Isaías 30:7 - Biblia Enxet

⁷ megkalmopwancha'a nak elanagkok xama aqsok, megkalmopwancha'a nak epasmok pók. Cháxa keñamak sekteméssessama nak ko'o apkelwesey: “Yéwa ekwányam ekyexwéweykha naqsa méko xama aqsok kalána'”.

Isaías 30:7 Referans Kwoze

Isaías 2:22

Kólwátésák kélteme kéláyo énxet, apteme nak mékoho, yaqwatakxoho negwete m'a ektémakxa nak apyennaqte énxet, ñohók kamaskok.

Oseas 5:13

“Apwet'ak sa' agkok Efraín apháxekpo, apwet'ak sa' agkok apkelyense m'a Judá, emhagkok sa' Efraín ma'a Asiria etegyaha yaqwayam epasmok ma'a wesse' apwányam ekyawe nak kéláyo, mopwanchek sa' eyke eltaqmelchessók, mopwanchek sa' han eltaqmelchessessók ma'a apkelyense nak.

Lamentaciones 3:26

Tásek agwanmak aqsa anleyxek hempasmok ma'a Wesse' egegkok.

Isaías 7:4

etne sa' yának se'e: “Elanagkoho sa', eyke ná égwe' aqsa; nágye aqsa, nágyoho nahan kayélaqtéssesek apwáxok se'e ánet átex élpánma nak, cham'a Resín yetlo m'a énxet'ák apagkok sirios, tén han ma'a Remalías apketche, cham'a apkellawa apagko' nak.

Éxodo 14:13

Aptáhak axta Moisés apchátegmowágkokxo énxet'ák se'e: —Nágkóle'. Kólxeg aqsa, kóllano m'a apmako nak elának sakhem Wesse' egegkok yaqwayam elwagkasek teyp, hakte megkólwetekxók sa' chá'a kéxegke egipcios s'e ektáhakxa nak kélwet'a sakhem.

Jeremías 37:7

kélápháseykha axta: “Kóltennés sa' wesse' apwányam Judá, apkeláphasso exchek hélyo'ótak ko'o, apkeltaqháwo makham Egipto m'a faraón sẽlpextétamo apagkok, apkelxegakmo excheykhe yaqwayam epasmok kéxegke.

Isaías 51:9

Exatakha' Wesse' egegkok exatakha' yetlo apmopwána, emekxa apyennaqte; exatakha' aptéma axta m'a nentámen axta cham'a nanók agko' axta. Apkelyaqtenneykegkek axta exchep ma'a Rahab, cham'a yegmen askok ekyawe nak;

Isaías 30:15

Aptáhak Wesse' egegkok se'e, cham'a Dios Aptaqmalma nak Israel: “Kólchexyem, kóllánekxa kélheykha keñe sa' kólwagkasaxchek teyp. Sa' kañék kélyennaqte kéxegke m'a ektaqmalma nak kélheykha tén han megkólya'ásseyam.” Makke kólmakók kéxegke,

Isaías 28:12

Hakte aptemegkek axta apkelanagkama nanók axta s'e: “Keso élwóneykegkaxaxma s'e, keso néllókassamakxa nélyampe s'e; ellókasek sa' apkelyampé m'a apkelyampayo nak.” Axta eyke elyeheykekxoho'.

Job 9:13

Aplókek agkok Dios, yehémek kamaskok aplo; mékoho aptemessáseykekxak ma'a élxegexma'a nak yéwa ekwányam Rahab.

Salmos 87:4

“Ewanchek ko'o atnehek alyetsetek nepyeseksa énxet'ák sélweteykxa nak se'e: Egipto, Babilonia, Filistea, Tiro, tén han Etiopía; apyókxoho apteme apkelánteyapmakxa exchep ma'a.”

Salmos 89:10

apteyáyekmek xép ma'a yegmen askok ekyawe nak, máxa ápak apteméssessók apchaqhama; apkexpánchessegkek apkelenmexma yetlo apmopwána.

Isaías 10:3

¿Háxko sa' kóltéhek kéxegke apkelyetsetchásekxo sa' kéltémakxa m'a Dios, kélwet'a sa' kaxegmak makhawók ma'a kéllegeykegkoho nak? ¿Yaqsa sa' kólyo'ókxak kólmaxnegwakxak yaqwayam kapasmok? ¿Háxko sa' kólnegkenwók ma'a aqsok kélagkok ekxámokma élmomnáwa nak?

Isaías 20:6

Sa' etnehek elpaqmétek apyókxoho apheykha nak neyáwa wátsam ekwányam xa ekhem nak: ‘Kóllano ektáhakxa nélásenneykekxo nak chá'a, negye'eykekxo nak chá'a óltamhok hempasmok yaqwayam hegkexakkásekxak ma'a wesse' apwányam Asiria. ¿Yaqsa sa' kaxwók hẽlwagkasek teyp?’”

Isaías 30:5

apyókxoho sa' eyke elmegqágwakxohok eñama xa énxet'ák megkamopwána nak epasmok pók, mesókáseyam nak ma'a aqsok yaqwayam kapasmok tén han ekpayhawo nak kólmaha, wánxa aqsa m'a eyaqhémo nak anleyxmakha tén han ekmaso negha.”

Isaías 36:9

Mopwanchek xép emenxenek sẽlpextétamo asirios mékcha'awo apagko' nak, ¿apkelhaxneyk enxeykel'a exchep elxawak yátnáxeg tén han yaqwayam nak elchántek apkeleñama m'a Egipto?

Proverbios 25:19

Negásenneykxeyk agkok énxet ekpelakkasso nak hensexnenak ma'a ekwa'a enxoho ekmaso negha, máxa antéhek ma'a ektémól'a éntél'a xama ẽxchapok agweynchamha, essenhan ma'a ektémól'a antók nento neyseksa ekmáske egma'ák.