Isaías 26:15 - Biblia Enxet

¹⁵ Wesse', apxámáseykekxeyk xép pók aptémakxa énxet'ák; apxámáseykekxeyk yaqwayam kataxchek chá'a m'a apcheymákpoho, apyáncháseykegkek chá'a m'a ekyókxoho nak néxa xapop apkelókxa.

Isaías 26:15 Referans Kwoze

Isaías 9:3

Wesse', apsókmek xép ekyawe agko' ekpayheykekxa egwáxok; awanhók agko' ma'a ekpayheykekxa nak egwáxok. Kelpayhekxeyk apkelwáxok apyókxoho énxet nápaqtók xép, máxa aptamhágkok ma'a ektémól'a kanakxaxchek aqsok ekyexna kélcheneykekxa. Máxa aptamhágkok ma'a aptémól'a énxet kalpayhekxak apkelwáxok emlassakpok ma'a aqsok ekxámokma apkelméyak ma'a neyseksa kempakhakma.

Ezequiel 36:24

Alántekkesek sa' ko'o kéxegke xa ekyókxoho apkelókxa kélheykegkaxa nak chá'a nepyeseksa m'a pók aptémakxa énxet'ák; wánchásekxak sa', tén sa' wának kólmeyekxak makham ma'a xapop kélagkok axta.

Ezequiel 5:12

Eletsapok sa' chá'a xama énxet'ák agkok aptáhakxa nak chá'a apqántánxo, eñama negmasse tén han meyk élnapma, keñe sa' ma'a nápakha nak elnápok ma'a apkelenmexma apheykha nak nepyáwa', keñe sa' ma'a apkeleymomap nak waxpánchesek ekyókxoho keso náxop. Axog sa' eyke ko'o neptámen yetlo sekmeykha sókwenaqte.

Jeremías 32:37

Wánchásekxak sa' ko'o makham énxet'ák apheykha axta s'e, cham'a ekyókxoho apkelókxa sélya'assamakxa axta chá'a ko'o séxpánchessama, cham'a seklómo ahagko' axta ko'o, séltaqnaweykegkoho agko' axta, wának sa' elchexyók makham se'e yókxexma nak, yaqwayam sa' exmakha meyke ektemegweykmohóxma.

Jeremías 30:19

Sa' kañék katyapok negmeneykmasso negmésso nak ekxeyenma egwáxok Wesse' egegkok ma'a, tén han néktegmeykha ekpayheykekxa egwáxok. Metnekxeyk sa' apqántawo', hakte ko'o sa' axámasagkok. Megkólwanyaha sa' nahan, hakte ko'o sa' atnéssesek ekha kéláyo.

Isaías 60:21

“Énxet meyke apkeltémakxa sa' etnahagkok apyókxoho m'a énxet'ák kélagkok, etnahagkok sa' chá'a apagkok apchókxa meyke néxa, éltekteyapmakxa m'a xama yámet ektáha axta ko'o séneykekxa ahagko', sélane axta ko'o yaqwayam axekmósek ektémakxa seyeymáxkoho.

Isaías 44:23

¡Néten, kalpáxamha kátsaha kalanok ma'a apteméssesakxa nak Wesse' egegkok! ¡Kólwehesha, máxek élmattawóneg agko' nak keso náxop! ¡Meteymog élekhahéyak, kólpáxamha ekwányam agko' kólátsaha, tén han ma'a naxma yetlo m'a ekyókxoho yenta'a élyawe agkok nak, hakte apxekmóssek apcheymákpoho Wesse' egegkok apwagkasa teyp ma'a Israel, cham'a Jacob!

Isaías 33:17

Éteyekxak sa' makham ma'a wesse' apwányam yetlo m'a ektémakxa nak apcheymákpoho; kawomhok sa' makhawók agko' néxa xapop ma'a apchókxa.

Nehemías 9:23

Apméssegkek axta yaqwayam exámhok apagko' apketchek, apweykenxal'a yaw'a m'a néten, apnaqlamchek axta yaqwayam emok ma'a apchókxa apkeltennassamakxa axta egkések apagkok apagko' ma'a apyapmeyk nano'.

Deuteronomio 10:22

Setenta axta nahan apyókxoho kélyapmeyk nanók kéxegke sekxók apkelweykmo m'a Egipto, keñe keso kaxwo nak apxámáseykxo m'a Dios Wesse' kélagkok, aphéseykekxók ma'a apweykenxal'a apxámokma yaw'a m'a néten.

Números 23:10

Máxa xapop ánek, ¿yaqsa awanchek kalyetsetek? ¿Yaqsa awanchek kay'asagkohok apwánxa apxámokma? ¡Katnoho annal'a ko'o xa sétsapma ektéma nak xa énxet'ák apkelpéwomo nak, tén katnegwók néxa sekha ektéma nak ma'a!”

