Biblia Todo Logo
Bib sou entènèt

- Piblisite -




Isaías 30:1 - Biblia Enxet

1 Aptáhak Wesse' egegkok se'e: “¡Énxet'ák laye sénmexeykekxa nak chá'a, apkeláneykekxa nak chá'a yaqwánxa etnahagkok meyke séltennasso ko'o, élchetámeykha nak chá'a apkelwáxok aqsok yaqwayam elanagkok megkatnaha nak ko'o séltémo elanagkok, apxámáseykegkek aqsa chá'a m'a melya'assáxma nak!

Gade chapit la Kopi




Isaías 30:1
48 Referans Kwoze  

Yókxoho ekhem ko'o sélhaxanma sekmáheyo eykhe almok takha' m'a énxet'ák sénmexeykekxa nak chá'a, apkelmahéyak nak ma'a eyesagkexa nak ámay apkelyetleykekxo m'a ekmáheyókxa agko' nak chá'a apkelwáxok elanagkok;


Néten tén han náxop, kóleyxho aptáhakxa nak appeywa Wesse' egegkok: “Éktegkessegkek ko'o kélketchek ekwokmoho aptamhágko apkelwányam, keñe sénmexeykekxo.


“¡Asagkek sa' katnehek ektáhakxa eñama seyamasma! Káhapwak sa' kélmassésseyam, hakte élenmexeykekxeyk ko'o. Émenyeyk eykhe ko'o alwagkasek teyp ma'a, apkelmopwancha'a amya'a eyke chá'a aptamheykegkok sénmexma ko'o.


Apkenmexeykekxeyk axta eyke Wesse' egegkok xa énxet'ák nak, apkelapwagkassegkek axta m'a espíritu aptaqmalma apagkok; axta keñamak aptamheykekxo apkelenmexma m'a énxet'ák nak, apkempakhayak axta nahan.


¡Énxet'ák laye, apkelyexánegkesso nak chá'a Wesse' egegkok yaqwayam ekpósek ma'a aqsok apmáheyo elanagkok, apkelánéyák nak chá'a apkeltémakxa ekmaso m'a ekyáqtésakxaxma apteme nak chá'a elpaqmétek se'e: “Méko segwet'a. Méko segya'ásegko!”


Eynnaqtések sa' ko'o exchep, axnéshok sa' ma'a ekweykenxal'a ekyennaqte meteymog ektaqmalma ekyennaqtél'a, ekyeykhágweykmohol'a ekyennaqte m'a meteymog agko' nak. Nágye' aqsa, ná égwe aqsa m'a megyésa enxoho elano', hakte kalyéha'awók agko' apkelwáxok ma'a.”


élenxanakmoho ektáha seyáneya xa kélpeywa nak: “Wáphaksek sa' ko'o exchep ma'a apheykegkaxa nak énxet'ák Israel, cham'a énxet'ák meyke nak apkelyeheykekxoho, sénmexeykekxo nak ko'o. Cháxa énxet'ák nak, weykmók ko'o setaqnagko s'e negwánxa nak, ekweykekxoho m'a apyapmeyk nano' axta.


Kalyéha'ak kéxegke kélwáxok, megkólyaheykekxoho amya'a nahan; élyamasmeyk ko'o, keñe kélxegama.


Énxet'ák apkenmexeykekxa chá'a Dios xa énxet'ák nak, apyenseyam chá'a apkelyetleykha, megkalmopmenyého nak yeyxhok ma'a Wesse' egegkok nélxekmowásamáxche apagkok.


Émenyeyk ko'o axek apxagkok meyke néxa, yetlo séláhakkasso m'a apxempenák.


“Yának sa' chá'a kataqmelak agko' aptémakxa kélxama kéxegke natámen appenchesso sa' chá'a apkelháxenmo ekpeywa s'e segánamakxa nak, keñe sa' katnenek chá'a apwáxok se'e: ‘Tásek sa' chá'a katnehek ekteyapma m'a sélanakxa enxoho chá'a, alának sa' eykhe chá'a ko'o m'a sekmámenyého ahagko' nak chá'a alána'’, sa' etnehek apkelsexnenagko enaqtawasakpok apyókxoho énxet xa.


¡Nanók axta kéltémakxa kéxegke kélenmexeykekxa chá'a Wesse' egegkok, eyeynamo m'a sekxók axta sélweteya ko'o!


Ewakhegwak sa' ma'a Judá, aptémól'a ewakhekxak yókxexma m'a énxet'ák apkeltaqmelchesso nak yókxexma, hakte apkenmexeykekxeyk ma'a Wesse' egegkok. Ko'o sekxeyenma xa, sektáha nak Wesse'.


