Isaías 22:4 - Biblia Enxet

⁴ Cháxa keñamak sektáha nak sekpeywa s'e: Hélyenyow exakko', peyk ko'o alekxagwaha; nágkóllenxánem aqsa hélpeykessásekxak ewáxok eñama ekmaso ektáhakxa m'a énxet'ák ahagkok.

Isaías 22:4 Referans Kwoze

Jeremías 9:1

¡Katnoho annal'a ahaqta'ák ma'a ektémól'a ekteyapmakxa yegmen, keñe ahaqta'ák égmen'ák ma'a ektémól'a yegmen ényé, yaqwayam enxoho awónek chá'a yókxoho ekhem tén han axta'a, eñama aptekyawa m'a énxet'ák ahagkok!

Miqueas 1:8

Cháxa keñamak peya nak ko'o awónek yetlo ekyawe agko' sélapwayam; cháxa keñamak peya nak aweynchamha meyke sélatchesso emagkok tén han meyke sektaxno, awónchesha sa' ektémól'a semheg nawhak, kaxñaha sa' egkenyek aptémól'a xápen epáwha.

Jeremías 31:15

Aptáhak Wesse' egegkok se'e: “Legáxcheyk ekpayheykha kélátog ma'a Ramá, kéllekxagweykha yetlo ekyentaxno agko' kélwáxok. Raquel ma'a, élekxagweyncha'a nak, eñama aptekyawa étchek, yámenyeyk nahan kóltaqmelchessásekxak awáxok, hakte apkeletsekkek étchek.”

Jeremías 13:17

Sa' agkok kéxegke kólyahákxa, eyxaxkohok sa' ko'o alekxagwaha eñama kéleymáxkoho kéxegke; kalpexyewenták sa' ahaqta'ák égmen'ák, hakte apkelmákpek ma'a Wesse' egegkok apnaqtósso nepkések.

Salmos 77:2

Aktamok chá'a ko'o Wesse' egegkok élapwokmo enxoho chá'a ewáxok, malwátessemek chá'a sélya'ássesso néten emék, sélmaxneya enxoho axta'a. Makke óteyágweykmok sepeykessáseykekxa ewáxok.

Jeremías 8:18

Méko hemasséssesek ektémakxa élekxagweykha ewáxok, yelqamáxcheyk ewáxok.

Jeremías 6:26

¡Énxet'ák ahagkok, kólántaxnekxa apáwa sẽlwáxaqxamo nak, magkenatchesso kéllegagkoho ekmáske; kólpexyawha neyseksa táhap, kallapwomák, nágkóleysagkoho kóllekxagwaha, ektémól'a yetsapok xama kélketche apteme nak wánxa xama apagko'; hakte kaxwo' sa' elwak ma'a apmáheyo nak hegmasséssók!

Jeremías 4:19

¡Éttelegwáseyha ko'o seklegeykegkoho ekmáske! ¡Tayha egkenyek ekyennaqte agko'! ¡Pekhekak ewáxok, mowanchek sekmako awanmak aqsa! Ekleg'ak ko'o kélpáwasso xama kélaqkahasso, tén han kélwónchesso kempakhakma.

Isaías 33:7

¡Kóleyxho ektáhakxa apkelpáxameykha énxet'ák apkelyennaqte m'a ámay, tén han ektáhakxa apkellekxagweykha m'a énxet'ák kéláphasso nak esawha meyke ektáhakxa apheykha énxet'ák!

Isaías 15:3

Apyókxoho énxet axta nahan chá'a apkelxegak ámay apkelántaxneykekxa m'a apáwa magkenatchesso nak senlapwayam; kelpayheyha axta chá'a apatña'ák apkellekxagweyncha'a m'a néten apxanák nak. Apyókxoho énxet axta nahan kellapwámegkok ma'a apkelweynchámeykegkaxa nak chá'a énxet, apkellekxagweyha axta chá'a.

Jeremías 9:18

¡Kólána sa' kalpekhaksohok élxegáyam, yaqwayam sa' kallekxagwaha henlanok negko'o; hẽllekxágkasha sa' negko'óxa kalpexyewenták sa' egaqta'ák égmen'ák egmáxempenák, eñama néllekxagweykha!

Lamentaciones 2:11

Kelyélaqtéssek ahaqta'ák sekwóno, eklegágkok ekyentaxno agko' ewáxok; yelqáxcheyk ewáxok sekwet'a kélmasséssekmo tegma apwányam apagkok nak énxet'ák ahagkok, tén han sekwet'a apkeletsapa meyk ámay ma'a sakcha'a ekweykekxoho m'a melyamasma nak neme.

Ezequiel 27:31

Elmopaksohok sa' apkelyese eñama exchep, elántaxnekxak sa' ma'a apáwa nentaxneykekxohol'a eñama apketsapma egmók, ellekxagwaha sa' nahan yetlo ekyawe agko' élmayóseka apkelwáxok.

Ester 4:1

Xama axta apleg'a Mardoqueo ekyókxoho m'a ektáhakxa axta, apkelyepteyk axta apkelnaqta magkenatchesso aplegágkoho ekyentaxno apwáxok, apkelántaxneykxeyk axta m'a apáwa sẽlwáxaqxamól'a, apkexpaqha'ak axta apqátek táhap tén axta apweynchámeyncha'a m'a tegma apwányam, axta yeyságkohok apkelekxagweyncha'a.

Ezequiel 21:11

kélyenmásekxeyk yaqwayam emha xama énxet. Kélmaxneyákxeyk sókwenaqte; kélyenmásekxeyk yaqwayam emha tekyawa yáp.