Hageo 2:22 - Biblia Enxet

²² amasséssók sa' ko'o aptamhéyak chá'a apkelwesse'e apkelwányam keso náxop, néxa sa' atnéssesek aptamhéyak apkelwesse'e; alpeynchók sa' ma'a yátnáxeg apkelyenyawasso kélanchesso nak kempakhakma, yetlo m'a ektáha nak chá'a apkelchánte, eletsapok sa' yátnáxeg, tén han ma'a apheykha nak chá'a apkap'ák; yetsapok sa' chá'a xama apkelyetxeykekxa pók sawo.

Hageo 2:22 Referans Kwoze

Miqueas 5:10

Keso aptáhakxa nak appeywa Wesse' egegkok se'e: “Annáhakkasek sa' ko'o apkelchánte yátnáxeg xa ekhem nak, asawhaksohok sa' amasséssessók yátnáxeg apkelyenyawasso apagkok apkenchesso nak kempakhakma;

Jueces 7:22

Apkelpáwássek axta aqsa han nepkések apkennawo' apkepet'ák ma'a trescientos israelitas, apkeltamhók axta elnapakpekxak aqsa chá'a pók Wesse' egegkok ma'a madianitas, keñe han elántépok yenyahagkok ekweykekxoho m'a Bet-sitá, ámay nak Sererá, ekweykekxoho m'a néxa yókxexma nak Abel-meholá, ekpayho nak ma'a Tabat.

Zacarías 10:11

Alyeykhásekxak sa' ma'a wátsam ekwányam Egipto, atekpog sa' ko'o m'a yegmen nak. Eymaksohok agko' sa' yegmen ma'a wátsam Nilo. Amasséssesek sa' ektémakxa nak éleymáxkoho apkelwáxok ma'a énxet'ák Asiria. Amasséssesek sa' nahan ektémakxa nak apkelyennaqte m'a énxet'ák Egipto.

Zacarías 4:6

Tén axta aptáha seyáneya s'e: “Keso Wesse' egegkok appeywa apcháphássesso m'a Zorobabel: ‘Nágyásenneykxa sẽlpextétamo, tén han apyennaqte, eyke m'a Espíritu ahagkok nak, axta aptáhak Wesse' egegkok ekha nak apyennaqte.

Sofonías 3:8

Hélleyx sa' aqsa m'a ekhem, sémpákxo sa' néten yaqwayam alxénchásekxohok ko'o kéltémakxa kéxegke. Ektáhak ko'o sekpeywa s'e sektáha nak Wesse': Ekxénchek ko'o wánchásekxak pók aptémakxa énxet'ák tén han kelwesse'e yaqwayam sa' ko'o ayenyenták seklo nepyeseksa. ¡Kamasséssók sa' ekyókxoho xapop ma'a seklo ekho nak táxa eyáléwe!

Miqueas 5:15

Yetlo seklo sa' ko'o ayaqmagkásekxak setnéssessamakxa m'a pók aptémakxa énxet'ák, mehelyaheykekxa nak.”

Ezequiel 39:20

Alanaksek sa' ko'o ektámaxche ekyawe, yaqwayam sa' katawagkok ekwokmoho elyaqkanakmo, cham'a yátnáxeg aphápetek tén han ma'a apkelchánte nak chá'a yátnáxeg, tén han ma'a sẽlpextétamo tén han ma'a pók aptémakxa nak chá'a kempakhakma yapmeyk. Ko'o sekxeyenma sektáha nak Wesse'.

Salmos 46:9

apmasséssekmek kempakhakma, ekweykmoho m'a néxa xapop nak keso nélwanmeygkaxa; apkelekkexchek ma'a yágke, nekha'a étkók aptemessásak ma'a sawhéwa, ¡apkelwatnékxeyk ma'a yátnáxeg apkelyenyawasso apkenchesso nak kempakhakma!

Daniel 8:25

Tásek sa' katnehek ekteyapma ekyókxoho aqsok apkelane, eñama apmopwána elyexanchesha pók, tén han apteme apmopwána amya'a. Keyxkohok sa' apwáxok, elnápekxak sa' apxámokma m'a énxet'ák ektaqmalma nak apheykha, eñama appelakkassesso chá'a. Yenmexek sa' ma'a kelwesse'e wesse' apagkok nak, emátog sa' eyke.

Salmos 76:6

Xama axta apkelpaqhetchesa exchep ma'a yátnáxeg, tén han ma'a apkelyenyawasso nak, xép aptáha nak Jacob Dios apagkok, máxa életsapma axta tamhágkok.

Zacarías 14:3

Keñe sa' Wesse' egegkok etyapok elnapakpok xa énxet'ák nak. Sa' etnehek ma'a ektémól'a elnapakpok énxet kammok ekhem émpakhamaxchexa.