Génesis 12:2

Axámassásekxak sa' ko'o aptawán'ák neptámen, énxet apxámokma sa' etnekxa'; apasmok sa' xép, apeykessásekxak sa' apwesey ekyókxoho yókxexma, xép sa' nahan kañenták apasmok ma'a pók énxet'ák nak.

Isaías 10:22

Apxámok sa' eykhe etnehek xép, énxet'ák apagkok, Israel, ektémól'a m'a wátsam xóp ekxámokmal'a, apqántawók sa' eyke elwata'. Xénáxcheyk kólmasséssók, kólteméssesek sa' ma'a ekpayhawo nak kólteméssesek.

Isaías 6:12

tén han apkeltamho sa' kólnaqlakxak Wesse' egegkok megkatnahakxa apkelókxa m'a énxet, tén han ektamhákxo sa' meyke agko' xama aqsok ma'a apchókxa.

2 Reyes 23:27

Axta keñamak Wesse' egegkok apxeyenma elyetnakhaksek aphakxa m'a énxet'ák Judá, ektémakxa axta apkelyetnakhassama m'a énxet'ák Israel, apxeyenma etaqnók ma'a tegma apwányam nak Jerusalén apkelyéseykha axta, keñe han ma'a tegma appagkanamap apxeyenmakxa axta katnehek ekyetnamakxa apwesey.

2 Reyes 17:23

Keñe axta Wesse' egegkok apkelyetnakhassama aphakxa m'a énxet'ák Israel, ekhawo ektémakxa axta apxeyenma, apkelásenneykekxo axta m'a apkellegasso nak appeywa, cham'a apkeláneykha nak, tén axta énxet'ák Israel apkelmákpo kélnaqleykekxo Asiria, apheykegkaxa nak makham, ekwokmoho s'e negwánxa nak.

2 Reyes 17:6

Keñe ekweykmo axta nueve apyeyam apteme wesse' apwányam Oseas, apmomchek axta wesse' apwányam Asiria m'a Samaria, keñe axta apkelmoma israelitas apnaqleykekxo Asiria, apkelhésseykmek axta m'a Halah, yókxexma nak Habor, wátsam nak Gozán, keñe han ma'a tegma apkelyawe apagkok nak medos.

1 Reyes 8:46

“Apkelánegkek sa' agkok han melya'assáxma yenmexek xép, hakte méko xama énxet enxoho melánekxa mey'assáxma, keñe apkeltaqnaweygko enxoho exchep elmések ma'a katnaha nak apnámakkok yaqwayam enxoho elmok, keñe enaqlakxak ma'a mók apkelókxa, cham'a makhawo' nak essenhan ma'a keto' nak,

Deuteronomio 28:64

Yexpánchesha sa' Wesse' egegkok elya'aksek ma'a ekyókxoho apkelókxa apheykegkaxa nak chá'a pók aptémakxa énxet'ák, eyeynamo m'a xama nekha nak xapop ekweykekxoho m'a mók nekha xapop nak, sa' kólpeykeshok chá'a mók aqsok kéláyókxa nak chá'a m'a, cham'a aqsok kéláyókxa élánamáxche nak chá'a m'a yántéseksek tén han ma'a meteymog, megkólweteya nak kéxegke tén han melweteya axta m'a kélyapmeyk nanók axta.

Deuteronomio 28:25

tén han ekwokmoho apmenxena m'a kélenmexma nak. Tásek sa' katnehek kéleywékekxa kélxega peya enxoho kólenmexekxak ma'a, kólexpaqnek sa' eyke kólenyahagkok apmonye'e m'a, elyegweyk sa' nahan apyókxoho énxet'ák apheykha nak keso náxop apkelwet'a enxoho kéxegke.

Génesis 13:16

Apxámokma apagko' sa' ko'o atnéssesek ma'a, exhok sa' ma'a xapop ánek nak keso náxop, cham'a ektémakxal'a magmowána ólyetsetek xóp ánek, mogwanchek sa' han ólyetsetek apwánxa m'a aptawán'ák neptámen.

Job 12:23

Exátekhaksek nahan chá'a apkelókxa m'a, keñe emasséssók han chá'a, yexpánchesek han chá'a énxet'ák, keñe yánchásekxak nahan chá'a.

Isaías 40:5

Keñe sa' exekmósek apcheymákpoho m'a Wesse' egegkok, elwetak sa' apyókxoho énxet meyke apkeymomap. Wesse' egegkok apagko' apxeyenma xa.”