jeremías 23:20

Megkamassehek sa' Wesse' egegkok aplo ekwokmoho apkelana m'a ekxeyenma nak apwáxok elána'. Kawak sa' ekhem yaqwánxa kalchetamsók kélwáxok kéxegke tén han kólya'ásegwók xa aqsok nak.

Isaías 2:2

Kólteméssesek sa' egkexe meyke ekhémo apyetnamakxa nak Wesse' egegkok tegma appagkanamap apagkok, cham'a amonye' sa' ektemegwánxa néxa ekhem. Katnehek sa' egkexe netnók agko', kalyeykhagkok sa' ma'a ekyókxoho egkexe nak. Apyókxoho pók aptémakxa énxet'ák sa' elmeyógmak ma'a;

Deuteronomio 31:29

Hakte ekya'ásegkók ko'o m'a sétsapa sa', enaqtawasakpok sa', elyensók sa' ma'a ámay séltémókxa axta ko'o elyetlók; ekya'ásegkók nahan peya káhapwak aqsok ekmaso m'a egmonye' sa', eñama apkelánéyak aqsok ekmaso nápaqtók ma'a Wesse' egegkok tén han aplókasso.”

Isaías 34:16

Kóllano ekxeyenma Wesse' egegkok weykcha'áhak apagkok, kólyetset nahan: Megkeymaxcheyk sa' nahan xama enxoho kólwetak xa aqsok nawha'ák nak, megkeymaxchek sa' xama m'a kelwána nak, hakte Wesse' egegkok apagko' apnegkenma xa, apkennama sa' nahan etnehek yánchásekxa'.

Jeremías 30:2

“Aptáhak Wesse' egegkok, Dios apagkok nak Israel se'e: Etaxés sa' xama weykcha'áhak ekyókxoho sektáhakxa axta seyáneya,

Jeremías 36:4

Apwóneyha axta Jeremías ma'a Baruc, Nerías axta apketche, apkelyetsetchessek axta nahan ekyókxoho m'a aptáhakxa axta apcháneya Wesse' egegkok, keñe axta Baruc aptáxésa chá'a weykcha'áhak.