Isaías 19:13 - Biblia Enxet

¹³ Élyeyháxma m'a kelwesse'e nak Soan kélyexancháseykha nahan chá'a m'a kelwesse'e nak Menfis, kélnaqleykekxeyk Egipto megkatnahakxa ámay ma'a kelwesse'e nak chá'a xama apheykegkaxa.

Isaías 19:13 Referans Kwoze

Ezequiel 30:13

“Ektáhak ko'o sekpeywa s'e, sektáha nak Wesse': Amasséssók sa' ko'o m'a aqsok kéleykmássesso, tén han ma'a aqsok kéláyókxa élmowancha'a amya'a nak ma'a yókxexma Menfis. Mexnekxók sa' chá'a kaxwók wesse' m'a Egipto, nélmenaye ekyawe sa' ko'o atekkesek ma'a apchókxa nak.

Jeremías 2:16

Apkelmópessessamók apkelyaqténchesso áwa' kélyetseksa'ák ma'a énxet'ák Menfis, tén han ma'a énxet'ák Tafnes.

Zacarías 10:4

Sa' eleñék elántépok énxet aphémo nak Meteymog Élyennaqte Kélchenegkessamól'a chá'a Máséyak ma'a, tén han ma'a aphémo nak Yámet Élmahamtakcha'a Kélatchessamól'a Xapop kólnaqtétek kélpakxanma tén han ma'a apho nak Yágke Kélanchessól'a Kempakhakma. Sa' eleñék elántépok nepyeseksa apyókxoho m'a kempakhakma yapmeyk.

Jeremías 46:19

Kóllánekxa sa' kéltáhakxa yaqwayam kólnaqlakxak megkatnahakxa kélókxa, kélheykha nak Egipto, hakte meyke xama aqsok sa' katnekxak ma'a Menfis, tén han nápakha'a apketkók, meyke xama énxet apha.

Jeremías 46:14

“Kóllegés Egipto s'e, tén han Migdol, tén han Menfis, tén han ma'a Tafnes: ‘¡Kólleyxmakha, kóllánekxa kéltáhakxa! ¡Yetnakmek ekyógkexma sókwenaqte kélnepyáwa!’

Isaías 19:11

¡Élyeyháxma nak la'a kéxegke, kelwesse'e nak Soan, kélmeyáseyák nak chá'a kélpeywa m'a énxet'ák, kélmowancha'a agko' nak aqsok ma'a Egipto, naqsók kéxegke kélpékessáseyak kélnámakkok élyeyháxma! ¿Háxko katnehek kóltéhek kólának faraón se'e: “Negko'o nenteme énxet'ák apmopwancha'a aqsok aptawán'ák neptámen, cham'a nanók kelwesse'e apkelwányam axta?”

Ezequiel 30:16

Awatnek sa' ko'o m'a Egipto, keñe sa' elpexyawha ellegagkohok ekmáske m'a énxet'ák apheykha nak Sin; kólyagqaxqatagkok sa' nekhaw'ék meteymog kélhaxta nepyáwa m'a Tebas, keñe sa' ma'a Menfis kólchetamagkok ekhakxoho ekhem.

1 Samuel 14:38

Keñe axta Saúl aptáha s'e: —Kólmeyenta hana s'e kélyókxoho kélámha kélmonye'e nak sẽlpextétamo, kóltegyaha sa' amya'a yaqsa élana sakhem megkay'assáxma.

Números 24:17

Ekwet'ak ko'o yaqwánxa katnehek egmonye', ekwet'ak ko'o makhawók agko' aqsok: yaw'a m'a aptepa nak aphakxa Jacob xama wesse' apwányam ma'a aptepa nak Israel. Eyaqhakkasek sa' apqátek ma'a Moab, eltepelchássesek sa' apqatkok ma'a apyókxoho nak Set aptawán'ák neptámen.

Jeremías 44:1

Keso amya'a apxawe axta Jeremías, ekxeyenma m'a apyókxoho judíos apkelhayam axta m'a Egipto, cham'a tegma apkelyawe nak Migdol, Tafnes, Menfis, tén han ma'a yókxexma ekpayho nak nepyeyam:

Ezequiel 30:14

Ekmaso sa' atnessásekxak ma'a ekpayho nak nepyeyam ma'a Egipto, táxa sa' awatnek ma'a Soan, atnéssesek sa' nahan sekxénakxa axta atnéssesek ma'a Tebas.

Oseas 9:6

Apkenyaheykegkek ekmáheyo kólmasséssók ma'a, énxet'ák Egipto sa' eyke yánchásekxa', sa' kólátawanyek ma'a Menfis. Pa'at sa' kápekxak ma'a aqsok éltaqmalma apagkok, sawo' élmope élmomnáwa nak, katyapok sa' yámet ekha nak am'ák ma'a apkelpakxeneykegkaxa nak.