Isaías 16:5 - Biblia Enxet

⁵ xama David aptáwen neptámen sa' etnehek wesse' apwányam, ekyennaqte apteme wesse' apwányam, ektaqmalma apwáxok. Etnehek sa' xama énxet segyekpelchémo meyke aptémakxa, ekha apcháyo, yaqwayam sa' elának ma'a aqsok ekpéwomo, ekmanyehe sa' nahan chá'a elánekxések ektémakxa apheykha m'a énxet'ák.

Isaías 16:5 Referans Kwoze

Daniel 7:14

Kélméssek axta apmopwána, apcheymákpoho tén han aptémakxa wesse' apwányam. Apyókxoho énxet'ák apheykha nak ekyókxoho apkelókxa tén han mók ektémakxa nak chá'a apkelpeywa axta aptamhágkok chá'a apkeltamhókxa axta etnahagkok. Megkamassegwomek sa' ma'a ektémakxa nak apmopwána, megkólmasséssemek han ma'a aptémakxa nak wesse' apwányam.

Daniel 7:27

Kólmeyásekxak sa' Dios meyke nak ekhémo énxet'ák apagkok ma'a aptémakxa nak wesse' apwányam, ekha apmopwána ekha apcheymákpoho, ekyókxoho yókxexma keso náxop. Megkatnégwomek sa' néxa apteme wesse' apwányam, etnahagkok sa' chá'a apkeltamhókxa enxoho chá'a etnahagkok apyókxoho énxet'ák nak keso náxop, elyahakxohok sa'.’

Zacarías 9:9

¡Kapayhekxoho agko' apwáxok xép, tegma apwányam Sión! ¡Enneykmés kapayhekxak apwáxok, xép tegma apwányam Jerusalén! Apya'aweykteyk xép, Wesse' apwányam apagkok Wesse' appéwomo, tén han segwagkassamo teyp, háwe eyke eyeymáxkoho apwáxok, yámelyeheykok apchánte, yámelyeheykok étkok.

Proverbios 20:28

Megkamassegwomek chá'a apteme wesse' apwányam aptémakxa nak chá'a wesse' apwányam, apkelánesa enxoho chá'a ektaqmalma apheykha énxet'ák, yetlo apkelásekhayo, tén han ekmámnaqso'.

2 Samuel 7:16

Méko sa' chá'a katnehek apheykha aptawán'ák neptámen, tén han aptémakxa nak wesse' apwányam, hakte altaqmelchesek sa' chá'a ko'o, megkamassegwomek sa' aptamhéyak apkelwesse'e m'a aptawán'ák neptámen nak.’”

Amós 9:11

“Axátekhásekxak sa' ko'o makham David axta apxagkok aptéyam xa ekhem nak. Alápekxak sa' ma'a apkelyagqaxe nak, almekxak sa' makham ma'a nápakha'a apketkók nak, keñe sa' axátekhásekxak makham axnéshok ma'a aptémakxa axta m'a nano' axta,

Isaías 55:4

Ekteméssessegkek axta ko'o apkemha apmonye' tén han apkelxekmowáséyak chá'a énxet'ák ma'a, yaqwayam enxoho kañék chá'a ekwetamaxche m'a sekmowána.

Proverbios 29:14

Kawegqohok sa' chá'a apteme wesse' apwányam ma'a apkeláneykha nak chá'a énxet'ák meyke nak aqsok apagkok, yetlo mekxeykha.

Salmos 99:4

Xép apteme Wesse' Apwányam ekha apyennaqte, apmopmenyého nak nentémakxa ekpéwomo; xép apagko' appekkenma meyke ekyeykhamaxche mók nentémakxa. Appékessessamók axta chá'a exchep apkelánéseykekxa apheykha m'a Jacob énxet'ák apagkok, yetlo ektaqmalma aptémakxa.

Salmos 98:9

nápaqtók Wesse' egegkok, apxegakmo nak yaqwayam etnehek wesse' apwányam keso náxop. Elanha sa' apyókxoho énxet'ák keso nélwanmeygkaxa', yetlo ekpéwomo aptémakxa, meyke ekyeykhamaxche mók.

Salmos 96:13

nápaqtók Wesse' egegkok apxegakmo nak! ¡Naqso', apxegakmek yaqwayam etnehek wesse' apwányam keso náxop, elanha sa' énxet'ák keso nélwanmeygkaxa, yetlo ekpéwomo aptémakxa, tén han ekmámnaqsoho'.

Salmos 89:14

Appekkenmeyk apkelánekxésso ektaqmalma apheykha énxet'ák ma'a aptémakxa nak wesse' apwányam, tén han ekpéwomo agko'; wetamaxcheyk segásekhayo, tén han mehenyenyaweykha eñama m'a aptémakxa nak chá'a aqsok apkelane.

Salmos 85:10

Keypetchekxak sa' segásekhayo m'a ektémakxa nak mehegyenyaweykha, kapathétekxak sa' mók ma'a meyke ektáhakxa nak negha, tén han ekpéwomo nentémakxa,

2 Crónicas 31:20

Apteméssessegkek axta Ezequías ekyókxoho kañe' Judá xa ektáha nak. Leklamók axta apwáxok ektémakxa aqsok apkelane m'a Dios Wesse' apagkok, péwók axta, ekmámnaqso' axta han.

1 Reyes 10:9

¡Apcheymákpoho sa' kólteméssesek ma'a Dios Wesse' apagkok, ektaqmeleykencha'a nak chá'a apwáxok apkelányo, apméssama nak apteme wesse' apwányam ma'a Israel! ¡Apkelásekhayo meyke néxa han keñamak Wesse' apagkok énxet'ák Israel, apteméssessama exchep wesse' apwányam, yaqwayam enxoho etnehek chá'a apkeláneykha ekpéwomo aptémakxa, keñe han apkelánekxésso chá'a apheykha!”

2 Samuel 23:3

Appaqmetchek ma'a Dios apagkok nak Israel; aptáhak seyáneya Apmasma nak chá'a Israel se'e: ‘Énxet apkeláneykha nak chá'a énxet'ák yetlo ekpéwomo aptémakxa', apkeláneykha nak chá'a énxet'ák yetlo apcháyo Dios,

2 Samuel 5:9

Tén axta apheykmo David ma'a tegma apyennaqte nak, apteméssessegkek axta han apwesey David Tegma Apyawe apagkok, tén axta aphaxtegkesa nepyáwa', eyeynmo m'a apkekhessamakxa axta xapop apchántamakxa, ekweykekxoho m'a apxagkok apyawe nak.

Isaías 33:22

Kelyelqamáxcheyk táma' kélnaqtete xa yántakpayhe ekyawe nak massegkek élyennaqtésso m'a yámet ekwenaqte agkok nak; megkólwanchek kólpeykásekxak ma'a apáwa agkok nak. Ólyementamok sa' ekxámokma agko' aqsok apagkok ma'a sẽlenmexma nak, kawomhok sa' apkelxawéyak aqsok apagkok ma'a meyke nak apaqta'ák, elmagkok sa' aqsok ma'a élmasagcha'a nak chá'a apyókxa apkelyelqamap nak chá'a. Hakte Wesse' egegkok apteme énxet segyekpelchémo egagkok, apteme senlánésso chá'a segánamakxa tén han wesse' apwányam egagkok, sa' hẽlwagkasek nahan teyp ma'a.