Biblia Todo Logo
Bib sou entènèt

- Piblisite -




Isaías 17:8 - Biblia Enxet

8 Kamaskok sa' elenmexekxohok ekheykegkaxa m'a meteymog apkelwatnamakxa nak chá'a aqsok tén han ma'a mók aqsok apkelane apagko' nak chá'a m'a énxet. Melanók sa' chá'a kaxwók ma'a yámet awhók élpagkanamaxche apkelpeykessamo nak chá'a, tén han ma'a meteymog kélwatnéssamakxa nak chá'a aqsok ekmátsa nak ekpaqneyam éten agkok ma'a aqsok kéláyókxa.

Gade chapit la Kopi




Isaías 17:8
29 Referans Kwoze  

Máxa aqsok ekmanyása sa' kóltemeykha kólwanyaha m'a kéleykmássesso kélagkok sawo ekmope ekmomnáwa nak tén han ma'a aqsok kéláyókxa kélyepetchesso nak émpe'ék ma'a sawo ekyátekto ekmomnáwa. Máxa aqsok ekmanyása sa' kólteméssesek kóltaqnók, máxa aqsok apák kélchexakha sa' kólteméssesek.


Meyaqmagkásekxeyk sa' eyke aptémakxa mey'assáxma m'a Jacob, emasséssesek sa' aqsok megyaqhémo aptemessásekxo enxoho ánek ma'a meteymog apwatnéssamakxa nak chá'a aqsok ma'a kéleykmássesso, apteméssesa enxoho m'a ektémól'a kóltepelchekxak ma'a meteymog lamhatánek, tén han megkeyméxko enxoho xama m'a yámet kéláncháséyak élpagkanamaxche nak tén han ma'a meteymog kélwatnamakxa nak chá'a aqsok ekmátsa nak ekpaqneyam éten agkok, kélmésso m'a aqsok kéláyókxa.


¡Sawheykekxók eyke nahan aqsok kéleykmássesso m'a apchókxa! Apkelpeykessamók énxet'ák ma'a aqsok apcháyókxa apkelánéyák apagko' nak, eñama nak apmék apkelánéyák.


Amasséssamhok ahagko' sa' ko'o élwesey aqsok kéláyókxa ekyókxoho s'e apchókxa nak, yaqwayam sa' megkóllenxanmagkók chá'a kélwóneykha. Amasséssók sa' nahan apchókxa m'a Dios appeywa apkellegasso apkelmopwancha'a amya'a nak tén han ma'a espíritu élmanyása nak. Ekxénchek ko'o xa, sektáha nak Wesse'.


Amasséssók sa' énxet'ák, tén han aqsok kélnaqtósso, tén han náta tén han kelasma, alpelápagkasek sa' ma'a élmasagcha'a nak apkeltémakxa, amasséssók sa' énxet keso náxop.” Keso aptáhakxa axta appeywa Wesse' egegkok se'e:


Keñe sa' etnehek Efraín se'e: ‘¡Mómenyeyk ko'o kaxwók ma'a kéleykmássesso!’ ¡Ko'o séláneykha m'a énxet'ák ahagkok tén han séltaqmelchesso! Ko'o sekyetchesamaxkoho m'a yámet pino megkamassegwayam la'a éltaqmalma áwa', ko'o sa' nahan kañék ektaqmalma apheykha énxet'ák ahagkok.”


Ayaqpássesagkok sa' ma'a yegmen ektaqmalma agko' nak, almópessásekxak sa' ma'a ekyókxoho élmanyása kélyempe'ék, almópessásekxak sa' ma'a élyepetche nak ekmanyása m'a aqsok kéleykmássesso kélagkok;


Keñe natámen etnehek chá'a yántápak apagkok ma'a énxet; elsakxak chá'a nekha yaqwayam elextagkok; keñe nahan mók elsakxak chá'a yaqwayam emakhetchesek ma'a kelpasmaga; keñe han mók xama nekha elsakxak chá'a yaqwayam eleykmássesha m'a xama aqsok apcháyókxa, eltekxeyagkok chá'a aptapnák amonye' elpeykesho'.


