Isaías 2:11 - Biblia Enxet

¹¹ Elháxahagkok sa' yetlo apkelmegqakto m'a énxet'ák apkeleymákpoho nak; kólmasséssesek sa' nahan apkeleymákpoho m'a apkene nak etnahágkok ekha kéláyo. Wesse' egegkok sa' aqsa exekmósek apteme apwányam apagko' xa ekhem nak,

Isaías 2:11 Referans Kwoze

Salmos 18:27

Elwagkashok eyke chá'a exchep teyp ma'a megkaleymáxkoho nak apkelwáxok, mékoho eyke chá'a etnessásekxak ma'a éleymáxkoho nak apkelwáxok.

Isaías 2:17

Kónegók sa' kóltemessásekxak ma'a apyókxoho apkeleymákpoho nak tén han ma'a apkene nak chá'a etnahágkok ekha kéláyo. Wesse' egegkok sa' aqsa exekmósek apteme apwányam apagko' xa ekhem nak.

Malaquías 4:1

Aptáhak Wesse' egegkok ekha apyennaqte s'e: “Chágketwa'ak ekhem, ekmexanma ektémól'a táxa axagkok, yaqwánxa sa' elmétek apyókxoho m'a éleymáxkoho nak apkelwáxok ektémól'a kalmétek ma'a pa'at apák eyáléweykhal'a ekyawe. Elmétek sa' ekwa'a enxoho xa ekhem nak, Cháxa ekhem peya nak kawa', megyeymakpek sa' xama enxoho.

Isaías 24:21

Ellegássesagkohok sa' Wesse' egegkok aqsok ekhéyak nak néten ekha élmowancha'a xa ekhem nak tén han ma'a kelwesse'e apkelwányam nak keso náxop;

Isaías 13:11

Aptáhak Wesse' egegkok se'e: “Allegássesagkohok sa' ko'o apyókxoho énxet'ák eñama apkeltémakxa élmasagcha'a, keñe sa' ma'a énxet'ák élmasagcha'a agko' nak apkeltémakxa allegássesagkohok eñama m'a apkelánéyák aqsok ekmaso agko'. Amasséssessók sa' ko'o ektémakxa nak éleymáxkoho apkelwáxok ma'a énxet'ák apkeleymákpoho nak, mékoho sa' ko'o atnessásekxak ma'a megyésso nak eleykpoho tén han ma'a megkalyexnegwayam nak chá'a apkelpeywa elwanyaha apnámakkok.

Isaías 12:4

keñe sa' kóltéhek se'e: “Kólmés ekxeyenma kélwáxok Wesse' egegkok, kóltennasha apyókxoho énxet'ák apheykha nak keso náxop aqsok apkelane nak, kólya'assásegwakxoho apteme néten ma'a ekyókxoho aqsok.

Miqueas 4:6

Keso aptáhakxa nak appeywa Wesse' egegkok se'e: “Wánchásekxak sa' ko'o seknaqtósso nepkések xa ekhem nak, cham'a sellegassáseykegkoho axta: élmaso axta apkelyókxa, tén han apkelyampe axta, tén han apkexpánma axta. Atnéssesek sa' ko'o apkelyennaqte m'a apkeleymomap nak. Wesse' sa' ko'o atnehek nepyeseksa m'a énxet'ák ahagkok, ko'o sektáha nak Wesse' kélagkok sekhamakxa nak egkexe Sión, kaxwo' nak, tén han megkatnégwayam néxa.

Oseas 2:18

“Alának sa' ko'o ekhémo mók sélpaqhetchásamáxkoho aqsok nawha'ák éllo xa ekhem nak, tén han náta, tén han yéwa, yaqwayam sa' megkalteméssesha m'a énxet'ák Israel, alekkexek sa' ko'o yágke xa apchókxa nak amasséssók sa'; tén han ma'a sókwenaqte, tén han ma'a kempakhakma, yaqwayam sa' exmakha meyke ektáhakxa apkelwáxok énxet'ák ahagkok.

Ezequiel 39:22

Elya'ásegwók sa' énxet'ák Israel sektáha ko'o Dios Wesse' apagkok xa ekhem nak.

