Isaías 21:2 - Biblia Enxet

² Asagkók agko' ma'a aqsok sexekmósso nak ma'a Dios: Appelakkassessek chá'a apsexnáneya pók ma'a énxet apsexnenagkamo nak chá'a pók, apmasséssekmek aqsok ma'a apmassesseykmoho nak chá'a aqsok. ¡Kólchempekxa néten, énxet'ák Elam! ¡Énxet'ák Media, kólchetamák! ¡Maltamhók ko'o kaxwo' kólpaqmésmakha eñama kéllegeykegkoho!

Isaías 21:2 Referans Kwoze

Jeremías 49:34

Apkeltennassegkek axta Wesse' egegkok Jeremías se'e amya'a nak, ekxeyenma nak Elam, cham'a apcheynamo axta apteme wesse' apwányam Sedequías ma'a Judá:

Isaías 33:1

¡Xép laye, apmassésseyam nak chá'a aqsok memassegwayam nak makham! ¡Xép laye, appelakkassesso nak chá'a esexnenak pók, megkólpelakkassesso nak makham kólsexnena'! Appenchessek sa' agkok apmassésseyam aqsok, kólmasséssók sa' xép, appenchessek sa' agkok appelakkassesso chá'a apsexnenagko pók kólpelakkassesek sa' xépxa kólsexnena'.

Isaías 24:16

Nenleg'awók nahan aptáha apkelmeneykmasa énxet'ák apheykha nak ektemegwánxa néxa xóp se'e: “¡Apcheymákpoho ektáha nak appéwomo!” Tén axta ko'o sektáha s'e: ¡Ko'o laye, asagke nak la'a setnamakxa! ¡Yeykhágwokmók agko' nak la'a ekmaso aptamhágkaxa chá'a appelakkassesso apsexnenagko pók ma'a énxet'ák appelakkassesso nak chá'a esexnenak pók!

Salmos 60:3

Apkellegassáseykegkók axta ekyentaxno agko' ma'a énxet'ák apagkok, ẽleykegkek axta negko'o exchep vino segyeykessamo nak exma.

Daniel 5:28

keñe PARSÍN ekxeyenma: ekyeptamáxche neyseksa m'a aptémakxa nak wesse' apwányam, énxet'ák medos sa' kólmeyásekxa', tén han persas.”

Daniel 8:20

“Cham'a nepkések apkennawók ánet apkepet'ák nak, apteme m'a kelwesse'e apkelwányam Media tén Persia.

Lamentaciones 1:22

Yána kawakxak aphakxa exchep ma'a ekyókxoho apkeltémakxa ekmaso apkeláneyak nak; etnésses eñama melya'assáxma m'a setnéssessamakxa nak ko'o, megkamassegweykmok ko'o sélekxagweykha; ¡yélaqtéssegkek ewáxok!

Jeremías 51:53

Yántek sa' eykhe Babilonia m'a néten, yaqwayam epekkenwók netnók agko' ma'a apxagkok apyennaqte nak, aláphaksek sa' eyke han ko'o apkelenmexma m'a, yaqwayam emasséssók. Ko'o sekxeyenma xa, sektáha nak Wesse'.”

Jeremías 51:44

“Añássesagkohok sa' ma'a dios Bel nak Babilonia, ayekxássesek sa' ma'a aqsok élmenaqsapma axta, melyo'ótamók sa' nahan kaxwók ma'a pók aptémakxa énxet'ák. ¡Kelyaqnenágkek kaxwók ma'a kélhaxtegkesso nak Babilonia!

Jeremías 51:11

Peyk emasséssók Wesse' egegkok ma'a Babilonia, apnaqxétekhássásegkek han apkelwáxok ma'a kelwesse'e apkelwányam nak Media. Cháxa yaqwayam eyaqmagkásekxak Wesse' egegkok apteméssessamakxa axta m'a tegma appagkanamap apagkok. ¡Kóllánekxa yágke aktek kélagkok! ¡Kólmák sa' kéláhakkásamáxche!

Jeremías 50:34

Apmeyhek eyke m'a apkelántekkesso nak, apwesey nak Wesse' ekha apyennaqte. Sa' etaqmelchessásekxak apheykha m'a, esógmak sa' meyke ektáhakxa negha m'a apchókxa, keñe sa' ekmaso apheykha m'a apheykha nak Babilonia.”

Jeremías 50:14

“¡Kóllánekxa kélchaqneykha kélmeykha nak yágke, kólwakhegwom Babilonia! ¡Kólyáta' ekyókxoho yágke aktek kélagkok, hakte apkeláneykegkek melya'assáxma nahaqtók ko'o m'a, sektáha nak Wesse'!

Jeremías 31:25

Hakte alagkok sa' ko'o aptéyak tén han apyenéyak ekyawe agko' yegmen ma'a apkelyampayo nak, tén han meyke nak apkelyennaqte.”

Jeremías 31:20

“Hatte seyásekhayo ko'o m'a Efraín énxet'ák apagkok; hatte sekmámenyého ahagko'. Apaqhetchesek eykhe chá'a ekyennaqte, mehelwánaqmeyk eyke chá'a; megkeynnayhek han chá'a ewáxok alano', apyósek apagko' nahan chá'a alano'. Ko'o sekxeyenma xa, sektáha nak Wesse'.

