Isaías 26:4 - Biblia Enxet

⁴ Kólteme chá'a kéláyo m'a Wesse' egegkok, hakte cha'a apteme segmasma apyennaqte memassegwayam ma'a.

Isaías 26:4 Referans Kwoze

Isaías 12:2

Dios apteme chá'a sewagkasso teyp; may'ásseykmok nahan, magwayék nahan. Wesse' egegkok apteme sekyexanmo tén han segkésso sekyennaqte, cha'a apteme sewagkasso teyp ma'a.”

Salmos 62:8

¡Énxet'ák ahagkok, nágkólya'ássem chá'a Dios! ¡Kóltennés chá'a ekyókxoho ektáhakxa kélwáxok! ¡Dios apteme negko'o segmasma!

Salmos 55:22

Egkés Wesse' egegkok ma'a aqsok ekyetnakhassamo nak apwáxok, sa' ewasqakkasek xép ma'a; megyohok chá'a eyaqnenek ma'a énxet apkelyeheykekxoho nak.

Salmos 18:2

Xép apteme setaqmelchesso, sekyexánegweykekxexa', semallahanchesso, Dios ahagkok, semasma apyennaqte, seyáhakkásamáxche', sewagkasso teyp apmopwána, xép apteme sekyexanmomakxa netno' agko'.

Salmos 62:11

Hágkaxwe ko'o añak etnehek appeywa Dios se'e: ektáha apagkok ma'a apmopwána, tén han ma'a segásekhayo nak. Tén han apmésso chá'a xama énxet ekpayhawo nak chá'a ektémakxa aqsok apkelane.

Salmos 46:1

Dios apteme negko'o segmasma, tén han segyennaqtésso, apteme han sempasmo ekwa'a enxoho ekmaso negha.

1 Samuel 2:2

¡Wesse' ahagkok, méko ekhawo exchep ma'a aptémakxa nak appagkanamap! ¡Dios egagkok, méko exchep ekhawo ektémakxa nak segmasma! ¡Méko ekhawo exchep!

Isaías 50:10

Kéxegke kéláyo nak chá'a Wesse' egegkok tén han kélháxenmo nak chá'a appeywa m'a apkeláneykha: kélxegkek agkok ekyáqtésakxaxma, meyke éltátchessesso m'a élseyéxma, kólteme kéláyo m'a Wesse' egegkok kólyepetchegwakxa m'a Dios kélagkok.

Isaías 45:24

Sa' etnehek elpaqmétek se'e: ‘Wesse' egegkok aqsa yetnók ma'a negmallane nak tén han negyennaqte.’ Elmegqágwakxohok sa' apyókxoho m'a setaqnagko nak chá'a ko'o.

Isaías 32:2

Máxa sa' etnehek chá'a xama m'a negyexánegkesseykekxexal'a éxchahayam, segmasmal'a kawak ma'a éxchahayam ekyennaqte agko', máxa sa' etnahagkok ma'a ektémól'a yegmen atamnek ényél'a m'a neyseksa ekyamáyekxa nak xapop, máxa sa' etnahagkok ma'a ektémól'a meteymog ekyawe agko' pessesse agkok émha m'a meykexa nak énxet.

Salmos 125:1

Megkólwanchek kóltaqhesha m'a apcháyo nak chá'a Wesse' egegkok; aphawók ma'a egkexe Sión, émha nak chá'a meyke néxa'.

2 Crónicas 20:20

Axto'ók agko' axta apnaqxétekhágko yaqwayam elxog elmahagkok ma'a ekpayho nak yókxexma meykexa énxet nak Tecoa. Apchampákxeyk axta néten Josafat amonye' apkelxega, aptáhak axta apkeláneya s'e: “Kóleyxho sekpeywa, énxet'ák nak Jerusalén tén han Judá: nágkólya'ássem aqsa Wesse' egegkok, Dios kélagkok nak, keñe sa' méko katnehek kélekakxa'; nágkólya'ássem han ma'a apkellegasso nak chá'a appeywa, tén sa' tásek chá'a katnehek ekteyapma aqsok kéllane.”

Isaías 63:1

—¿Yaqsa xa ekxegakmo nak eñama Bosrá, apyawakxa nak tegma agkok ma'a Edom, apkelyexwase nak apkelnaqta, apxegakmo nak apkeltaqmalma apagko' apkelnaqta, apyennaqtésakmo apagko' nak apyempehek apxegakmo? Ko'o xa, sekxeyenmo nak chá'a negmallanma, émeyhek han ko'o yaqwayam alwagkasek teyp.

Isaías 17:10

hakte kelwagqámeykegkek ma'a Dios ektáha axta apkelwagkasso teyp, megkaxeyenmak kélwáxok apteme axta apkelmasma apyennaqte m'a. Kélchekhamchek kéxegke s'e namyep étkók éltaqmalma nak, kélchencháseykekxeyk pánaqte exnók ma'a aqsok kéláyókxa éleñama nak mók nekha,

Job 9:19

¿Péya eynnaqtések ko'o émpehek ay'ókxa'? Apmeyhók apagko' eyke m'a. ¿Ayentamoya m'a sẽlyekpelchémókxa nak? ¿Yaqsa sa' kayentemegma'?