Kalmegqaksek sa' kéxegke xa yámet élyawe nak tén han ma'a kélcheneykekxexa nak pánaqte exnók, eyaqheykencha'a agko' nak chá'a kélwáxok, cham'a kélpeykessamókxa nak chá'a m'a aqsok kéláyókxa.


kélmasséssekmek axta han nápaqtók ma'a kélwatnéssamakxa axta chá'a aqsok ma'a Baal. Apkeltamhók axta kóltemessásekxak nekha'a étkók Josías ma'a kélwatnamakxa nak chá'a aqsok ekmátsa nak ekpaqneyam éten agkok ekheykegko axta m'a néten nak. Apkeltamhók axta kólekkexekxak ma'a kéleykmássesso nak Aserá, tén han ma'a mók kéleykmássesso nak, tén han ma'a kélpeykáseykekxa nak sawo égmenek kéleykmassáseykha kéláncháseyak; ánek axta aptemessáseykxa', tén axta apkexpaqheyncha'a m'a takhaxpop apagkok axta m'a énxet'ák apkelnáhakkassamo axta chá'a aqsok apnaqtósso elmések.


Apkelhaxyawásegkek axta kélpeykessamókxa nak chá'a aqsok kéláyókxa, tén han ma'a élwatnamáxchexa nak chá'a aqsok ma'a néten, cham'a apyókxoho tegma apkelyawe nak Judá. Tásek axta apheykha énxet'ák neyseksa apteme wesse' apwányam.


Kólyaqnegkessesák sa' ma'a apkelwatnamakxa nak chá'a aqsok, kólekkexchásekxa sa' nahan ekyókxoho m'a meteymog tén han yámet awhók élpagkanamaxche apagkok nak.


Kéméxcheyk eyke kólpalchessesagkok ma'a apkelwatnéssamakxa nak chá'a aqsok ma'a aqsok apcháyókxa, kólpáxqatchesek ekyókxoho m'a meteymog tén han ma'a yámet awhók apkelpeykessamo nak chá'a, kólwatneyásekxak nahan ma'a kéleykmássesso apagkok nak.


Aptegyeykegkek axta eykhe ekpasmo, méko axta eyke ekpasmoma; apwóneykha axta eykhe chá'a Wesse' egegkok, axta eyke yátegmoweykegkok.


Kamaskok sa' etnehek apkeláyo ektáha nak apmassésseyam, apkeleymomap nak apqántawók kañe' Israel xa ekhem nak, cham'a Jacob énxet'ák apagkok meletsapma nak, Wesse' egegkok sa' aqsa elyennaqtések apteme apkeláyo, cham'a Dios aptaqmalma apagko' nak ma'a Israel.


Eltaqmopagkok sa' tegma apkelyawe apkelyennaqte apagkok xa ekhem nak, ektéma axta apkeltaqmópeykegko tegma apkelyawe apagkok ma'a heveos tén han ma'a amorreos eñama apkelaye m'a israelitas. Yókxexma meyke xama aqsok sa' katnekxa', ekyamayéxma,


tén han apkexakkassama nátex ma'a aqsok apcháyókxa nak, hakte naqsók háwe dios ma'a, énxet apkelane, eñama nak ma'a yámet tén han meteymog. Cháxa keñamak apmassésseykmo nak.


¡Mékcha'awo agko' ekyókxoho m'a! Méko xama aqsok kalanagkok; kéleykmássesso aqsa, meyke nak ekyennaqte.


Kelxénweykekxók chá'a apkelwáxok kélketchek ma'a kélwatnamakxa axta chá'a aqsok, tén han ma'a yámet awhók kéleykmássesso kélpeykessamo axta chá'a, ekheykegko axta m'a nekha nak yenta'a élyentaxno pessesse agkok, tén han ma'a néten egkexe nak,


Xama axta ekwokmo néxa ekyókxoho xa kélessawássessamo nak, apkelmeyákxeyk axta tegma apkelyawe Judá apyókxoho israelitas apkelwayam axta m'a, apkelpáxqátekxeyk axta m'a meteymog kéleykmássesso aqsok kéláyókxa, apkelekkexákxeyk axta han ma'a kéleykmássesso nak Aserá, apkelyaqnegkásegkek axta m'a kélpeykessamókxa nak chá'a néten egkexe, ekwokmoho apsawhawo ekyókxoho xa aqsok nak, kañe' Judá, tén han Benjamín, Efraín keñe han Manasés. Tén axta apkeltaqháwo apyókxoho israelitas apkelmeyákxo m'a tegma apkelyawe apagkok, ektáhakxa nak chá'a xapop apagkok.


Kéméxcheyk elya'asagkohok apkelmopwancha'a nak aqsok, tén han ekha nak apkelya'áseyak aqsok se'e amya'a nak: Kelpéwók agko' ámay apagkok ma'a Wesse' egegkok, elyetlók chá'a m'a énxet'ák apkelpéwomo nak, keñe m'a énxet'ák élmasagcha'a nak apkeltémakxa kalpelápagkasek chá'a.


Swiv nou:

Piblisite


Piblisite