Máxa sa' etnehek chá'a xama m'a negyexánegkesseykekxexal'a éxchahayam, segmasmal'a kawak ma'a éxchahayam ekyennaqte agko', máxa sa' etnahagkok ma'a ektémól'a yegmen atamnek ényél'a m'a neyseksa ekyamáyekxa nak xapop, máxa sa' etnahagkok ma'a ektémól'a meteymog ekyawe agko' pessesse agkok émha m'a meykexa nak énxet.


“Nágkóltemésses aqsa kéxegke ekwesey negaqneykekxa negmáheyo anteméssessamhoxma ekmaso egmók, apteméssessama nak chá'a ekwesey negaqneykekxa negmáheyo anteméssessamhoxma ekmaso egmók apyókxoho xa énxet'ák nak. Nágkalyegwakkas aqsa ekyókxoho aqsok élyegwakkassama nak chá'a m'a, nágkole nahan.


Etekkesek sa' yaphope néten ekyáqtessóxma ekhem Wesse' egegkok takháxet ekyókxoho m'a egkexe Sión, tén han takhapxet ma'a énxet'ák apchaqneykekxa nak ma'a, keñe sa' axta'a élseyéxma tén han táxa eyáléwe. Keytek sa' Wesse' egegkok élseyéxma apagkok takhapxet apyókxoho énxet,


Kélmenyeyk aqsa kéxegke kóltéhek sélenmexeykha, méko kaxwók yaqwánxa enxoho anlegássesagkohok ma'a kélyókxa. Sawheykekxók élyense m'a kélpátek, massegkek nahan kélyennaqte.


¡Makhemek eyke makham apkeláneyak melya'assáxma! Elpeykásekxak chá'a m'a sawo élmope élmomnáwa, elanagkok chá'a m'a aqsok kéleykmássesso, ekxéna enxoho chá'a apkelwáxok, apmako enxoho chá'a elának ma'a apmopwána nak apkeleykmassáseykha. Keñe etnehek chá'a apkelpeywa s'e: “¡Kólnáhakkas aqsok kélnaqtósso!”, keñe chá'a énxet'ák elpetsesek ma'a weyke étkók kéleykmássesso nak.


¡Kéxegke laye, kélseykha nak chá'a kéltémakxa élmasagcha'a yetlo kélmowána amya'a, kélyenyawáseykha nak chá'a megkólya'assáxma, ektémól'a kólyenyawaksek ma'a yátnáxeg apyenyawasso!


Sa' kóltéhek ma'a ektémól'a agyetek negyetnamakxa néten ketse' magmowánal'a ólpéwak agyetek, tén han ektémól'a agaqlaxchek ma'a yát'apáwa apyaqwátamól'a.


Kéltáhak kélpaqmeta kéxegke s'e: “Nenlanak negko'o ekhémo mók nélpaqhetchásamáxkoho m'a nétsapma, nélpaqhetchásexkók negko'o m'a apkelmaheykegkaxa nak chá'a apkeletsapma, yaqwayam sa' mehegwatamók ma'a ekwa'a sa' aqsok ekmaso agko'; nélyexanmomchek negko'o m'a nélmowancha'a amya'a nak, néláhakkásamaxcheyk ma'a nélyexancháseykha nak egmók.”


Megkatnehek sa' metne elának kéxegke énxet'ák se'e: “Kólpaqhetchesaxkoho m'a apkelhagák axta énxet'ák apkeletsapma tén han apkelyohóxma apkelyexchásamákpoho nak chá'a elpaqmétek, melyennaqtésso nak chá'a apkelpeywa. ¡Apyókxoho énxet chá'a elpaqhetchesakpohok ma'a aqsok apcháyókxa tén han elmaxnéssesek chá'a eyeyméxchexa etnahagkok énxet'ák apkeletsapma m'a énxet'ák meletsapma nak


“Kéméxcheyk megkalwagqamagkehek agko' chá'a kéxegke kéllókáseykegko axta chá'a Dios Wesse' kélagkok ma'a yókxexma meykexa nak énxet. Megkamassegweykmok kélenmexeykekxa chá'a m'a Dios, eyeynamo m'a sekxók axta kélánteyapma m'a Egipto, ekwokmoho kélwa'a s'e yókxexma nak.


Keñe kaxwók kéxegke, apketchek nak ma'a kélyapmeyk nanók melya'assáxma, kélmakók kólyetlakxak ma'a apkeltémakxa axta kélyapmeyk nano', yaqwayam enxoho kóllókasek makham Wesse' egegkok eltaqnaweygkok ma'a énxet'ák Israel.


Élyennaqte apkelwáxok ma'a kelwesse'e apkelwányam kélagkok nak, énxet'ák élmasagcha'a apkeltémakxa nahan ma'a apkelxegexma'a. Meltaqheksók nahan elxawagkok selyaqye m'a apyókxoho nak, etegyagkok nahan yaqwayam nak kólmésagkok aqsa chá'a m'a aqsok kelméyáséyak naqsa nak. Meltaqmelchessásekxeyk ekheykha m'a élyeheykha nak, megkalyetnakhaksók nahan apkelwáxok ektémakxa nak ekheykha m'a kelán'a xentampe'e nak.