2 Crónicas 32:8

Énxet apkelyennaqte apchásenneykekxak ma'a, keñe negko'o apheyk Dios Wesse' egegkok yaqwayam hempasmok némpakhe.” Xama axta eklegáxko appeywa m'a wesse' apwányam Ezequías, apkelyennákxók axta m'a énxet'ák.

Isaías 45:17

Apwagkassek eyke teyp Wesse' egegkok ma'a Israel, apwagkassek teyp meyke néxa, memegqáyhek sa' chá'a xama enxoho, megyaháxeheykha sa' chá'a apmegqakto.

Salmos 93:1

¡Wesse' egegkok apteme Wesse' Apwányam! Apcháhakkásamákpek Wesse' egegkok ma'a apkelyenma, aptémól'a nentaxno, apwakhésamakpek ma'a apmopwána ektémól'a nentétamáxche'! Apyennaqtéssamók appekkenma nélwanmeygkaxa m'a, yaqwayam enxoho megkayawheykha.

Salmos 66:7

Apmopwána keñamak aptéma wesse' apwányam meyke néxa; meyenyókáseykha apaqtek apkeláneykencha'a m'a apkelókxa nak, yaqwayam enxoho melenmexekxék ma'a énxet'ák apkelenmexeykekxoho nak chá'a.

Deuteronomio 32:15

“Apmelayak axta m'a Jesurún, apkeltekpageykha axta apmagkok xapop (apmelayók apagko' axta, apkelyenmomchek axta apmele), tén axta apyamasma m'a Dios, ektáha axta apkelane; aptaqnawágweykmek axta m'a apmasma nak chá'a tén han apwagkasso teyp.

Deuteronomio 32:4

Cha'a apteme segmasma m'a; kelpéwók ma'a aptamheykha nak, kelpéwók nahan chá'a m'a aqsok apkelane nak. Cha'a apteme Dios apmámnaqsoho m'a, méko xama aqsok enxoho megkapéwomo apkelane; ¡appéwomo m'a tén han apmámnaqsoho!

Isaías 30:29

Keñe sa' kéxegke, kólmeneykmaksek, ektémól'a kalanaxchek kélessawássessamo ektaqmalma axta'a; kalpayhekxak sa' kélwáxok, máxa sa' kóltéhek ma'a aptémól'a énxet apkelpáwassól'a yámámok neyseksa apkelxega elmahagkok ma'a Wesse' egegkok egkexe apagkok, apkelyexanmomakxa nak ma'a énxet'ák Israel.

Isaías 44:8

¡Kólwasqápekxoho, nágkóle'! Axta ektemék ko'o sélanagkama kéxegke xa ektáha nak, eklegassegkek axta m'a nanók agko' axta, kéxegke kélteme kélya'áseykegkoho. ¿Yetneyk enxeykel'a pók dios mók nekha? Méko pók apkelmasma énxet; mateyk xama enxoho.”

Isaías 51:5

Chágketwa'ak kaxwók ma'a ekpéwomo nentémakxa ahagkok, ketók kaxwók ekweykxa m'a nélwagkásamáxche teyp ahagkok; yetlo sekmowána sa' ko'o atnehek alanha m'a énxet'ák. Héleyxek sa' ko'o m'a énxet'ák apheykha nak apkelókxa neyáwa wátsam ekwányam, yásenneykxak sa' ma'a ektémakxa nak ko'o sekmowána.

Daniel 3:17

Apwanchek negko'o hẽlwagkasek teyp neyseksa eyáléweykha táxa axagkok ma'a Dios egagkok, nélpeykessamo nak, tén han ekyókxoho ekmaso apmakókxa enxoho henteméssesek xép wesse', hẽlwagkasek sa' teyp.

Daniel 3:28

Yetlókok axta apteme appeywa Nabucodonosor se'e: “¡Apcheymákpoho sa' kólteméssesek Dios apagkok nak Sadrac, Mesac tén han Abed-negó, apcháphássesa nak apchásenneykha yaqwayam elwagkasek teyp ma'a apkeláneykha melyenseyam nak apkelyetleykha, meláneyák nak ma'a apkeltémókxa nak elanagkok ma'a wesse' apwányam, apkeltémo nak eletsapok, meltekxeyéyak nak aptapnák elpeykeshok ma'a mók kéláyókxa, metnaha nak Dios apagkok!

Deuteronomio 33:27

Cha'a aptaqmelchesso exchep ma'a Dios memassegwayam nak, cha'a ekpasmo m'a apmopwána megkamassegwayam nak; emenxenchesek chá'a apmonye' exchep ma'a apkelenmexma nak keñe exchep yának chá'a emasséssók.

Salmos 62:9

Aphawók énxet ma'a xama negwátekhapma ekmanyehel'a kamaskok, cham'a énxet meyke nak aqsok apagkok, tén han ma'a ekxámokma nak aqsok apagkok; kélyetsátegkek agkok xama kelyetsáteyák xa apyókxoho nak, exhok pók apkelexyawe.