Hageo 2:3 - Biblia Enxet

³ “Apyetnéya makham kélnepyeseksa kéxegke apwete tegma appagkanamap aptaqmalma apagko' ma'a sekxók axta, tásek elxének háxko ektáhakxa apkelwete s'e apyetna nak kaxwo' nak. ¿Apsagkóya apkelano, ya exnawok ma'a pók axta?

Hageo 2:3 Referans Kwoze

Esdras 3:12

Apxámok axta han apkelmaxnéssesso Dios énxet'ák apagkok meleysagkoho apkellekxagweyncha'a apkelwet'a kéltemessásekxo makham aphaxnagkok ma'a tegma appagkanamap, tén han levitas, tén han ma'a apkelámha apmonye'e axta chá'a apnámakkok, aptamhéyak axta apkelwányamo, ektáha axta apkelwete m'a apkemha apmonye' tegma appagkanamap axta. Apxámok axta han apkelwehéseyncha'a élpayhékxo apkelwáxok.

Ezequiel 7:20

Kelméssegkek apkeleymákpoho m'a aqsok étkók apagkok éltaqmalma élmomnáwa nak, cháxa apkeláneykegkokxo nak han aqsok kéleykmássesso apkeláyókxa élmasagcha'a agko' nak xa. Ekeso éñamakxa peya sa' ko'o atnessásekxak aqsok apák kélchexakha xa aqsok étkók éltaqmalma élmomnáwa apagkok nak.

Hageo 2:9

Aptásók apagko' sa' etnehek se'e tegma appagkanamap nak, mexók sa' ma'a apmonye' apkelánamap axta. Keñe sa' ko'o wának keytek meyke ektáhakxa apheykha énxet'ák se'e yókxexma nak. Ko'o sekxeyenma xa, sektáha nak Wesse' ekha sekyennaqte.”

1 Crónicas 22:5

Axta temék élchetamso apwáxok David se'e: “Apketkok apagko' makham hatte Salomón, mopwanchek elának aqsok, hakte kéméxcheyk etnehek apyawe apagko' ma'a Wesse' egegkok tegma appagkanamap apagkok, peya nak elanakpok, yaqwayam enxoho exénakpok chá'a apteme aptaqmalma apagko' se'e ekyókxoho nélwanmeygkaxa nak; appenchesseshok sa' ekyókxoho aqsok yaqwánxa etnehek elána'.” Axta keñamak David apkeláneykekxo ekyókxoho aqsok amonye' apketsapma.

Esdras 3:11

Nápakha axta chá'a apkelmeneykmásak apkelpeykásawo, keñe axta han nápakha aptáha chá'a apkelátegmowágko s'e: “Kólmés ekxeyenma kélwáxok Wesse' egegkok, hakte méko xama enxoho aptémakxa m'a, megkamassegwomek han apkelásekhayo m'a énxet'ák Israel.” Apyókxoho énxet axta apkelwehéseyha apkelátsencha'a apkelpeykásawo m'a Wesse' egegkok, hakte cheynawók axta makham kélxátekháseykekxa m'a Wesse' egegkok tegma appagkanamap apagkok.

Isaías 64:10

Yókxexma meykexa énxet tamheykekxak ma'a tegma apkelyawe apkeltaqmalma apagkok nak, apmopso aptamheykekxak ma'a Jerusalén, kélmassésseykmek nahan.