Zacarías 9:16

Cháxa ekhem yaqwánxa sa' elwagkasek teyp énxet'ák apagkok ma'a Dios Wesse' kélagkok, aptémól'a kólwagkasek teyp ma'a nepkések, kalyenmok sa' ektáha nak apagkok ma'a apchókxa apagko' nak, ektémól'a meteymog éltaqmalmal'a élyenma m'a xama kélháxaqxo.

Sofonías 3:16

Sa' katnehek amya'a eláneykpok énxet'ák Jerusalén xa ekhem nak: “¡Énxet'ák Sión, nágkatneykha kélwáxok, nágkólho kólyelqaxche'!”

Sofonías 3:11

Énxet'ák ahagkok, cháxa ekhem nak, kamaskok sa' kaxwók kalmegqaksek xama enxoho m'a aqsok ekmaso kélláneyak kélláneykegko nak chá'a sélenmexeykekxo kéxegke, keñe sa' alántekkesek kélnepyeseksa m'a éleymáxkoho nak apkelwáxok tén han ma'a megyésso nak eleykpoho', kamaskohok agko' sa' apkeleymákpoho m'a egkexe ekpagkanamaxche ahagkok nak.

Miqueas 5:10

Keso aptáhakxa nak appeywa Wesse' egegkok se'e: “Annáhakkasek sa' ko'o apkelchánte yátnáxeg xa ekhem nak, asawhaksohok sa' amasséssessók yátnáxeg apkelyenyawasso apagkok apkenchesso nak kempakhakma;

Abdías 1:8

Aptáhak Wesse' egegkok se'e: “Wokmek sa' agkok ekhem yaqwánxa añássesagkohok ko'o m'a Edom, amasséssessók sa' apyókxoho m'a apkelya'áseykegkoho nak aqsok, amasséssesek sa' ekha apkelmopwancha'a m'a énxet'ák apheykha nak egkexe élekhahéyak Esaú.

Amós 9:11

“Axátekhásekxak sa' ko'o makham David axta apxagkok aptéyam xa ekhem nak. Alápekxak sa' ma'a apkelyagqaxe nak, almekxak sa' makham ma'a nápakha'a apketkók nak, keñe sa' axátekhásekxak makham axnéshok ma'a aptémakxa axta m'a nano' axta,

Joel 3:18

Máxa yegmen ényé sa' katnehek kalpexyewenták vino m'a egkexe nak, tén han weyke nagkeygmenek, awanhek sa' katnehek yegmen ma'a alwáta étkók nak Judá. Katyapok sa' yegmen ma'a tegma appagkanamap ahagkok, kayássesek sa' ma'a yókxexma Sitim.

Oseas 2:21

Ko'o Wesse' ektáhak sekpeywa s'e: Apaqhetchesek sa' ko'o m'a néten, keñe sa' néten kaxének kaxwók awáxok xapop;

Oseas 2:16

Keñe sa' héltemhek ‘Etáwa'’, meheltéhek sa' ‘Baal ahagkok’ Ekxénchek ko'o xa, sektáha nak Wesse'.

Ezequiel 39:11

“Agkések sa' ko'o Gog, xama yókxexma Israel xa ekhem nak, cham'a yókxexma sẽlátawanyamakxa ekwesey nak Xapop Ekyapwate Apkelpéwomókxa nak chá'a Apkelxega, ekpayho nak ma'a wátsam ekwányam, yaqwayam sa' kólátawanyek. Sa' kamasséssessók apkelpéwomo apkelxega nak chá'a xa, sa' kólátawanyek Gog ma'a tén han ma'a apyókxoho sẽlpextétamo apagkok, kólteméssesek sa' nahan ekwesey Gog sẽlpextétamo apagkok Xóp Ekyapwate apagkok ma'a.

Ezequiel 38:19

Naqsók nahan ko'o sekxéna, seklawa sa' xa ekhem nak, katyapok xóp ekyawheykha ekyennaqte agko' ma'a Israel.

