Isaías 21:16 - Biblia Enxet

¹⁶ Aptáhak seyáneya Wesse' egegkok se'e: “Wokmek sa' agkok xama apyeyam kamassegwók sa' ektémakxa nak eyeymáxkoho m'a Quedar, ektémól'a m'a énxet kélyánmagkassól'a aptamheykha kammok néxa apxawe aptamheykha.

Isaías 21:16 Referans Kwoze

Isaías 60:7

Kélnaqtósso sa' kóltéhek kéxegke apyókxoho m'a nepkések apkeleñama nak Quedar; elyagqak sa' nahan kélheykegkaxa m'a nepkések apkelennay'a Nebaiot apnaqtósso nak, yaqwayam sa' kólmések chá'a Wesse' egegkok kólnegkenchesek ma'a néten nak kélwatnéssamakxa aqsok, kólteméssesek aqsok kélmésso naqsa ekleklamo nak apwáxok, keñe sa' kayágwomhok apteméssesso aptaqmalma apagko' ma'a tegma appagkanamap aptaqmalma apagkok nak.

Isaías 16:14

Aptáhak kaxwók Wesse' egegkok se'e: “Kólmasséssók sa' ektémakxa nak ekha ekyennaqte Moab ma'a ekwokmo sa' apqántánxo apyeyam, ektémól'a m'a xama énxet kélméssól'a aptamheykha ekweykmoho apqántánxo apyeyam, megkeyxek sa' apxámokma énxet apheykha m'a kañe', apqántawók apagko' sa' eleymakpok, mékoho sa' nahan etnahagkok.”

Salmos 120:5

¡Eyóse' nak la'a ko'o sekha nak Mésec megkatnahakxa seyókxa, sekpakxanma nak nepyeseksa m'a énxet'ák Quedar!

Ezequiel 27:21

Axta apkelmomakxa chá'a aqsok apkexeykekxa exchep ma'a énxet'ák Arabia tén han ma'a apyókxoho kelwesse'e nak ma'a yókxexma Quedar: eyánmagkasek axta chá'a aqsok apkelma m'a nepkések apketkók tén han ma'a nepkések apkellennay'a nak tén han ma'a yát'ay apketkók nak.

Cantares 1:5

Kelán'ák Jerusalén, sélpésyam eykhe ko'o, etásek eyke; Sélpésyam, hawók émpehek ma'a apkelpakxenéyak nak énxet'ák ma'a yókxexma Quedar. Etáse', máxa m'a Salomón apáwa napwe'ék apagkok kélmakheyáseykegkól'a m'a kañe' apxagkok.

Jeremías 49:28

Aptáhak Wesse' egegkok apkelxéna énxet'ák Quedar, tén han ma'a apkelámha apmonye'e nak Hasor, apkelmoma axta m'a Nabucodonosor, wesse' apwányam nak Babilonia: “¡Kólxeg, kólchetamák Quedar, kólmasséssem xa énxet'ák apheykha nak teyapmakxa ekhem!

Isaías 42:11

Kalpayhekxa kélwáxok kéxegke kélheykha nak meykexa énxet yetlo tegma apkelyawe kélagkok tén han ma'a apkelpakxeneykegkaxa nak Quedar énxet'ák. Kólmeneykmés yetlo ekmátsa kélwáxok kélheykha nak Selá; nágkóleysagkoho kólpáxamha m'a néten egkexe étseksa'ák nak.

Génesis 25:13

ektémakxa axta chá'a appalleyam: Nebaiot axta apketche átnaha apketkok, tén axta m'a Quedar, Adbeel, Mibsam,

Job 7:1

Yentexek ektémakxa apha énxet keso náxop, hawók ma'a ektémakxal'a apkelane aptamheykha sẽlpextétamo,

1 Crónicas 1:29

Keso aptawán'ák neptámen axta s'e: Nebaiot, apketche átnaha apketkok nak ma'a Ismael, Quedar, Adbeel, Mibsam,

Jeremías 2:10

Kólmeyekxa sa' ma'a neyáwa wátsam ekwányam nak Chipre ekpayho nak taxnegwánxa ekhem, kóllano sa'; kóláphés sa' nápakha kélápháseykha m'a Quedar, yaqwayam sa' etaqmelcheshok apkelányo, temegkek kexaha nahan ekhawo nak xa aqsok nak.