Apmágkek axta émek ekyennaqte agko' ma'a Wesse' egegkok, enókáseykha axta meltamho eytlók ámay apagkok nak xa énxet'ák nak. Aptáhak axta seyáneya s'e:


Aptáhak Wesse' egegkok se'e: “Etaqnaweykpok sa' chá'a m'a ekyamasma nak chá'a ko'o apwáxok, apchásenneykekxa nak chá'a m'a énxetók xamo', apye'eykekxa nak chá'a eltamhok epasmok.


kélápháseykha axta: “Kóltennés sa' wesse' apwányam Judá, apkeláphasso exchek hélyo'ótak ko'o, apkeltaqháwo makham Egipto m'a faraón sẽlpextétamo apagkok, apkelxegakmo excheykhe yaqwayam epasmok kéxegke.


Keñe kéxegke kéleymomáxche nak makham Judá, apkeltamhók megkólmahagkek Wesse' egegkok ma'a Egipto. Kólya'asagkoho sa', eyéssek ko'o kéxegke.


Aptáhak axta seyáneya Wesse' egegkok se'e: “Keso apkeláneykegkokxo nak chá'a aptamhágkaxa yaqwayam elanagkok aqsok ekmaso agko' se'e tén han apkeláneykekxo nak chá'a apkelpaqmeyesma ekmaso m'a tegma apwányam.


Elyetsetches sa' nahan xama amya'a kélyetcháseykekxoho m'a énxet'ák sénmexeykekxa nak chá'a ko'o. Eltennés sa' sektáha ko'o sélxéna s'e: “Epekken nátex weygke, eyátem sa' yegmen;


metnekxók sa' nahan chá'a kaxwók apcháyo énxet'ák Israel ma'a Egipto, hakte sa' kaxekmósek ekyetna melaqhémo apkelmahágko axta aptegyágko ekpasmo m'a. Keñe sa' elya'ásegwók ko'o sektáha Wesse'.’”


Tén axta aptáha seyáneya s'e: “Keso Wesse' egegkok appeywa apcháphássesso m'a Zorobabel: ‘Nágyásenneykxa sẽlpextétamo, tén han apyennaqte, eyke m'a Espíritu ahagkok nak, axta aptáhak Wesse' egegkok ekha nak apyennaqte.


Aptókagkek axta énxet'ák Israel aptéyak axta m'a énxet'ák nak Gabaón, axta eyke elmaxneyáha m'a Wesse' egegkok.


Ekweteyak ko'o exchep apchásenneykekxo m'a Egipto. Máxa eyke yámámok énté m'a Egipto, aptasqapáha agkok xama énxet, kalyetxa', kamallahanwomhok nahan apmek. Cháxa apteméssessamakxa apyókxoho ektáha nak chá'a apyepetchegwayam ma'a faraón, wesse' apwányam nak ma'a Egipto.


Mopwanchek xép emenxenek sẽlpextétamo asirios mékcha'awo apagko' nak, ¿apkelhaxneyk enxeykel'a exchep elxawak yátnáxeg tén han yaqwayam nak elchántek apkeleñama m'a Egipto?


¡Énxet'ák melya'assáxma laye, ekyentaxno nak apkeltémakxa ekmaso, énxet'ák élmasagcha'a nak apkeltémakxa aptawán'ák neptámen, énxet'ák apkeláneykegkoho nak aqsok ekmaso! Kélyamasmeyk ma'a Wesse' egegkok, kélyetnakhassegkek ma'a Dios Aptaqmalma apagkok nak ma'a Israel, kélpekkeneykekxeyk kélnentámen.


¡Énxet'ák laye, apkelmeyeykekxa nak chá'a Egipto aptegyeykha ekpasmo, apkeláyo nak chá'a m'a ekha nak yátnáxeg apkelchánte, apkeláyo nak chá'a m'a ekxámokma nak yátnáxeg apkelyenyawasso apagkok, tén han apteme nak apkeláyo m'a énxet apxámokma apkelchánte nak yátnáxeg, keñe melenmexeykekxoho m'a aphakxa nak Dios Aptaqmalma nak Israel, melchetamsók ma'a Wesse' egegkok!


¿Yaqsa kagkések kéxegke kólmeyekxak Egipto kólyahagwakxak yegmen ma'a wátsam Nilo? ¿Yaqsa kagkések kéxegke kólmeyekxak Asiria kólyahagwakxak yegmen ma'a wátsam Éufrates?


Kempakhakma sa' katyapok ma'a tegma apkelyawe apagkok nak, kasawhaksek sa' ma'a tegma apkelyennaqte apagkok, eñama m'a aqsok ekmaso ekxeyenma nak chá'a apkelwáxok elanagkok.


Swiv nou:

Piblisite


Piblisite