Isaías 15:9 - Biblia Enxet

⁹ Sawheykekxók eykhe éma m'a yegmen nak Dimón, wáphaksek sa' eyke aqsa ko'o m'a aqsok élmasagcha'a agko' nak; yámakméwa sa' chá'a katwok ma'a apkelmallane nak kañe' Moab, meletsapma nak makham ma'a apkelókxa.

Isaías 15:9 Referans Kwoze

2 Reyes 17:25

Apchahayak axta Wesse' egegkok méwa sekxók axta apkelheykmo m'a hakte axta elpeykessamók Wesse' egegkok xa énxet'ák nak, apkelnapmeyk axta nápakha.

Amós 5:19

Sa' katnehek ma'a ektémól'a xama énxet yenyehek étak méwa, keñe ethanyohok xama óso, essenhan ma'a ektémól'a énxet aptaxnegweykekxal'a kañe' apxagkok, apyepetchegweykekxal'a nápakha tegma, keñe katakxek yéwa.

Jeremías 50:17

“Máxa nepkések apkelxegányam la'a m'a énxet'ák Israel, ekmenxeneykhal'a méwa. Wesse' apwányam Asiria axta apto apmonye', keñe axta natámen Nabucodonosor wesse' apwányam nak Babilonia, apkeltakxékencha'a apexchakkok.

Jeremías 15:3

“Ektáhak ko'o sekpeywa s'e, sektáha nak Wesse': Wahak sa' ko'o cuatro ektémakxa apkellegeykegkoho: etekyók sa' kempakhakma, semheg sa' kalyenyawasha, máma sa' etawagkok aphápetek, tén han aqsok nawha'ák éllo.

Levítico 26:28

alenmexekxak sa' ko'óxa kéxegke, yetlo seklo sa' allegássesagkohok ko'o makham ekyentaxno agko', eñama megkólya'assáxma.

Levítico 26:24

alenmexekxak sa' ko'óxa kéxegke, ayánchessamhok sa' han séllegassáseykegkoho ekyentaxno agko', eñama megkólya'assáxma.

Levítico 26:18

“Sa' agkok hélyahákxak makham natámen ekteme xa ektáha nak, ayánchessamhok sa' ko'o séllegassáseykegkoho ekyentaxno agko', eñama megkólya'assáxma.

Isaías 15:8

Weynchámeykha axta aqsa apkelpáxameykha énxet aptegyeykha ekpasmo m'a néxa xapop nak Moab; weykmók axta kéllekxagweykha m'a Eglaim tén han ma'a Beer-elim.

Números 21:30

Kélmasséssekmek ma'a tegma apwányam Hesbón ekweykekxoho m'a Dibón, apmopso aptáhak ma'a Nófat, wokmók táxa m'a Medebá.”