Ezequiel 38:14

“Eltennés sa' yaqwánxa ko'o atnéssesek ma'a Gog. Etne sa' yának se'e: ‘Keso aptáhakxa exchek appeywa Wesse' egegkok se'e: Taqmelákxeyk sa' agkok apheykha m'a énxet'ák ahagkok Israel, exegmak sa' xép

Jeremías 9:24

Apmakók agkok keyxkohok appeywa exénakpekxohok xama énxet, kéméxcheyk keyxkohok appeywa hexének ko'o sey'áseyak, sey'ásegkoho sektáha ko'o, Wesse', séláneyól'a chá'a aqsok keso náxop yetlo seyásekhayo, tén han ektaqmalma, tén han ekpéwomo, hakte cháxa ekleklamo nak chá'a ko'o ewáxok xa. Ko'o sekxeyenma xa, sektáha nak Wesse'.”

Isaías 52:6

Kammok sa' eyke ekhem yaqwánxa elyekpelchágwók tén han elya'ásegwók énxet'ák ahagkok sektéma ko'o sélanagkama s'e: ko'o Wesse' kélagkok.”

Isaías 37:23

¿Yaqsa axta énxet apkenmexeyncha'a cha'a tén han apwanyeyncha'a chá'a? ¿Yaqsa axta énxet apkelpáxegkáseyncha'a chá'a tén han megyésa chá'a apkelano yetlo eyeymáxkoho apwáxok? ¡Apkenmexáha axta exchep ma'a Dios Appagkanamap nak Israel!

Isaías 30:23

Egkések sa' ekmámeye Wesse' egegkok, yaqwayam sa' kólchenekxak aqsok aktek, katekkesek sa' apxámokma apagko' hótáhap aptaqmalma m'a xapop. Xámok sa' nahan katnehek yókxexma yaqwánxa kallawha katawagkok pa'at weyke kélnaqtósso xa ekhem nak.

Isaías 29:18

Ellegak sa' meyke nak apeyk'ák apkelyetsetchesa sa' weykcha'áhak xama énxet xa ekhem nak, keñe sa' ma'a meyke nak apaqta'ák elwetekxaxma, kamaskok sa' elweynchamha ekyáqtésakxaxma.

Isaías 28:5

Etnehek sa' ekho kélháxaqxo élyenma ektaqmalma Wesse' ekha nak apyennaqte xa ekhem nak, ekho kélnatanma ektaqmalma apagkok ma'a énxet'ák apagkok apkeleymomap nak,

Isaías 26:1

Cháxa ekhem nak, sa' kalmeneykmasaxchek Judá s'e negmeneykmasso nak: “Yetneyk negko'o xama tegma apwányam apyennaqte egagkok; yaqwayam hẽlwagkasek teyp, aphaxtegkek Wesse' egegkok meteymog ma'a nepyáwa tén han ma'a ekyennaqtésso nak.

Isaías 25:9

Sa' katnehek kalpaqmetaxchek, cháxa ekhem nak: “Cháxa Dios egagkok xa, negáyo nak chá'a, nélhaxanma nak hẽlwagkasek teyp. Kalpayhekxa egwáxok, ólátsaha, ẽlwagkassek teyp ma'a.”

Isaías 12:1

Sa' kóltéhek kólpaqmétek kéxegke xa ekhem nak: “Wesse', ekméssek xép ekpayheykekxa ewáxok, hakte etaqnagkamchek axta eykhe ko'o exchep, massék eyke m'a aplo, egkeyásékxeyk makham meyke ektáhakxa ewáxok.

Isaías 4:1

Apqántawók sa' eleymakpok énxet xa ekhem nak, siete kelán'a sa' kalmeyawhok xama xa énxet'ák nak. Sa' katnehek kának se'e: “Hégho aqsa agmok antéhek entáwa', hegmassésses ektémakxa nak nélmegqakto meyke ennaqteyegka'a, nentegyéyak egagkók sa' eyke antéhek negko'o m'a nentéyak nak, ólántaxnekxak sa' nahan ma'a nélántaxno egagko' nak.”

2 Samuel 22:28

Elwagkashok eyke chá'a exchep teyp ma'a megkaleymáxkoho nak apkelwáxok, apkelanawók agkok chá'a exchep ma'a éleymáxkoho nak apkelwáxok, keñe etnessásekxak chá'a mékoho.

Salmos 20:8

Kalyelqaxkohok eyke chá'a apyay'ák ma'a, keñe elyaqnenek chá'a, keñe negko'o, mólyaqnenek chá'a, ólchempekxak chá'a néten.

