Isaías 23:11 - Biblia Enxet

¹¹ Apya'ássek axta apmek neyseksa wátsam ekwányam ma'a Wesse' egegkok, apkelpexyennegkessek axta apkelaye m'a pók aptémakxa nak chá'a énxet'ák, apkeltamhók axta kólmasséssók ma'a tegma apkelyennaqte nak Canaán.

Isaías 23:11 Referans Kwoze

Éxodo 14:21

Apya'ássek axta apmék ekpayhókxa neyseksa wátsam ekwányam ma'a Moisés, tén axta Wesse' egegkok apcháphasa éxchahayam ekyennaqte agko' eñama m'a ekteyapmakxa ekhem, kexchahakmek axta nahan yókxoho axta'a m'a, tén axta ekmeykásekxo neyseksa élana ánet nekhaw'ék ma'a wátsam ekwányam nak. Xapop agko' axta aptemessásekxak Wesse' egegkok ma'a neyseksa wátsam ekwányam,

Zacarías 14:21

Apyókxoho weygke nak Jerusalén tén han ma'a Judá, etnehek sa' kélpagkanchesso m'a Wesse' ekha nak apyennaqte. Énxet apmeyeykekxa enxoho chá'a yaqwayam elának aqsok ektekyawa, sa' elmaha chá'a m'a. Sa' yahánek chá'a kéltósso ápetek kélmésso nak chá'a Wesse' egegkok ma'a. Cháxa ekhem nak, méko sa' etnehek apkelyanmagkásamákpoho nak chá'a m'a Wesse' ekha nak apyennaqte tegma appagkanamap apagkok.

Hageo 2:7

Alpexyennegkesek sa' apyókxoho pók aptémakxa énxet'ák, keñe sa' elsanták aqsok élmomnáwa apagkok ekxámokma, kalánhok sa' élseyéxma m'a tegma appagkanamap ahagkok.” Ko'o sekxeyenma xa, sektáha nak Wesse' ekha sekyennaqte:

Nahúm 1:14

Wesse' apwányam Nínive, aptáhak xép apxéna Wesse' egegkok se'e: “Mexek sa' aptawán'ák neptámen, yaqwayam enxoho katepagkok apwesey; amasséssessók sa' ma'a axanák nak aqsok apcháyókxa, cham'a kéleykmássesso nak, tén han ma'a kéleykmássesso kélheyáseykegkoho nak chá'a aqsok, sa' wátawanyek xép ma'a, hakte asagkók agko' xép aptémakxa.”

Ezequiel 31:16

Ekyeñenteyk sa' agkok ko'o kañe' apkelmaheykegkaxa nak chá'a apkeletsapma m'a, yaqwayam enxoho kapáxaqwók ma'a apkeletsapma nak chá'a, kalpexyennegkesek sa' ekyókxoho apheykegkaxa nak chá'a pók aptémakxa énxet'ák ma'a éxtegyawasso ekyennaqte nak ektéyam. Keñe sa' se'e kóneg xapop nélwanmégkaxa nak, kaltaqmelchessásekxak sa' awáxok ma'a yenta'a éleñama nak Edén, cham'a yenta'a éltaqmalma agko' nak, ektaqmalma nak éktegkesso yegmen ma'a Líbano.

Ezequiel 26:10

Aptemék sa' agkok etxek atña'ák kélagkok wesse' apwányam Babilonia m'a ektémól'a etaxnakpok xama tegma apwányam kélchetámeyak la'a kólmenxenek énxet apheykha m'a kañe', apxámok sa' etnehek ma'a yátnáxeg, yáhakkasek sa' xóp ekpánma appánchesso; kalpexyennegkesek sa' meteymog kélhaxta nepyáwa tegma apwányam kélagkok éxtegyawasso m'a yátnáxeg apkelyenyawasso apagkok tén han ma'a apkelchánte nak chá'a yátnáxeg;

Jeremías 47:7

¿Háxko eyke katnehek kalwataksek? Wesse' egegkok apkeltémo katnehek, apkeltémo kaktamagkok ma'a Ascalón, tén han ma'a apyókxoho énxet'ák apheykha nak neyáwa' wátsam ekwányam.

Isaías 25:2

Meteymog ektaháneykekxa mók aptemessáseykekxak ma'a tegma apkelyawe nak, apmopsagcha'a aptemessáseykekxak ma'a tegma apkelyawe apkelyennaqte nak; apmasséssesseykmek tegma apkelyawe apagkok ma'a apkelenmexma nak, megkólnaqxétekhasagkokxeyk sa' nahan chá'a kaxwók ma'a.

