Isaías 23:5 - Biblia Enxet

⁵ Apkellegágweykxeyk sa' agkok amya'a m'a egipcios kaltemeykha agko' sa' apkelwáxok eñama apkellege ektáhakxa m'a Tiro.

Isaías 23:5 Referans Kwoze

Ezequiel 28:19

Apkelyegwakkek chá'a apkelwet'a exchep ma'a apyókxoho pók aptémakxa nak chá'a énxet'ák, ektáha axta chá'a apweteykxa. Aqsok ekmaso agko' xép aptamhákxa'; ¡apmassegwokmók apagko' kaxwók xép!’”

Isaías 19:16

Máxa kelán'a sa' etnahagkok egipcios xa ekhem nak; metwasha sa' yeyk apkelwet'a enxoho emáwhok ellegássesagkohok ma'a Wesse' ekha nak apyennaqte, elyegwáwhok apagko' sa' nahan.

Jeremías 47:4

Hakte wokmek ekhem yaqwánxa kólmasséssók ma'a filisteos, tén han kólyementemekxak Tiro, tén han Sidón ma'a apkeleymomap nak makham ma'a ektáha nak chá'a appasmo.” Naqso', emasséssók sa' Wesse' egegkok ma'a filisteos, apkelánteyapma axta m'a egkexe Creta, apkelmeyáyekmo s'e.

Ezequiel 30:9

“Wokmek sa' agkok ekhem yaqwánxa kóllegássesagkohok ma'a Egipto, aláphaksek sa' apseykha amya'a apkelchánte yántakpayhe m'a neyseksa wátsam ekwányam nak, yaqwayam sa' elteméssesha apkelwáxok ma'a énxet'ák meyke nak éltamheykha apkelwáxok ma'a Etiopía, elyegwáwhok apagko' sa'. Ketók yaqwánxa kawak xa ekhem nak.