Isaías 23:7 - Biblia Enxet

⁷ ¿Keyaxa tegma apwányam nanók apyetnamakxal'a xa ekyetnamakxa axta chá'a ekneywomáxche'? ¿Keyaxa énxet'ák apkelxegama axta chá'a yaqwayam elhók ma'a makhawók agko' nak apchókxa?

Isaías 23:7 Referans Kwoze

Isaías 22:2

Tegma apwányam eksawheykekxoho nak kañe' ekyennamáxma tén han kélwehéseykha, ekyepetche nak ma'a ekneywomáxche', háwe sókwenaqte élnapma m'a apkeletsapma nak apheykha kañe', háwe nahan aptekyawa m'a neyseksa kempakhakma;

Isaías 32:13

Katyapok sa' yámet ekha nak am'ák tén han ekmompánaqma m'a seyókxa, cham'a apyókxoho tegma nak ma'a tegma apwányam élpayheykekxexa nak chá'a apkelwáxok ma'a énxet, ekyetnamakxa nak chá'a m'a apkelátseykha.

Eclesiastés 10:7

Ekweteyak chá'a ko'o m'a énxet'ák kélásenneykha naqsa nak, yátnáxeg chá'a elchántaha, keñe eyke m'a kelwesse'e nak, náxop chá'a elweynchamha, máxa chá'a etnahagkok ma'a kélásenneykha naqsa nak.

Josué 19:29

Tén axta ektaqhegweykmo néxa xapop ekmeyeykekxo m'a Ramá, ekweykekxoho m'a tegma apwányam ekyennaqte nak kélhaxtegkesso nepyáwa Tiro, tén axta ekxegeykekxo makham ekmeyeykekxo m'a Hosá ekyephagweykekxo m'a wátsam ekwányam Mediterráneo. Veintidós tegma apkelyawe axta apyókxoho yetlo m'a tegma aphéyak nak nepyáwa', apyepetcheykekxa m'a Mahaleb, Aczib, Umá, Afec tén han Rehob.