Isaías 21:3 - Biblia Enxet

³ Élpexyennegkessek ko'o sekwet'a, éttelegwáseyha ekmáske, máxa ektáhak ma'a ektémól'a kelán'a káskok awáxok kamáwhok katnehek naqláwa, meheñásak ektemegweykmohóxma m'a seklegeykegkoho ekyentaxnamo ewáxok, mehéteyásak aqsok ma'a sekyegwakto.

Isaías 21:3 Referans Kwoze

Isaías 13:8

elyegwáwhok apagko' sa'. Káhapwak sa' ekyawe agko' apkelyegwakto tén han apkellegeykegkoho ekmáske, máxa sa' etnahagkok elpexyawha m'a ektémól'a kelán'a káskok awáxok kamáwhok katnehek naqláwa. Égweyk sa' aqsa chá'a elanok ma'a pók, kalyexwásekxak sa' nápaqta'a apkelmegqakto.

Isaías 26:17

Wesse', máxa kelán'a lóso' nentamheykegkok negko'o nápaqtók xép ketók ekmaheyókxal'a katnehek naqláwa, ekyettelegweykhal'a, ekpayheykhal'a átog kañegkohok ekmáske.

Salmos 48:6

Taxneyk axta apkelwáxok apkelaye: apkelpexyawáha axta apkellegágkoho ekmáske, máxa axta aptamhágkok ma'a kelán'a ekmáheyól'a katnehek naqláwa;

Jeremías 48:41

Emok sa' apkelenmexma m'a tegma apkelyawe nak, tén han ma'a tegma apkelyennaqte nak. Elpexyennók sa' kempakhakma yapmeyk Moab xa ekhem nak, máxa sa' etnahagkok ma'a kelán'a ekmáheyól'a katnehek naqláwa.

Isaías 16:11

Máxa arpa apxát'ák élaktamáxchel'a entáhak ekpexyennama ewáxok sélano m'a Moab tén han ma'a Quir-haréset.

Habacuc 3:16

Xama axta ko'o sekleg'a xa, eyekak axta. Kelpexyennamágkok axta sekpeywa, kelyelqáxchek axta exchakkok, massék axta ekyenna ekyókxoho émpehek. Aleyxek sa' eyke aqsa ko'o meyke sekpekhésamaxche m'a ekhem yaqwánxa sa' ellegássesagkohok Dios ma'a sẽlpextétamo sennaqtawáseykegkoho nak.

Jeremías 50:43

Apkelyelqákpek axta aqsa nahan apleg'a amya'a m'a wesse' apwányam Babilonia eñama apkeye, aplegágkók axta ekyentaxno apwáxok, tén han ekmáske, máxa axta aptáhak ma'a kelán'a ekmáheyól'a katnehek naqláwa.

Jeremías 49:22

Ektamagkok sa' apkelenmexma m'a Bosrá, ektémól'a náta ekyawe élpeykessól'a axempenák kaktamagkok ekyógkexma, elpexyennók sa' kempakhakma yapmeyk Edom xa ekhem nak, máxa sa' etnahagkok ma'a kelán'a ekmáheyól'a katnehek naqláwa.”

Isaías 16:9

Cháxa keñamak sélekxagweyncha'a nak ko'o sélano m'a anmen yámet kélcheneykekxa nak Sibmá, tén han ma'a Jazer, pallénteyk ahaqtek égmenek sélano m'a Hesbón tén han ma'a Elalé, hakte legáxcheyk kélpáxameykha ekyennaqte kempakhakma m'a neyseksa nak aqsok ekyexna apkeneykekxa m'a énxet'ák tén han ma'a aqsok ekyexna eknakxamáxche nak.

Isaías 15:5

Chaqhak axta ko'o ewáxok sélano m'a Moab; apkelántekkek axta énxet'ák apheykha m'a kañe' apkenyahágko ekweykekxoho m'a Sóar, ekweykekxoho m'a Eglat-selisiya. Apkellekxagweygkokxeyk axta apkelxega m'a ekmeyeykekxa nak néten xóp ma'a Luhit; apkelpáxamáha axta ekyennaqte agko' éllapwámegko peya káhapwak aqsok ekmaso m'a ámay nak Horonaim.

Deuteronomio 28:67

Awanhek sa' katnehek kélmenaye, máxa sa' katnégwakxak aqsok kélwete. Sa' kóltéhek chá'a kólpaqmésmakha axto'ók se'e: ‘¡Katnoho annal'a kaxwók axta'a!’, keñe sa' axta'a kóltéhek kólpaqmésmakha s'e: ‘¡Katnoho annal'a kaxwók ekhem!’

Jeremías 4:19

¡Éttelegwáseyha ko'o seklegeykegkoho ekmáske! ¡Tayha egkenyek ekyennaqte agko'! ¡Pekhekak ewáxok, mowanchek sekmako awanmak aqsa! Ekleg'ak ko'o kélpáwasso xama kélaqkahasso, tén han kélwónchesso kempakhakma.

Jeremías 6:24

Aptáhak apkelpaqmeta énxet'ák Jerusalén se'e: “Nenleg'ak negko'o amya'a, ẽlyélaqtéssek han negaye; néllegagkók élyentaxno egwáxok tén han ekmáske, máxa m'a kelán'a ekmáheyól'a katnehek naqláwa.