Isaías 21:13 - Biblia Enxet

¹³ Yókxexma ekyamayéxma ekxénamaxche yaqwánxa kólteméssesek: Énxet'ák Dedán kéltekxeyéyak nak chá'a kélmók kélxega, kélnaqteyenma nak chá'a axta'a m'a ekmompagqexa nak ma'a yókxexma meykexa énxet,

Isaías 21:13 Referans Kwoze

Ezequiel 27:15

Elyánmagkasakpok axta nahan chá'a exchep ma'a énxet'ák apkeleñama nak Rodas. Apkelyánmagkásamákpek axta chá'a exchep ekxámokma agko' ma'a apkelókxa egkexe étkók ekhéyak nak ma'a neyseksa wátsam ekwányam, apyánmagkassegkek axta chá'a aqsok apkelma m'a aqsok ekmope éláxñeyo élánamáxchel'a yánnapóxeg apma'ák tén han ma'a yámet ébano.

1 Crónicas 1:32

Queturá étchek, kelán'a apmeykha naqsa axta m'a Abraham: Zimrán, Jocsán, Medán, Madián, Isbac tén han Súah. Jocsán apketchek: Sebá tén han Dedán.

Génesis 25:3

Jocsán axta apketchek ma'a Sebá tén han Dedán, Dedán aptawán'ák neptámen axta m'a asureos, letuseos, tén han leumeos.

Isaías 13:20

Mexnekxók sa' chá'a énxet ma'a, méko sa' kaxnekxak xama enxoho m'a kañe' nak. Kamaskok sa' elpakxenagkok énxet'ák Arabia m'a, mellókassessekxék sa' nahan chá'a kaxwók apkelyampe nepkések apnaqtósso keláneykha nepkések ma'a.

Isaías 13:1

Keso amya'a ekxénamaxche axta yaqwánxa katnehek kéllegassáseykegkoho m'a Babilonia, apxawe axta eñama kélxekmósso m'a Isaías, Amós apketche nak:

1 Crónicas 1:9

Cus apketchek: Sebá, Havilá, Sabtá, Raamá tén han Sabtecá. Raamá apketchek: Sebá tén han Dedán.

1 Reyes 10:15

meyke kélyetsáteykekxa m'a apyánmagkasso axta chá'a m'a ekha nak aqsok apkexeykekxa, énxet'ák apkelyánmagkásamap tén han ma'a apyókxoho apkelwesse'e apkelwányam Arabia, keñe han ma'a apkeltaqmelchesso nak énxet'ák ma'a apkelókxa.

Génesis 10:7

Keso Cus axta apketchek se'e: Sebá, Havilá, Sabtá, Raamá, tén han ma'a Sabtecá, keñe axta Raamá apketchek se'e: Sebá, tén han Dedán.

Isaías 21:12

Tén axta énxet apkelhaxneykha aptáha apchátegmowágkokxo s'e: “Chágketchek kalse', xegakmek eyke nahan ma'a axta'a. Kélmakók sa' agkok makham hélmaxneyha hélmaxnegwata sa', hélyo'óta sa' makham.”

Jeremías 49:8

¡Énxet'ák Dedán, kólenyahák, kólyexánem! Hakte peyk ko'o amasséssók ma'a Esaú énxet'ák apagkok; wokmek kaxwók yaqwánxa allegássesagkoho'.