Isaías 1:3 - Biblia Enxet

³ Keykpelkohok ótep ma'a weyke, kay'asagkohok nahan aphaxta apagkok ótep ma'a yámelyeheykok, keñe m'a Israel, énxet'ák ahagkok ahagko' nak melyekpelchehe', méko nahan apkelya'áseyak.”

Isaías 1:3 Referans Kwoze

Jeremías 8:7

Weykmók seyána' ekya'áseykegkoho ekhem yaqwánxa keyxyók makham. Apya'ásegkók nahan ekhem yaqwánxa emyekxak chá'a mók nekha m'a sapop, tén han yeptameygmen, tén han ma'a yáho. Keñe kéxegke énxet'ák ahagkok, megkólya'ásegkok ma'a segánamakxa ahagkok.

Jeremías 4:22

“Élyeyháxma m'a énxet'ák ahagkok, mehey'ásegkok nahan —axta aptáhak Wesse' egegkok—. Kélketchek melya'áseyak aqsok, megkalchetámeykha nak apkelwáxok. Apwancha'ak elanagkok ma'a aqsok ekmaso, keñe mopwancha'ak elanagkok ma'a aqsok ektaqmela.”

Isaías 44:18

Melya'ásegkok aqsok xa énxet'ák nak; méko agko' ma'a apaqta'ák, mopwanchek elwetaxma, méko agko' apkelya'áséyak, mopwanchek elyekpelkoho'.

Isaías 5:12

Keytek chá'a kélháxenmo arpa apkelpáwá, tén han ma'a pók aptémakxa nak chá'a yát'axpog, tén han kéltekpaga nak chá'a tén han ma'a yámámok kélpáwasso nak. Awanhek nahan chá'a katnehek vino kéllane m'a ektámáxche ekyawe, keñe megkaxeyenma chá'a kélwáxok ma'a aqsok apkelane nak chá'a m'a Wesse' egegkok, megkólya'ásegkok ma'a aqsok apkelane nak.

Salmos 94:8

¡Énxet'ák élyeyháxma, kólya'asagkoho sa'! ¿Háxko ekwánxa kólya'ásegwók?

Isaías 27:11

Kalekkexaxchek chá'a aktegák xama yámet ekyawe élyamaka enxoho; keñe chá'a kelán'a kalmok katnehek táxa agkok. Énxet meyke apkelya'áséyak aqsok xa. Ékeso éñamakxa peya sa' megkalepyósek elanok ma'a ektáha axta Apkelane.

Proverbios 6:6

Énxet, apháxamákpoho nak etneykha; exeg, elanha aptémakxa m'a pexyegke, etne m'a aptamheykegkaxa nak:

Jeremías 10:14

Élyeyháxma apyókxoho énxet tén han melya'áseyak aqsok. Kelyexancháseykha chá'a aqsok kéleykmássesso m'a ektáha nak chá'a apkelane: kéleykmássesso sẽlyexancháseykha m'a, tén han meyke élennama;

Jeremías 10:8

Élyeyháxma m'a apyókxoho nak, méko xama enxoho apkelmopwancha'a aqsok. ¡Yawanchek kalxekmósek yántéseksek nekha!

Isaías 5:13

Kólnaqlakxak sa' megkatnahakxa nak apkelókxa m'a énxet'ák ahagkok, eñama megkalyaqwáméyak elya'asagkoho'. Eletsapok sa' meyk tén han hem át'ák ma'a apyókxoho énxet, ekweykekxoho m'a apkelámha apmonye'e apagkok.

Isaías 56:11

Semheg meyk át'ák ma'a, megkalyaqkányam la'a katawagkok ektéyak, keláneykha nepkések melya'áseyak aqsok ma'a; aptamheykegkek aqsa chá'a xama m'a apmáheyókxa apagko' nak chá'a etnehek, wánxa aqsa aptegyeykegko m'a apagkok apagko' nak chá'a aqsok.

Ezequiel 16:30

Ektáhak ko'o sekpeywa s'e, sektáha nak Wesse': ¡Awanhók agko' nak la'a ekyespagko awáxok kalának xeye' ekyókxoho s'e ektémakxa nak kelán'a ekyaqmagkáseyak pók énxet ekpathetéyak ekma chá'a ekyánmaga megkamegqakto nak!

Daniel 9:11

Apyókxoho énxet'ák Israel melyaheykekxak ma'a nélxekmowásamáxche apagkok, memáheyók elyahakxohok ma'a apkeltémókxa etnahagkok; cháxa keñamak segáhapwa'a nak negko'o m'a aqsok ekmaso, ekyetnama nak eknaqtáxésamaxche m'a Moisés segánamakxa apagkok, apkeláneykha axta exchep, hakte nenláneykegkek negko'o mólya'assáxma nénmexeykekxo exchep.

Oseas 2:8

“Makke kay'ásegkok sektáha chá'a ko'o sekmésso m'a hótáhap apaktek, tén han vino, tén han ma'a pexmok égmenek; megkay'ásegkok sektáha chá'a ko'o sekxámassáseyak ma'a sawo ekmope ekmomnáwa, tén han sawo' ekyátekto élmomnáwa nak, éláneya nak chá'a m'a aqsok eyáyókxa'.

Proverbios 28:5

Melya'ásegkok aqsok ekpéwomo m'a élyeyháxma nak, apkelya'ásegkók eyke ekyókxoho m'a apkelye'eykekxa nak chá'a Wesse' egegkok.

Isaías 42:20

Apweteyak ekxámokma m'a aqsok, makke elányo'; apwanchek eñak ekyennameykhaxma, megyeyxók eyke xama enxoho.

Jeremías 35:16

Apkelyeheykekxók apkeltémókxa axta chá'a etnahagkok apyáp nanók ma'a Jonadab aptawán'ák neptámen, Recab axta apketche; Keñe énxet'ák Israel mehelyeheykekxoho'.

Jeremías 50:6

“Máxa axta nepkések apkelxegányam la'a m'a énxet'ák ahagkok, ekmasól'a apkelmeykha m'a ektáha nak apkeláneykha, apchahayól'a aqsa elxeganmok ma'a egkexe nak. Apyaqmagkáseykegkek axta chá'a apkelmahéyak mók egkexe, weykmók axta élwagqámeykegko m'a apxanák nak.