Isaías 10:7 - Biblia Enxet

⁷ Makke katnahak élchetamso apwáxok wesse' apwányam Asiria xa ektáha nak, háwe nahan apmakókxa etnehek xa. Xénchek aqsa apwáxok emasséssók tén han esawhohok apxámokma apagko' ma'a énxet.

Isaías 10:7 Referans Kwoze

Génesis 50:20

Xeyenmeyk axta kéxegke kélwáxok hélteméssessamhok exma ekmaso, keñe Dios aptemessásekxo ektaqmela m'a aqsok ekmaso nak, yaqwayam enxoho alának se'e kélwet'a nak kaxwo': yaqwayam alwagkasek teyp apxámokma apagko' énxet'ák.

Isaías 10:8

Aptáhak appeywa s'e: ‘Apyókxoho kelwesse'e apkelwányam apteme apkelámha apmonye'e ahagkok ko'o.

Isaías 23:13

Kóllano s'e xapop nak, xapop ekhagweyktamxa axta chá'a m'a yántakpayhe élyawe. Apnaqxétekháseykegkek axta tegma apkelwenaqte m'a caldeos keñe aptepelcheykekxo m'a tegma apkelyawe apkeltaqmalma nak ma'a Sidón, tegma aphopák axta aptemessáseykekxa'. Aptamhéyak apagkók axta nahan ma'a, háwe m'a énxet'ák Asiria.

Ezequiel 29:20

Wának sa' ko'o emok Nabucodonosor ma'a Egipto, ekyánmaga apwasqápeykekxoho apketámeyak ma'a tegma apwányam Tiro, hakte ko'o axta setnessáseykha m'a. Ko'o sekxeyenma xa, sektáha nak Wesse'.

Nahúm 1:11

Énxet'ák Nínive, kélnepyeseksa kéxegke apkeleñamak apkelánteyapma m'a énxet'ák apkeláneykekxa nak chá'a apkelpaqmeyesma yaqwánxa etnehek yenmexek ma'a Wesse' egegkok: apkeláneykekxa amya'a ekmaso aptémakxa.

Isaías 37:19

tén han apkexakkassama nátex ma'a aqsok apcháyókxa nak, hakte naqsók háwe dios ma'a, énxet apkelane, eñama nak ma'a yámet tén han meteymog. Cháxa keñamak apmassésseykmo nak.

Daniel 11:12

Keyxkohok sa' apwáxok eñama apmallanma kempakhakma, tén han apxámokma apkelnapma m'a apkelenmexma nak, megkawegqók sa' eyke apteme ekha apyennaqte.