Biblia Todo Logo
Bib sou entènèt

- Piblisite -




Isaías 12:4 - Biblia Enxet

4 keñe sa' kóltéhek se'e: “Kólmés ekxeyenma kélwáxok Wesse' egegkok, kóltennasha apyókxoho énxet'ák apheykha nak keso náxop aqsok apkelane nak, kólya'assásegwakxoho apteme néten ma'a ekyókxoho aqsok.

Gade chapit la Kopi




Isaías 12:4
42 Referans Kwoze  

¡Kólmés ekxeyenma kélwáxok Wesse' egegkok! ¡Kólxén ma'a apwesey nak! Kóltennasha énxet'ák ma'a aqsok apkelane nak.


¡Wesse', xép apagkok ma'a aptémakxa nak apteme apwányam apagko', apmopwána, apcheymákpoho, apteme apkeláneykha ekyókxoho aqsok, tén han apteme wesse'! Hakte xép apagkok ma'a ekyókxoho aqsok ekhéyak nak néten, tén han ekhéyak nak náxop. Xeyep han apagkok ma'a aptémakxa nak wesse' apwányam, hakte xeyep Wesse' egegkok, apteme néten agko' ekyókxoho aqsok.


Wesse', xép apteme Dios ahagkok; agkések chá'a ko'o exchep ekpayheykekxa ewáxok, atnéssesek nahan chá'a eyeymáxkoho m'a apwesey, hakte apkeláneyak chá'a m'a aqsok apmáheyo nak chá'a elána' sempelakkasso nak agweta', apxeyenma axta chá'a elának eyeynamo m'a nanók agko' axta.


“Kóllegés sa' se'e, kólya'assásegwom sa' nepyeseksa apyókxoho énxet'ák. Kóllegés sa' yaqwayam kólya'asagkoho'; nágkólpós xama enxoho. Kólteme sa' se'e: ‘¡Apteyekmek Babilonia! ¡Aqsok eyesmésamaxche tamhákxak ma'a dios Bel, megkay'ásegkok ektáhakxa élmenaye m'a dios Marduc! ¡Aqsok élasmésamaxche tamhákxak ma'a aqsok kéleykmássesso apagkok, tén han ma'a aqsok apkeláyókxa élmowancha'a amya'a nak, kelmenakawók agko'!’


Dios ahagkok, aphegkek xép ma'a teyp nak néten. ¡Sawheykekxók xép apcheymákpoho nélwanmeygkaxa!


¡Megyetsepek chá'a Wesse' egegkok! ¡Apcheymákpoho sa' chá'a kólteméssesek ma'a setaqmelchesso nak chá'a! ¡Meyke ekhémo sa' chá'a kólteméssesek ma'a Dios sewagkasso nak teyp!


tén axta aptáha apkeláneya m'a levitas, cham'a Josué, Cadmiel, Binuy, Hasabnías, Serebías, Hodías, Sebaías, tén han Petahías: “Kólchempekxa néten, kólpeykesho Dios Wesse' kélagkok, yókxoho ekhem, megkatnégwayam néxa. ¡Kóltemésses apcheymákpoho, yetlo ektaqmalma kélxeyenma apwesey eyeymáxkoho meyke ekhémo!”


Aptáhak axta apchátegmowágkokxo Wesse' egegkok se'e: —Ayeykhaksek sa' ko'o apmonye' exchep ma'a ekyókxoho ektémakxa nak sektaqmalma, altennaksek sa' nahan sekwesey. Wamlekxohok sa' ko'o sekmakókxa enxoho wamlekxoho', yepyóshok sa' nahan alanok ko'o m'a sekmakókxa enxoho yepyóshok alano'.


Wesse' egegkok keñamak sekmeneykmasso, hakte cham'a sénnaqtésso m'a, tén han sewagkasso teyp. Cham'a apteme Dios ahagkok ma'a, alpeykeshok sa'; táta Dios apagkok ma'a, atnéssesek sa' apcheymákpoho.


Agkések sa' ko'o xama aqsok magkenatchesso. Wohok sa' elxeganmok nápakha keñe sa' aláphaksek ma'a apheykegkaxa nak chá'a pók aptémakxa énxet'ák: cham'a Tarsis, Libia tén han ma'a Lidia, apkelókxa, apmopwancha'a nak elmaha m'a yágke, tén han ma'a Tubal, Grecia tén han ma'a apkelókxa makhawók agko' nak, neyáwa nak ma'a wátsam ekwányam, cham'a, mellegaya nak ko'o makham axénaxche', melweteya nak makham ma'a seyeymáxkoho; Sa' ellegaksek nepyeseksa pók aptémakxa énxet'ák seyeymáxkoho m'a.


Méko kayeykhágwomhok ma'a Wesse' egegkok, hakte aphegkek ma'a néten; cha'a apsawheyáseykekxoho ekpéwomo nentémakxa Sión ma'a tén han ektaqmalma nentémakxa,


Keñe sa' nahan ma'a apheykha nak teyapmakxa ekhem tén han ma'a apkelókxa ekhéyak nak neyáwa wátsam ekwányam, elteméssesek nahan apcheymákpoho m'a Wesse', cham'a Israel Dios apagkok nak.


