Isaías 1:6 - Biblia Enxet

⁶ Méko ektaqmelakxa enxoho ekyókxoho kélyempe'ék kéxegke; élyense ekyókxoho, éma heykegkok kéltekpageykha, keltepelchamaxche'; méko nahan élánéssama, méko nahan élpextehetchessama, megkóltexnassáseykegkok nahan ma'a pánaqte néltexnémáxche yaqwayam enxoho kamasséssesek ekmáske.

Isaías 1:6 Referans Kwoze

Jeremías 6:14

Etnéssesek aqsa chá'a apkelánésso apkelyense m'a énxet'ák ahagkok; exének chá'a ektaqmela, asagkek eykhe katnehek.

Jeremías 33:6

Altaqmelchásekxak sa' eyke ko'o makham, alyennaqtéssók sa' makham, agkeyásekxak sa' makham ekyawe agko' meyke ektáhakxa apheykha, tén han ektaqmalma.

Malaquías 4:2

Keñe sa' kéxegke kélteme nak séláyo ko'o, kalyenmok sa' kélnepyeseksa m'a ektémakxa nak ekpéwomo sektémakxa, ektémól'a ekhem éltátchesso, segméssamól'a ekyennaqte egyempehek hẽltátchesek. Kólnextegmakha sa' néten kéxegke kólátsaha, ektémól'a weyke étkók kelennay'a élánteyapmal'a m'a axanák.

Salmos 77:2

Aktamok chá'a ko'o Wesse' egegkok élapwokmo enxoho chá'a ewáxok, malwátessemek chá'a sélya'ássesso néten emék, sélmaxneya enxoho axta'a. Makke óteyágweykmok sepeykessáseykekxa ewáxok.

Job 5:18

Apyensássek sa' agkok ma'a, sa' nahan epextehetchesek ma'a; apkelyekpexchetchek sa' agkok apmek, sa' han emasséssesek ekmáske m'a.

Nahúm 3:19

¡Méko pánaqte agkok ma'a apyense nak xép; megkataqmelwome'! Apkeltekpagáha apmék yetlo élpayheykekxa apkelwáxok apyókxoho apkellege nak ektáhakxa exchep eyáhapwe aqsok ekmaso, ¿yaqsa axta megkañeykegkoho chá'a m'a aptémakxa ekmaso, megkayetyapwágweykmo axta?”

Jeremías 30:12

Aptáhak Wesse' egegkok se'e: “Megkaltaqmelwomek kélyense kéxegke, méko pánaqte agkok ma'a élmaso kélyempe'ék nak.

2 Samuel 14:25

Méko axta xama énxet enxoho ektaqmalma apyókxa m'a ekyókxoho kañe' nak Israel, tén han ektaqmeleykha nak chá'a kélpeywa exénakpok kóllanok apyókxa', ektéma axta m'a Absalón. Méko axta ketsék ekmaso enxoho apyókxa'.

Isaías 30:26

Eltaqmelchessásekxak sa' apkelyense énxet'ák apagkok ma'a Wesse' egegkok, elpextehetchesagkok sa' nahan. Keñe sa' pelten máxa ekhem éltátchesso sa' etnehek apkelsassóxma, keñe sa' ma'a ekhem kayeykhágwomhok agko' sa' élsassóxma, megkaxók sa' ma'a ekweykenxa nak chá'a élsassóxma, máxa sa' katnehek ektáha enxoho siete ekyókxoho éltátchesso ekhéyak ma'a néten.

Jeremías 17:9

“Méko xama enxoho ekyeykhágweykmoho ekmowána amya'a tén han ekmaso ektémakxa ektéma nak apwáxok ma'a énxet. ¿Yaqsa awanchek kay'asagkoho'?

Jeremías 6:7

Jerusalén keñamak ekteyapma m'a nentémakxa ekmaso, máxa m'a ektémól'a máxek katyapok yegmen. Negyenaqteyáseykha egyempehek aqsa chá'a legamaxchek ma'a, tén han negketámeyak egmók, nélyensásamáxche aqsa chá'a wetamaxcheyk ma'a, tén han nenlegeykegkoho ekmáske.

Jeremías 30:15

¿Yaqsa ektáha kélpaqméteyncha'a nak élleklámegko ektémakxa kélyense? Megkaltaqmelwomek kéllegeykegkoho. Ekxámokma kéltémakxa ekmaso, tén han ekxámokma agko' megkólya'assáxma keñamak, sekteméssessama xa ektáha nak.