Isaías 47:6

Ekméssegkek axta ko'o yaqwayam elmegqék énxet'ák ahagkok ahagko' ma'a séltaqnaweykegko axta énxet'ák ahagkok, tén axta séltémo kalmok xeye'. Axta kalmopyósak élányo exche' m'a, kelhayak axta aqsok ekyentaxno agko' ma'a apkelwányamo nak.

Isaías 35:10

apkelmeykekxa nak neyseksa aqsok ekmaso m'a Wesse' egegkok; elántexek sa' Sión yetlo apkelmeneykmasso élpayheykekxa apkelwáxok, katnahagkok sa' chá'a élpayheykekxa apkelwáxok neyseksa apheykha. Elwetak sa' élpayheykekxa apkelwáxok tén han apkelátseykha, kamassegwók sa' ma'a apkellekxagweykha tén han éllapwáméyak.

Isaías 22:6

Apkelánegkokxeyk yágke apagkok ma'a énxet'ák Elam, apkelchántákxeyk ma'a yátnáxeg apkelyenyawasso apagkok tén han ma'a yátnáxeg; apkelmágkokxeyk apkeláhakkásamap ma'a énxet'ák Quir.

Proverbios 13:15

Yásekhakpohok chá'a m'a énxet apyekpelchémo nak chá'a aqsok, keñe m'a énxet'ák apkelpelakkassesso nak chá'a elsexnenak apnámakkok, elmahagkok chá'a m'a yaqwánxa nak elsexnenakpok.

Salmos 79:11

Yeyxho apkelápentegeykha ekmáske m'a apkelmomap nak, elwagkas teyp yetlo ekyawe agko' apmopwána m'a apkelxénamap nak etekyewekxa'.

Salmos 12:5

Aptáhak appeywa Wesse' egegkok se'e: “Kélnaqtawáseykegkók ma'a meyke nak aqsok apagkok, kéllegassáseykegkók ma'a apkelyelqamákpoho nak. Cháxa keñamak peya nak ko'o wampekxak néten, apasmok sa' ekhawo ektémakxa nak chá'a apkelmopmenyého.”

1 Samuel 24:13

Temék nanók amya'a ektéma nak se'e: ‘Énxet élmasagcha'a apkeltémakxa keñamak ma'a ekmaso nak nentémakxa'’; cháxa keñamak matnéssessamók ko'o exma ekmaso exchep, wesse'.

2 Reyes 17:6

Keñe ekweykmo axta nueve apyeyam apteme wesse' apwányam Oseas, apmomchek axta wesse' apwányam Asiria m'a Samaria, keñe axta apkelmoma israelitas apnaqleykekxo Asiria, apkelhésseykmek axta m'a Halah, yókxexma nak Habor, wátsam nak Gozán, keñe han ma'a tegma apkelyawe apagkok nak medos.

Salmos 25:3

¡Nágyoho elmegqeyk xama enxoho m'a ektáha nak xép apcháyo! ¡Eyke yána elmegqeyk ektáha nak xép apkenmexeykekxa meykexho apteméssessamakxa!

Salmos 119:158

Megkalchek ko'o ewáxok alanok ma'a apkelyenseyam nak chá'a aptamhéyak melya'ásseyam, melyaheykekxoho nak ma'a apkeltémókxa nak antéhek.

Daniel 5:9

Yágwokmók axta aqsa apyegwakto apkeye m'a wesse' apwányam Belsasar, mopeykxók agko' axta nápat. Axta elya'ásegkok aptamhágkaxa m'a énxet'ák ekyawe nak kéláyo apagkok ma'a wesse' apwányam,

Génesis 10:22

Keso Sem apketchek axta s'e: Elam, Asur, Arfaxad, Lud, tén han Aram.

Isaías 11:11

Exekmósek sa' makham apmopwána Wesse' egegkok apmako sa' enaqlanták makham énxet'ák apagkok apkeleymomap xa ekhem nak, apnaqlósawákxo sa' makham ma'a Asiria, Egipto, Patros, Etiopía, Elam, Sinar, Hamat tén han ma'a apkelókxa ekhéyak nak neyáwa wátsam ekwányam.

Isaías 14:4

kólyetsetek sa' se'e eknaqtáxésamaxche nak amya'a yaqwayam sa' kólwanyaha m'a wesse' apwányam Babilonia: “¡Kóllano ektáhakxa wesse' aplo! ¡Kóllano ektáhakxa ekmassegwokmo m'a apcheymákpoho!

Isaías 14:7

Sawhékxók kaxwók meyke ektáhakxa apheykha énxet'ák ekyókxoho keso náxop, taqmelákxeyk apheykha, apkelwehéseykha nahan élpayheykxo apkelwáxok.

Jeremías 25:25

tén han ma'a apyókxoho kelwesse'e apkelwányam nak Zimrí, Elam, tén han Media:

Jeremías 49:35

“Ektáhak ko'o sekpeywa s'e, sektáha nak Wesse' ekha sekyennaqte: Alekkexchesek sa' ko'o yágke apagkok ma'a énxet'ák Elam, cham'a yágke ekméssamo nak chá'a apkelyennaqte.

Daniel 8:2

Neyseksa sekwete axta xa aqsok nak, máxa axta entáhak sekha enxoho m'a tegma apwányam Susa, yókxexma nak Elam, neyáwa nak wátsam Ulai.