Salmos 46:10

“¡Kólwatés kélnápomáxche'! Kólya'asagkoho sektáha ko'o Dios! ¡Ko'o sekteme néten agko' nepyeseksa m'a pók aptémakxa énxet'ák! ¡Ko'o sekteme néten agko' ekyókxoho keso náxop!”

Proverbios 30:13

Yetneyk énxet apkenagko nak etnahak ekyawe kéláyo, elanok chá'a pók yetlo eyeymáxkoho apwáxok.

Isaías 23:9

Wesse' egegkok ekha nak apyennaqte apkeltémo katnehek xa, yaqwayam enxoho etnessásekxak mékoho apyókxoho m'a apkeleymákpoho nak, tén han yaqwayam etnessásekxak kónegók agko' ma'a kelwesse'e apagko' nak keso náxop.

Isaías 30:18

Apkelhaxneyk kéxegke m'a Wesse' egegkok, yaqwayam sa' elásekhekxohok makham; apmakawók apagkók exekmósek kéxegke m'a ektémakxa nak apkelásekhayo, hakte Wesse' egegkok apteme Dios ekpéwomo aptémakxa. ¡Apkeleñémo apyókxoho ektáha nak apkelhaxanma m'a!

Miqueas 2:3

Cháxa keñamak aptáha nak Wesse' egegkok se'e: “Yetneyk ko'óxa élchetamso ewáxok yaqwánxa atnéssesek kéxegke. Wáphássesek sa' aqsok ekmaso agko', megkólwanchek sa' kólegketaxche', megkóleyxkók sa' kaxwók kólweynchamha, hakte katnehek sa' ekhem ekmaso agko'.

Salmos 18:28

Wesse' egegkok, xép sélsássesso chá'a exma; Dios ahagkok, xép sélsássesso exma m'a ekyáqtésakxa exma nak.

Salmos 46:11

¡Apheyk negyeseksa negko'o Wesse' ekha nak apyennaqte! ¡Cha'a apteme sentaqmelchesso negko'o m'a Jacob Dios apagkok nak!

Salmos 94:2

Xép apteme segyekpelchémo ekyókxoho keso nélwanmeygkaxa, ¡yempekxa néten elenmexek ma'a apkeleymákpoho nak, etnésses ekpayhawo nak etnéssesek apkellegassáseykegkoho!

Proverbios 16:5

Eltaqnaweygkohok Wesse' egegkok ma'a énxet'ák éleymáxkoho nak chá'a apkelwáxok; naqsók sa' kóllegássesagkohok xa énxet'ák nak.

Isaías 10:12

Appenchessek sa' agkok Wesse' egegkok ekyókxoho aqsok apmáheyo nak elának ma'a egkexe Sión tén han ma'a Jerusalén, eñássesagkohok sa' ma'a wesse' apwányam Asiria eñama eyaqheykha apwáxok se'e aptamheykha nak, tén han eñama megyésso yeykpoho', tén han eyeymáxkoho apwáxok.

Isaías 14:15

¡Apteyekmek eyke m'a kañe' apkelmaheykegkaxa nak chá'a apkeletsapma, cham'a kañók agko' nak máxek!

Isaías 40:23

Mékoho nahan chá'a etnessásekxak ma'a énxet'ák ekyawe nak kéláyo, emasséssamhok nahan chá'a m'a kelwesse'e nak keso náxop.

Jeremías 12:9

Máxa náta éltaqmalmal'a ektáxama áwa' m'a énxet'ák ahagkok nak, étámeykmo nak chá'a m'a mók náta nak. ¡Kólchexyem, kélyókxoho aqsok nawha'ák élmeymentakcha'a nak; kólaqnekxa', kóllána ektámaxche ekyawe!

Daniel 4:34

“Xama axta ekwokmo néxa ekxénamaxchexa hélteméssesek, énmexawok axta néten, ko'o Nabucodonosor, ekwetágkok axta ekmassa sekteme seyeyháxma; tén axta sekteméssesa apcheymákpoho m'a Dios meyke nak ekhémo, axta ektáhak sekpaqmeta sélpeykásawo m'a memassegwayam nak: “Megkamassegwomek sa' chá'a apmopwána; katnahagkok sa' chá'a aptémakxa nak wesse' apwányam.