Isaías 3:14 - Biblia Enxet

¹⁴ Apkelyekpelchássásawók sa' agkok énxet'ák ma'a Wesse' egegkok, sa' etnehek elának énxet'ák segyekpelchémo nak tén han apkelámha apmonye'e nak apchókxa s'e: “Kéltawáseykha kéxegke m'a anmen yámet séneykekxa; kélmenyexcháseykegkek aqsok apagkok ma'a énxet'ák meyke nak aqsok apagkok, kélxátaweykekxeyk kañe' kélxanák ma'a aqsok kélmenyexéyak nak.

Isaías 3:14 Referans Kwoze

Job 22:4

Ektaqmalma apyetleykhaya exchep keñamak aplegassásegkoho, meyenyaweykhaya keñamak apmáheyo ékpelkohok aptémakxa',

Amós 4:1

Kóleyxho sa' se'e kelán'ák nak Samaria, kélhémo nak weyke eknaqmele Basán, kélyentaxnéssesso nak chá'a apheykha m'a meyke nak aqsok apagkok, kélnaqtawáseykegkoho nak chá'a m'a apkelmopyóseka nak, kéltémo nak chá'a elsantagkasek anmen yámet égmenek ma'a kélnaqteyegka'a, yaqwayam kólyenagkok.

Jeremías 5:27

Ellánésagkok chá'a apxanák ma'a aqsok élmenyexamaxche nak, ektémól'a náta kóllanaksohok ma'a axagkok. Cháxa keñamak aptamheykegko nak ekha kéláyo, tén han kelwesse'e,

Isaías 5:7

Israel apchókxa m'a apkeneykekxexa nak anmen yámet apagkok ma'a Wesse' ekha nak apyennaqte tén han ma'a Judá, cham'a apkeneykekxa apmopmenyého apagko' nak. Apkelhaxanmeyk axta katnehek kélyeheykekxoho segánamakxa apagkok Wesse' egegkok ma'a, wánxa axta eyke aqsa apweteya chá'a ekyetnama m'a nentekyawa; apkelhaxanmeyk axta katnehek ma'a ekpéwomo nak nentémakxa, wánxa axta eyke aqsa aplegaya chá'a m'a ekpayheykha nak egátog nenlegeykegkoho ekmáske.

Salmos 143:2

Ná hékpelkoho aqsa ko'o hélyetsetchásekxak sektémakxa, ko'o sektáha nak apkeláneykha, hakte méko nápaqtók xép ma'a meyke nak ektémakxa.

Salmos 14:4

Máxa meyke apkelya'áseyak aqsok aptamheykegkok ma'a élmasagcha'a nak apkeltémakxa, máxa apteméssessók énxet'ák ahagkok ma'a énxet aptól'a pán, melmaxnagko nak chá'a m'a Wesse' egegkok.

Job 24:9

Kólyementamagkok chá'a étchek kaxwe appalleyam ma'a xentampe'e nak, keñe m'a meyke nak aqsok apagkok, kólyementamok chá'a apketchek ekyánmaga aqsok kélmassáseykha.

Miqueas 6:10

Heykegkek aqsok ekxámokma élmenyexamaxche m'a apxanák nak énxet'ák élmasagcha'a apkeltémakxa, tén han ma'a kelyetsáteyak segmenyexmo, sektaqnagkamo nak chá'a ko'o.

Miqueas 2:2

Katsapok chá'a apnegya'ák elanok xapop, keñe elmok chá'a; katsapok chá'a apnegya'ák elanok tegma, keñe elmenyexek chá'a. Enaqtawasagkohok chá'a énxet yetlo apnámakkok, cham'a ektáha nak chá'a apagkok xapop, tén han ma'a aqsok apkelxaweykekxa nak.

Job 34:23

Mepekkenchessók Dios ekhem énxet yaqwayam emyekxak ma'a aphakxa nak yaqwayam ékpelkoho'.

Job 24:14

Amonye' élseye chá'a exatakhak ma'a ekyetno nak apyógkexma, yaqwayam yaqhek ma'a énxet meyke nak aqsok apagkok, keñe axta'a etnekxak chá'a apmenyexma.

Salmos 10:9

máxa m'a méwa ekyetnól'a kañe' meteymog áxwa, elanha chá'a énxet apmopyósa m'a apkelyexanmeykegkaxa nak, eleyxek chá'a éphagwók ma'a apheykegkaxa nak, apmeyk agkok xa, éñawaksek chá'a yaqxegkesek yám'én apagkok.

Proverbios 30:14

Yetneyk énxet ekho nak sókwenaqte m'a apma'ák nak, tén han sawo m'a awhók apma'ák nak, yaqwayam emasséssók ma'a ekha nak chá'a eyeyméxchexa aqsok ma'a aphágkaxa, tén han ma'a meyke nak aqsok apagkok.

Isaías 10:1

¡Kéxegke laye, kélpekkenma nak segánamakxa megkapéwomo, tén han kélpenchesso nak kéllegasso m'a kéltémókxa nak chá'a etnahagkok énxet'ák ekyentaxno agko' nak,

Isaías 10:2

megkóltaqmelchessáseykekxa nak apheykha m'a énxet'ák apkelyelqamákpoho nak, tén han megkóllányo nak ektémakxa apheykha m'a énxet'ák ahagkok meyke nak aqsok apagkok, kélnaqtawáseykegkoho nak chá'a m'a xentampe'e nak, tén han kélmenyexcháseyak nak chá'a aqsok agkok ma'a élyeheykha nak!

