Isaías 23:2 - Biblia Enxet

² Apkelwanmeyágkek ma'a énxet'ák Tiro tén han ma'a ekha nak chá'a aqsok apkexeykekxa m'a Sidón. Apkelyeykheykekxeyk chá'a apkelásenneykha m'a wátsam ekwányam nak,

Isaías 23:2 Referans Kwoze

Isaías 47:5

“Caldea kelán'a étkok, kawanma aqsa kaxek, katex ekyáqtésakxaxma, hakte kamaskok sa' kaltamhaxchek xeye' ‘wesse' ekwányam ekyókxoho apheykegkaxa énxet'ák’.

Habacuc 2:20

Apheyk Wesse' egegkok ma'a tegma aptaqmalma appagkanamap apagkok: ¡Kólwanmeyák nápaqto' kélyókxoho kélheykha nak ekyókxoho keso náxop!

Ezequiel 28:2

“Xép énxet, etne sa' yának wesse' apwányam Tiro s'e: “Keso aptáhakxa exchek appeywa Wesse' egegkok se'e: Awanhók agko' xép eyeymáxkoho apwáxok, apkenagkamchek xép etneyk xama aqsok kéláyókxa ekha ekmowána aphama chá'a m'a néten taháno ekyawe ektaqmalma ekheykegkaxa nak ma'a aqsok kéláyókxa, tén han ekwakhaya m'a wátsam ekwányam. Háwe exchep xama aqsok kéláyókxa ekha nak ekmowána, énxet xeyep apkenagkama chá'a kaxnémók apya'áseyak aqsok ma'a xama aqsok kéláyókxa.

Isaías 41:1

“Kólwanmeyák nahaqtók ko'o, kéxegke kélheykha nak apkelókxa neyáwa wátsam ekwányam. Énxet'ák, kólyennákxoho sa'. Kólxegma sa' yaqwayam anxének se'e aqsok nak; agaqnekxak sa' yaqwayam ólpaqmétek.

Salmos 46:10

“¡Kólwatés kélnápomáxche'! Kólya'asagkoho sektáha ko'o Dios! ¡Ko'o sekteme néten agko' nepyeseksa m'a pók aptémakxa énxet'ák! ¡Ko'o sekteme néten agko' ekyókxoho keso náxop!”

Ezequiel 28:21

“Xép énxet, yenmexekxoho sa' tegma apwányam Sidón, eltennés sa' sektáhakxa ko'o sekxeyenma m'a.