Isaías 23:3

cham'a yegmen ekyawe nak. Wetassegkek ekyánmaga apkexeykekxa m'a aqsok aktek, nentómo nak ekyexna, éleñama nak ma'a Sihor, eknakxamáxche nak ma'a nekhaw'ék Nilo. Apkelyánmagkásamákpek axta chá'a m'a pók aptémakxa nak chá'a énxet'ák.

Isaías 10:6

Eyáphássek ko'o ektamagkok ma'a apheykegkaxa nak énxet'ák megyáyo nak Dios, xama apheykegkaxa selókassamo nak chá'a ko'o, yaqwayam sa' elmenyexchesagkok tén han elyementamagkok ma'a aqsok apagkok ekxámokma élmomnáwa nak, yaqwayam sa' elteyammaha etnéssesek ma'a ektémól'a ólteyammaha yelpa' m'a ámay.

Isaías 2:19

Apkempákxeyk sa' agkok néten Wesse' egegkok, apsawheyáseykxoho sa' apyawheyáseykha m'a xapop, elántexek sa' énxet'ák ma'a meteymog áxwa, cham'a kañe' xapop nak; elyexanmok sa' apmonye' m'a Wesse' egegkok negáyo nak, elyexanmok sa' amonye' m'a Wesse' apcheymákpoho.

Salmos 71:3

Etne exchep semasma apyennaqte, ¡etne exchep tegma apyennaqte sekyexanmomakxa, tén han sewagkasso teyp! ¡Xép apteme semasma apyennaqte, tén han tegma apyennaqte ahagkok!

Salmos 46:6

Kalpayheykha chá'a apatña'ák énxet'ák, elpexyennók chá'a énxet apheykha nak apkelókxa, kapaqxek chá'a xapop apkellegásawo enxoho chá'a appeywa énxet'ák ma'a Wesse' egegkok.

Génesis 9:25

Keñe axta aptáha s'e: “¡Aptaqnómap sa' xép etnehek Canaán! ¡Kélásenneykha mékoho apagko' sa' etnehek nepyeseksa m'a apqánet apkelpepma nak!”

Isaías 5:25

Cháxa keñamak apkeltaqnaweygko nak Wesse' egegkok ma'a énxet'ák apagkok, apkellegassásegkók nahan. Kelyawheyha m'a egkexe nak, máxa aqsok apák kélchexakhál'a táhak ekhéyak kélhapák ma'a ámay awáxok. Makke kamassak makham aplo m'a Wesse' egegkok; xénchek makham apwáxok ellegássesagkoho'.

Isaías 13:13

Keñe sa' kalpexyennók ma'a néten, kaqxegmakha sa' nahan ekyetnamakxa m'a xapop seklawa sa' ko'o xa ekhem nak, cham'a seklawa ahagko' sa'.

Isaías 14:26

Cháxa sekxéna nak ko'o alának ekyókxoho keso náxop. Xénchek ewáxok allegássesagkohok ma'a ekyókxoho apheykegkaxa nak chá'a pók aptémakxa énxet.”

Isaías 19:5

Keymék sa' yegmen ma'a wátsam Nilo, keymáwhok agko' sa' ma'a wátsam nak,

Isaías 23:10

Énxet'ák Tarsis, kólchá kaxwo', méko kaxwók entáhak ma'a kélnegkenweykekxexa nak chá'a yántakpayhe.

Isaías 50:2

¿Yaqsa axta ektéma móteya ko'o xama énxet sekxók axta sekwaya? ¿Yaqsa axta ektéma méko seyátegmoweykegko m'a sélwóneykencha'a axta? ¿Kélanagkamcheya axta ko'o mowanchek alwagkasek teyp? ¿Kélanagkamcheya axta ko'o mowanchek alántekkesek neyseksa aqsok ekmaso? Megkatnohók ko'o apaqhetchesek altamhok keymék ma'a wátsam ekwányam nak tén han wának katnekxak ekyamayéxma m'a wátsam nak; yaqwayam enxoho kaletsapok hem át'ák ma'a kelasma tén han kaltahápok eñama meyke yegmen.

Ezequiel 26:4

Epalchessesek sa' ma'a meteymog kélhaxta nak nepyáwa tegma apwányam kélagkok, elyaqnegkessesagkok sa' náxop ma'a tegma apkelwenaqte kélagkok nak. Awomhok sa' ko'o xapop seyáxñaseykekxa m'a apheykegkaxa nak, sekyekhámekxo enxoho m'a nápakha'a apketkók appalleyam nak, máxa meteymog éláxñeyo sa' atnessásekxak ma'a.