Isaías 1:8 - Biblia Enxet

⁸ Sión aqsa kéméxche', máxa kélpakxanmal'a entemék ekyetnama axakkók ma'a neyseksa nak anmen yámet kélcheneykekxa, máxa tegma kélpakxanmal'a aqsa néten meyke kóneg entemék ekyetnama axakkók ma'a nepyeseksa nak yánsamáne kélcheneykekxa, máxa tegma apwányam apwakhél'a apkelenmexma entemék ekyetnama axakko'.

Isaías 1:8 Referans Kwoze

Zacarías 9:9

¡Kapayhekxoho agko' apwáxok xép, tegma apwányam Sión! ¡Enneykmés kapayhekxak apwáxok, xép tegma apwányam Jerusalén! Apya'aweykteyk xép, Wesse' apwányam apagkok Wesse' appéwomo, tén han segwagkassamo teyp, háwe eyke eyeymáxkoho apwáxok, yámelyeheykok apchánte, yámelyeheykok étkok.

Zacarías 2:10

Aptáhak axta Wesse' egegkok se'e: “¡Kólmeneykmés yetlo ekpayheykekxa kélwáxok, kélheykha nak Jerusalén, hakte ekwa'akteyk ko'o yaqwayam axek kélnepyeseksa kéxegke!”

Isaías 62:11

Aplegássek Wesse' egegkok ekweykmoho néxa xapop se'e amya'a nak: “Kóltennés énxet'ák apheykha nak tegma apwányam Sión apwa'a kaxwók apkelwagkasso teyp. Apnaqlánteyk Wesse' egegkok énxet'ák apagkok natámen apkelwagkasso teyp.”

Isaías 10:32

Sakhem agko' apchaqnágwa'a énxet'ák apkelántaxnegwayam nak aqsa chá'a megkatnahakxa apchókxa m'a yókxexma Nob; apkelyaqyeyáseyha apmék apmako ektamagkok ma'a egkexe Sión, meteymog étseksek nak ma'a Jerusalén.

Lamentaciones 2:6

Máxa apmenyexma aptáhak megyessákxo aptawásencha'a m'a tegma appagkanamap apagkok; apmasséssekmek ma'a kélpeykessamókxa nak chá'a. Apmasséssekmek Wesse' egegkok élánamáxche nak chá'a kélessawássessamo m'a Sión, tén han ma'a sábado. Aplo keñamak aptaqnawaya m'a wesse' apwányam tén han ma'a apkelmaxnéssesso nak chá'a énxet'ák apagkok.

Lamentaciones 2:1

¡Aplómo apagko' axta keñamak Wesse' egegkok apcháhakkassama ekyáqtésso exma m'a Sión ektaqmalma! Apyenyenteyk náxop ektémakxa nak ektaqmalma m'a Israel, eñama néten; megkaxénak apwáxok aplawa m'a apnegkenmakxa nak chá'a apmagkok.

Isaías 37:22

Keso aptáhakxa exchek appeywa Wesse' egegkok apxéna m'a wesse' apwányam Asiria: “Senaquerib, máxa kelán'a étkok entáhak ésmésa exchep ma'a Sión. Yeykáseyha akqátek neptámen ekwanyawo aptaqháwo m'a Jerusalén.

Isaías 4:4

Apxénchek sa' agkok yaqwánxa etnéssesek Wesse' egegkok ma'a, peya enxoho ellegássesagkoho', ényeyásekxak sa' éma éltexnémáxche nak ekyegkenamaxche m'a kañe' Jerusalén, elyenyessásekxak sa' nahan élpeysameykha nak élmanyása apyempe'ék ma'a énxet'ák apheykha nak Sión.

Salmos 9:14

Keñe sa' atnehek alának apyókxoho énxet neyseksa sénmeykha m'a atña'ák nak Jerusalén, payhawók xép kólteméssesek apcheymákpoho, axének sa' ekpayhékxo ewáxok hakte ewagkassek teyp xép.

Job 27:18

Aphápek apxagkok ma'a ekmaso nak aptémakxa, máxa m'a nátetkok axagkok la'a, máxa m'a apkeláneykha nak namyep appakxanma.

Jeremías 4:17

Ewakhegwak sa' ma'a Judá, aptémól'a ewakhekxak yókxexma m'a énxet'ák apkeltaqmelchesso nak yókxexma, hakte apkenmexeykekxeyk ma'a Wesse' egegkok. Ko'o sekxeyenma xa, sektáha nak Wesse'.

Isaías 8:8

kawakxohok sa' ma'a Judá, káhapwók sa' ma'a, kayeykhak sa' yegmen ekyawe m'a, apyespa'ák sa' kaxnagwak yegmen ma'a énxet'ák. Máxa náta élpeykessól'a axempenák sa' etnehek yápok Emanuel ma'a ekyókxoho xapop apagkok nak”.

Isaías 1:7

Yókxexma ekmaso kéltemessáseykekxak ma'a kélókxa, kelwatnegkek táxa eyáléwe m'a tegma apkelyawe nak. Kélnápaqta'awók nahan apteykegkok kéxegke kélenmexma m'a aqsok kélcheneykekxa nak. Meyke xama aqsok tamhákxak ma'a ekyókxoho nak, máxa m'a ektéma axta kélmassesseykmo m'a Sodoma.

Isaías 1:9

Axta agkok negko'o hẽleykmok egqántawók ma'a Wesse' ekha nak apyennaqte, aghágwakxohok axta m'a ektémakxa axta énxet'ák apheykha axta m'a tegma apwányam Sodoma tén han ma'a Gomorra.

Isaías 49:21

Keñe sa' xeye' katnehek awáxok se'e: ‘¿Yaqsa axta setasso ko'o xa étchek nak? Méko axta ko'o étchek, mowanchek nahan óta'; élyentameykekxeyk axta ko'o megkatnahakxa seyókxa, ektaqmópeykegkek axta, ¿Yaqsa séktegkessesso ko'o xa? Exakkók axta ko'o ektaqmópeykegkok, ¿háxko eyke apkeleñamakxa xa?’”

Jeremías 6:2

Kaxwók sa' kólmasséssók ma'a Sión ektaqmalma nak,

Isaías 29:3

Aláphaksek sa' ko'o sẽlpextétamo ahagkok yaqwayam sa' ewakhegwók xép, wahaxtegkesek sa' nepyáwa m'a meteymog élyennaqte, amétegkesek sa' nahan máxek nepyáwa yaqwayam sa' kólchetamagkok.

Isaías 30:17

Mil énxet sa' yenyahagkok yeyk xama apagko' énxet yaqwayam elnápok, keñe sa' kélyókxoho kéxegke kólenyahagkok kóleyk wánxa m'a cinco énxet apmáheyo elnápok ekwokmoho kéleyméxko kélqántawók kélagko', ektémól'a keymaxchek xama agko' yámet émha m'a néten egkexe étseksek nak, essenhan ma'a ektémól'a xama aqsok kélchenegkesso magkenatchesso m'a néten egkexe nak.

Isaías 37:4

Eñoho annal'a Dios Wesse' apagkok appeywa m'a sẽlpextétamo apwesse' apcháphasso nak wesse' apagkok, cham'a wesse' apwányam nak Asiria, yaqwayam enxoho ewanyaha m'a Dios megyetsapma nak, eñássesagkoho annal'a aplege apagko' enxoho aqsok apxeyenma m'a Dios Wesse' apagkok nak. Elmaxnésses sa' ma'a apkeleymomap nak meletsapma.”