Isaías 27:7 - Biblia Enxet

⁷ Megkaxnawok apkellegassáseykegkoho Dios énxet'ák Israel ma'a ekweykenxa axta chá'a apkellegassáseykegkoho m'a apnaqtawáseykegkoho axta chá'a, megkaxnawok nahan chá'a apkelnapma m'a ektémakxa axta chá'a apkelnapma.

Isaías 27:7 Referans Kwoze

Nahúm 3:19

¡Méko pánaqte agkok ma'a apyense nak xép; megkataqmelwome'! Apkeltekpagáha apmék yetlo élpayheykekxa apkelwáxok apyókxoho apkellege nak ektáhakxa exchep eyáhapwe aqsok ekmaso, ¿yaqsa axta megkañeykegkoho chá'a m'a aptémakxa ekmaso, megkayetyapwágweykmo axta?”

Nahúm 1:14

Wesse' apwányam Nínive, aptáhak xép apxéna Wesse' egegkok se'e: “Mexek sa' aptawán'ák neptámen, yaqwayam enxoho katepagkok apwesey; amasséssessók sa' ma'a axanák nak aqsok apcháyókxa, cham'a kéleykmássesso nak, tén han ma'a kéleykmássesso kélheyáseykegkoho nak chá'a aqsok, sa' wátawanyek xép ma'a, hakte asagkók agko' xép aptémakxa.”

Jeremías 51:24

“Kélnápaqta'awók sa' kéxegke ayaqmagkásekxak apkeltémakxa m'a énxet'ák Babilonia, tén han ma'a caldeos, ekpayhawo nak chá'a atnéssesek, eñama ekmaso apteméssessamakxa axta m'a Sión. Ko'o sekxeyenma xa, sektáha nak Wesse'.

Jeremías 50:40

Exnágwakxohok sa' ma'a ektémakxa axta Sodoma tén han Gomorra, tén han ma'a tegma apkelyawe aphéyak axta m'a neyáwa, cham'a kélmassésseykmo axta. Méko sa' kaxnekxak kaxwók ma'a, méko sa' ma'a yaqwatakxoho enxoho aphayam. Ko'o sekxeyenma xa, sektáha nak Wesse'.

Isaías 17:14

Hegyegwakkasek ma'a taxnám, keñe amonye' élseye kamaskok agweta'. Cháxa yaqwánxa sa' katnehek ma'a énxet'ák apmáheyo nak chá'a hẽlyementók aqsok egagkok. Cháxa yaqwánxa sa' katnehek elmassegwók ma'a énxet'ák, apmáheyo nak chá'a hentawássesha negheykha.

Isaías 17:3

Méko sa' etnehek tegma apwányam apyennaqte apagkok ma'a Efraín, cham'a, eyaqheykencha'a nak chá'a apkelwáxok ma'a énxet'ák Israel; sa' katnehek nahan ma'a Damasco, kamaskok sa' katnehek apchókxa m'a éleymomáxche nak ma'a kañe' Siria. Wesse' egegkok ekha nak apyennaqte apxeyenma xa.

Isaías 10:12

Appenchessek sa' agkok Wesse' egegkok ekyókxoho aqsok apmáheyo nak elának ma'a egkexe Sión tén han ma'a Jerusalén, eñássesagkohok sa' ma'a wesse' apwányam Asiria eñama eyaqheykha apwáxok se'e aptamheykha nak, tén han eñama megyésso yeykpoho', tén han eyeymáxkoho apwáxok.

Isaías 10:17

Etnekxak sa' táxa eyáléwe m'a Dios aptaqmalma, apkelsássessóxma nak chá'a m'a Israel, xama ekhem agko' sa' nahan elwatnek tén han emasséssók ekyókxoho m'a yámet ekha nak am'ák tén han ma'a ekmompánaqma ekyetnama nak ma'a apchókxa.

Isaías 30:31

Elyegweyk sa' énxet'ák Asiria apkelleg'a sa' appeywa m'a Wesse' egegkok, tén han apkellegassásegkoho sa',

Isaías 31:8

kalnápok sa' sókwenaqte m'a énxet'ák apheykha nak Asiria, háwe sa' eyke énxet yaqwayam elnápok. Kamenxenek sa' kempakhakma m'a énxet'ák apagkok, keñe sa' ma'a wokma'ák kempakhakma yapmeyk nak katnéssesek kélásenneykha naqsa;

Isaías 31:9

yenyehek sa' eñama apkeye m'a wesse' apwányam Asiria keñe sa' ma'a sẽlpextétamo kelwesse'e apagkok nak eyenyók sa' aqsa apchókxa. Wesse' egegkok apxeyenma ekyetna táxa eyáléwe ekyawe m'a Jerusalén, yaqwayam kallegássesagkohok ma'a apkelenmexma nak.