Sa' kóltéhek kólpaqmétek kéxegke xa ekhem nak: “Wesse', ekméssek xép ekpayheykekxa ewáxok, hakte etaqnagkamchek axta eykhe ko'o exchep, massék eyke m'a aplo, egkeyásékxeyk makham meyke ektáhakxa ewáxok.


Kónegók sa' kóltemessásekxak ma'a apyókxoho apkeleymákpoho nak tén han ma'a apkene nak chá'a etnahágkok ekha kéláyo. Wesse' egegkok sa' aqsa exekmósek apteme apwányam apagko' xa ekhem nak.


Elháxahagkok sa' yetlo apkelmegqakto m'a énxet'ák apkeleymákpoho nak; kólmasséssesek sa' nahan apkeleymákpoho m'a apkene nak etnahágkok ekha kéláyo. Wesse' egegkok sa' aqsa exekmósek apteme apwányam apagko' xa ekhem nak,


Méko ekhawo m'a Dios, Wesse' egegkok, aptéma nak Wesse' apwányam ma'a aphakxa nak néten;


Kólmés kélnaqtósso kélnapma kélmésso nak ekxeyenma kélwáxok, kólxén yetlo ekpayheykekxa kélwáxok ma'a aqsok apkelane nak.


hakte xép Wesse', meyke nak ekhémo, apteme néten ma'a ekyókxoho aqsok nak keso náxop, tén han apteme néten agko' neyseksa m'a ekyókxoho aqsok ekha nak élmowancha'a.


Kólxén ektémakxa apcheymákpoho tén han ektémakxa aqsok sempelakkasso agwetak apkelane nápaqta'awók ma'a apyókxoho énxet'ák, tén han ekyókxoho yókxexma,


Eypetchegwakxak sa' eyke ko'o m'a Dios, hakte cháxa ektaqmela ko'o atnehek xa. Dios Wesse' ahagkok, xép apteme sekyexánegweykekxexa', axének sa' han chá'a ekyókxoho aqsok apkelane nak.


“¡Kólwatés kélnápomáxche'! Kólya'asagkoho sektáha ko'o Dios! ¡Ko'o sekteme néten agko' nepyeseksa m'a pók aptémakxa énxet'ák! ¡Ko'o sekteme néten agko' ekyókxoho keso náxop!”


Wesse', Dios ahagkok, xámok agko' nak la'a exchep senlánésso aqsok éltaqmela, xámok agko' aqsok senlánésso ekxeyenma apwáxok negko'o. ¡Méko aphawo exchep! Émenyeyk eykhe ko'o axének xa, tén han alyetsetek, mowanchek eyke, xámok agko'.


Ansawhaxkohok sa' ólpeykeshok Wesse' egegkok, anteméssesek ekwányam ma'a apwesey nak.


eltennasha sa' chá'a ektémakxa ekpéwomo aptémakxa m'a peya nak elántépekxak makham egmonye', tén han ma'a aqsok apkelane.


Wesse', ¡exnekxa néten yetlo apmopwána! ¡Ólátsaha sa' yetlo nélmeneykmasso eñama apmallanma!


Kólmeneykmásses negmeneykmasso Wesse' egegkok, apteme nak wesse' apwányam ma'a Sión; kóllegés énxet'ák ma'a aqsok apkelane nak.


“¡Kólmés ekxeyenma kélwáxok Wesse' egegkok! ¡Kólxén ma'a apwesey nak! Kóltennasha énxet'ák ma'a aqsok apkelane nak.


¡Kólpeykesho kélyókxoho Wesse' egegkok apwesey, hakte wánxa ekteme meyke ekhémo apwesey m'a! ¡Hakte cha'a apteme ekyeykhágweykmoho apcheymákpoho néten ma'a, tén han keso náxop!


Wesse', negyekpelchémók negko'óxa ektaqmalma nélxega m'a ámay senxekmóssamakxa nak ma'a segánamakxa apagkok. Egmenyeyk chá'a negko'o exchep kaxének egwáxok.


Kóltemésses apcheymákpoho m'a Wesse' egegkok, kóllegés kélmeneykmasso m'a apkelókxa ekhéyak nak neyáwa wátsam ekwányam.


Kólántép Babilonia, kólxegánem nepyeseksa m'a énxet'ák caldeos. Kóllegés yetlo kélpáxameykha kélátseykha s'e amya'a nak, kólya'assásegwók ekweykmoho m'a néxa xapop nak. Kólteme kólpaqmétek se'e: “¡Apwagkassek teyp Wesse' egegkok ma'a Jacob cham'a apkeláneykha nak!”


Apyókxoho pók aptémakxa énxet'ák chá'a ko'o etnehek seyáyo, ekyókxoho yókxexma chá'a hélwatnések ma'a aqsok ánek ekmátsa nak ekpaqneyam éten agkok, tén han hélmések chá'a aqsok sélmésso naqsa ekpayhawo nak chá'a hélmések.


Dios, aphama nak cha'a m'a tegma appagkanamap apagkok, cha'a apteme chá'a apyapmeyk ma'a apkelyéheykha nak, tén han apkeltaqmelchesso m'a xentampe'e nak.


Swiv nou:

Piblisite


Piblisite