Isaías 12:3 - Biblia Enxet

³ Kélwanchek sa' kéxegkáxa kólmahagkok kólyenagkok yegmen yetlo ekpayheykekxa kélwáxok xa ekteyapmakxa nak nélwagkásamáxche teyp,

Isaías 12:3 Referans Kwoze

Jeremías 2:13

“Apkeláneykegkek ánet melya'assáxma m'a énxet'ák ahagkok: eyamasmeyk ko'o, sektáha nak ekteyapmakxa yegmen ekyennaqtéssamo nak egnények, apkelánéyak apagko' aptamheykegkok ma'a apkelyátamakxa nak yegmen, yámelchet élyagqaxe megkeytno nak yegmen ma'a kañe'.

Isaías 49:10

“Megkalnáphek sa' chá'a meyk megkalnáphek sa' nahan chá'a ekhem, kamaskok sa' nahan élpekhésa m'a ekmexanmaxma mayáhat, hakte élásekhayók ko'o m'a, eknaqleykha nahan chá'a, anaqlakxak sa' nahan ma'a élánteyapmakxa nak yegmen.

Salmos 36:9

hakte xép apteme ekteyapmakxa negyennaqte, élseyéxma apagkok keñamak negmowána agwetak negko'o m'a élseyéxma nak.

Cantares 2:3

Máxa yámet manzano émhal'a neyseksa yenta'a élyawe naxma aptemék nepyeseksa apnámakkok wokma'ák ma'a sekpagkanma nak. ¡Atsek chá'a axek ma'a kóneg pessesse agkok nak! ¡Atsek chá'a atwok ma'a ekyexna nak!

1 Samuel 2:1

Axta entáhak élmaxnagko Ana s'e: “Wesse' ahagkok, epeykessásekxók agko' ko'o exchep ewáxok, hakte egkeyásekxeyk makham axnagkok sekyennaqte. Ewanchek alyamatchesha m'a katnaha nak énámakkok hakte xép apteme sepasmo. ¡Payhékxeyk ko'o ewáxok!

Isaías 41:18

Wának sa' katyapok yegmen ényé m'a neyseksa egkexe meykexa nak énxet tén han ekteyapmakxa chá'a yegmen ma'a neyseksa nak élyapwátegweykenxa xapop; ekyetnamakxa yegmen sa' atnessásekxak ma'a meykexa nak énxet, wának sa' kanyehek yegmen ma'a ekyamáyekxa nak xapop.

Ezequiel 47:9

Awanchek sa' kallawha mók ektémakxa nak chá'a aqsok nawha'ák tén han ekxámokma agko' kelasma ekwánxa enxoho chá'a xa yegmen ényé nak. Hakte cháxa wátsam yegmen nak, katnéssásekxak sa' ekmátsa m'a yegmen ekmáske nak, keñe sa' kaxek chá'a m'a mók ektémakxa aqsok.

Salmos 87:7

Sa' etnehek chá'a elpaqmétek apkelmeneykmasso nak chá'a s'e, tén han apnéweyak nak chá'a: “Enxanák negko'o m'a Jerusalén, ekmátsexa nak chá'a aghakha.”

Zacarías 13:1

“Kamayhekxak sa' ekteyapmakxa nak yegmen xa ekhem nak, yaqwayam sa' elyenyesagkok apkeltémakxa melya'assáxma tén han élmanyása apyempe'ék ma'a David aptawán'ák neptámen tén han ma'a énxet'ák apheykha nak Jerusalén.