Isaías 11:5 - Biblia Enxet

⁵ Exog sa' chá'a yetlo apcháhakkásamap ma'a aptémakxa ekpéwomo tén han ma'a amya'a ekmámnaqsoho nak, ektémól'a m'a nentétamáxchel'a.

Isaías 11:5 Referans Kwoze

Isaías 59:17

Apcháhakkásekpek axta m'a aptémakxa ekpéwomo, ektémól'a m'a negákkásamáxchel'a, apketchessek axta apqátek ma'a nélwagkásamáxche teyp, ektémól'a m'a sẽlpextétamo apketchesso apqátek, aptaxnékxeyk axta m'a negyaqmagkáseykekxa nak sẽlteméssesakxa ektémól'a m'a nentaxno apwenaqtél'a, apchaqlákpek axta m'a aplo ektémól'a agaqlaxchek ma'a yát'apáwa.

Isaías 25:1

Wesse', xép apteme Dios ahagkok; agkések chá'a ko'o exchep ekpayheykekxa ewáxok, atnéssesek nahan chá'a eyeymáxkoho m'a apwesey, hakte apkeláneyak chá'a m'a aqsok apmáheyo nak chá'a elána' sempelakkasso nak agweta', apxeyenma axta chá'a elának eyeynamo m'a nanók agko' axta.

Oseas 2:20

Etáwa' sa' ko'o atnehek xeye', mayenyawha sa' chá'a, keñe sa' xeye' héltéhek Wesse'.

Salmos 93:1

¡Wesse' egegkok apteme Wesse' Apwányam! Apcháhakkásamákpek Wesse' egegkok ma'a apkelyenma, aptémól'a nentaxno, apwakhésamakpek ma'a apmopwána ektémól'a nentétamáxche'! Apyennaqtéssamók appekkenma nélwanmeygkaxa m'a, yaqwayam enxoho megkayawheykha.

Salmos 109:19

¡kápok sa' ektémól'a antaxnekxak nentaxno, kayaqhápok sa' ektémól'a nentétamáxche kayaqhápok nenxet!

Isaías 9:7

Exek sa' ma'a néten nak David aptaháno ekyawe ektaqmalma; kasawhekxohok sa' apteme Wesse' apwányam ekyókxoho yókxexma, megkamassegwomek sa' ma'a meyke ektáhakxa nak negha; tásek sa' katnehek ekyetno m'a aptémakxa nak Wesse' apwányam, sa' katnehek ekyennaqtésso m'a aptaqmelchessáseykekxa nak chá'a apheykha énxet'ák tén han ma'a ekpayhawo nak chá'a elána', keso kaxwo' nak tén han megkatnégwayam néxa. Elának sa' Dios ekha nak apyennaqte xa, eñama ekyawe agko' segásekhayo.

Isaías 32:1

Etyapok sa' xama wesse' apwányam yaqwayam etneykha yetlo ekpéwomo aptémakxa tén han ma'a kelwesse'e apkeláneykha nak chá'a apkelókxa yaqwayam sa' eltemeykha chá'a apkelókxa yetlo ekpéwomo apkeltémakxa.

Zacarías 8:16

Keso eyeyméxko nak chá'a kéxegke kóltéhek se'e: Kólpékessesho chá'a kéltennáseykha kélmók, kóllánekxés nahan chá'a yetlo ekpéwomo agko' amya'a énxet'ák, kóllenxánem nahan chá'a kóltekkesek meyke ektáhakxa negha m'a kañe' sẽlyekpelchémókxa nak;

Salmos 45:4

Exeg, yaqwayam emallánek yetlo apcheymákpoho, eñama apmasma m'a aqsok ekmámnaqsoho, tén han etaqmelchessásekxak apheykha m'a élyelqamáxkoho nak apkelwáxok. ¡Apyennaqte exchep keñamak apmallanma apagko'!

Salmos 89:9

Kalyahakxohok xép ma'a wátsam ekwányam eklo nak, emasseksohok chá'a m'a élyaqyahayam ekyennaqte nak;

Isaías 9:6

Hakte apteyekmek xama sakcha'a negyeseksa, Dios segmésso xama apketche, cham'a peya sa' exkak apmopwána yaqwayam etnehek aptaqmelchesso apchókxa. Sa' nahan kólteméssesek apwesey s'e: Eyaqheykha kélwáxok aqsok apkelane, Dios apyennaqte, Egyáp Memassegwayam, Wesse' meyke ektáhakxa negha.