Isaías 11:4

Elyekpelkohok sa' chá'a yetlo ekpéwomo apkelánéseykekxa amya'a m'a énxet'ák apkelyelqamákpoho nak, emyókasek sa' nahan chá'a ektémakxa nak apheykha m'a énxet'ák meyke nak aqsok apagkok ma'a apchókxa. Máxa yámet sa' katnehek ma'a appeywa, yaqwayam sa' kallegássesagkohok ma'a énxet'ák apkelyennaqteyáseykha nak apyempe'ék, xama apwátekhapma sa' etnehek elnápok ma'a énxet'ák élmasagcha'a nak apkeltémakxa.

Isaías 14:30

Keytek sa' pa'at yaqwayam elagkok apnaqtósso énxet'ák ahagkok meyke nak aqsok apagkok ma'a yókxexma ahagkok nak, tásek sa' katnehek apkellókasso apkelyampe m'a énxet'ák meyke nak aqsok ma'a apxanák. Keñe sa' ko'o wának emaskok meyk élnapma m'a énxet'ák apagkok, alnáhakkasek sa' nahan ma'a apkeleymomap enxoho apqántawo'.

Isaías 26:6

yaqwayam enxoho elteyammaha m'a énxet'ák apkelyelqamákpoho nak tén han ma'a apmopyóseka nak.”

Isaías 29:19

Elpeykessásekxak sa' makham apkelwáxok Wesse' egegkok ma'a énxet'ák apmopyóseka nak, kalpayhekxak sa' apkelwáxok xamók Dios aptaqmalma nak Israel ma'a énxet'ák meyke agko' nak aqsok apagkok.

Isaías 30:12

Ékeso éñamakxa aptáha nak appeywa Dios Aptaqmalma nak Israel se'e: “Kéltaqnókek kéxegke s'e amya'a kéltennasso nak, kéláyók ma'a kélyennaqteyáseykha nak kélyempe'ék tén han ma'a ekmaso nak kéltémakxa', kélpasmeykekxék nahan ma'a;

Isaías 58:4

kélátegmómaxchexa chá'a kéltemessáseykekxak ma'a ekhem mantamakxa nak nento tén han kélnápomáxchexa, kóltekpagaxchek chá'a ekyennaqte agko'. Magweyxók ko'o kélmaxnagko kéltáha enxoho chá'a kélláneyak ekhem megkólteykegkaxa kéltéyak xa ektáha nak.

Ezequiel 18:12

aptawáseykegkoho nak chá'a m'a énxet apmopyósa nak tén han ma'a ekhakxa nak chá'a eyeyméxchexa aqsok apxagkok, tén han apmenyexchesso nak chá'a aqsok apagkok pók, tén han megkeyáseykekxa nak aqsa chá'a aqsok apmésso ekyaqmageykekxa apméyák ma'a pók, tén han apcháyo nak chá'a m'a aqsok kéláyókxa élmasagcha'a nak tén han apkelane nak chá'a m'a aqsok megkaleklamakxa nak chá'a ko'o ewáxok,

Ezequiel 20:35

Alya'aksek sa' ko'o kéxegke m'a meykexa nak énxet ma'a apchókxa, sa' alyekpelkohok nahan chá'a ko'o kélnápaqta'awók kéxegke m'a, ekhawo sektémakxa axta chá'a ko'o sélyekpelchémo kélyapmeyk nano axta kéxegke m'a yókxexma meykexa nak énxet ma'a Egipto. Ko'o sekxeyenma xa, sektáha nak Wesse'.

Miqueas 3:3

Kélteykegkek yetlo apaqta'ák énxet'ák ahagkok; kélhaxyawássessegkek apyempe'ék, keñe kélekkexchessama apexchakkok; máxa kélteméssessók ma'a ápetek kélmáheyól'a kólxatmok weygke.

Levítico 25:14

Apyenyókek sa' agkok xapop apagkok xama énxet, essenhan apmákxo enxoho chá'a xapop apagkok pók, ná etwasagkoho chá'a pók;

Levítico 25:17

“Nágkóltawasagkoho chá'a kélmók. Kólxekmós kéláyo Dios kélagkok. Hakte ko'o sekteme Dios Wesse' kélagkok.

Jeremías 12:10

Apxámok apkelwesse'e apkelwányam sélenmexma nak ko'o aptawáseykencha'a m'a anmen yámet séneykekxa nak, apkelteyammeykha m'a yókxexma ahagkok nak. Meyke xama aqsok aptemessáseykekxak ma'a xapop ekleklamókxa agko' nak ko'o ewáxok.

Amós 2:7

Máxa xapop nélteyammeykha apteméssessók apnaqtawáseykegkoho m'a énxet'ák apkelmopyóseka nak, mepékessessók chá'a apkelánekxésso amya'a m'a meyke nak ekpasmo. Apkelyaqmagkásamákpek chá'a appathetéyak xama kelán'a m'a apyáp tén han apketche, aptawáseykha chá'a sekwesey ekpagkanamaxche aptamhéyak xa ektáha nak.

Miqueas 2:1

¡Énxet'ák la'aye, élxéneykha nak apkelwáxok elanagkok aqsok ekmaso neyseksa aphéyak apkelyetnamakxa néten, kelsakak agkok, elanagkok chá'a m'a élxeyenma nak apkelwáxok elanagkok, hakte yetneyk apmopwancha'a elanagkok!