Zacarías 9:10

Sa' emasséssessók yátnáxeg apkelyenyawasso apagkok nak ma'a Efraín, tén han yátnáxeg nak ma'a Jerusalén, tén han ma'a yágke kélmeykha nak chá'a kempakhakma. Eltennasagkok sa' yaqwayam katnehek meyke ektáhakxa apheykha m'a apyókxoho pók aptémakxa nak énxet'ák, kawomhok sa' apteme aptaqmelchesso m'a ekyókxoho wátsam ekwányam, eyeynamo m'a Éufrates ekweykmoho m'a néxa xapop nak keso náxop.

Miqueas 5:8

Keñe sa' nepyeseksa apxámokma énxet'ák, apkeleymomap nak ma'a Jacob énxet'ák apagkok, máxa yámakméwa sa' etnahagkok neyseksa m'a aqsok nawha'ák éllo nak, máxa méwa sa' etnahagkok ekleykhal'a nepyeseksa m'a nepkések kélnaqtósso, ektahanmal'a neyseksa ekyeykhe keñe katnéssesek nápakha'a apketkók, eksawhomól'a kalnápok apyókxoho.

Ezequiel 21:27

Élmasagcha'a agko' sa' atnessásekxak ma'a ekyókxoho aqsok. Sa' eyke katnehek apwa'a enxoho m'a ektáha nak ko'o séltémo elyekpelchásseshok énxet'ák, cham'a ekpayhawo nak elána'.

Isaías 60:12

Énxet'ák melyeheykekxa enxoho chá'a kéltáhakxa kéxegke, elmassegwók sa'; kólmasséssók sa' apyókxoho m'a pók aptémakxa énxet'ák.

Isaías 19:2

“Wának sa' ko'o yexpánchesakpok ma'a egipcios —axta aptáhak Wesse' egegkok—, wának sa' elnapakpekxak chá'a pók, elnapakpekxak sa' chá'a apnámakkok apagko', keñe sa' xama tegma apwányam elnapakpekxak nahan chá'a m'a pók tegma apwányam nak, keñe sa' xama apchókxa elnapakpekxak nahan chá'a m'a mók apchókxa nak.

Isaías 9:19

Metchek apchókxa eñama aplo m'a Wesse' ekha nak apyennaqte, masséssekmek táxa m'a énxet'ák; aptókagkokxék chá'a aphápetek ma'a apketchek apancha'awo nak, megkalepyósak nahan chá'a apkelano m'a apnámakkok. Apheyk xama ekmanyehe nak enaqsapok apto s'e, megkeyxek eyke kaqhek aqsa chá'a meyk, kaxek chá'a mók aptawakxa á, meyaqkanmek eyke.

2 Crónicas 20:22

Xama axta apkeynawo apkelmeneykmasso yetlo élpayheykekxa apkelwáxok ma'a negmeneykmasso nak, yetlókok axta melya'assáseyak aptamhágkaxa Wesse' egegkok ma'a nepyeseksa nak amonitas, moabitas tén han ma'a apheykha nak neyseksa meteymog élekhahéyak ma'a yókxexma Seír, apketámeyam axta m'a énxet'ák nak Judá, apmenxenákpek axta han.

1 Samuel 14:16

Keñe m'a énxet'ák apkelhaxneykha apagkok axta m'a Saúl, apheykencha'a axta m'a Guibeá, apkelwet'a filisteos apkenyahágko apkexpaqna.

Éxodo 15:19

Xama axta élántaxna yátnáxeg apkelyenyawasso tén han apkelchánte yátnáxeg apagkok faraón ma'a wátsam ekwányam awáxok, apkeltamhók axta kápekxak yegmen ma'a Wesse' egegkok; tén axta m'a israelitas apkelyeykhákxo aqsa ektémól'a keymáwhok exma xapop ma'a kañe' nak wátsam ekwányam awáxok.

Éxodo 14:28

Xama axta ekwánaqmákxo ekyetnákxo ekyetnamakxa agko' ma'a yegmen, sawhawók axta eyápeykxo m'a yátnáxeg apkelyenyawasso tén han ma'a apkelchánte axta chá'a yátnáxeg, ekweykekxoho m'a apyókxoho sẽlpextétamo ektáha axta apkelántaxno m'a wátsam ekwányam apmáheyo emenxenek ma'a israelitas. Méko axta xama enxoho sẽlpextétamo apagkok apkeymomap ma'a faraón.

Éxodo 14:17

Ko'o sa' eyke alyennaqtéssesek apkelwáxok ma'a egipcios, wának sa' nahan emenxenek; tén sa' axekmósek ekwánxa sekmowána m'a faraón tén han ma'a apyókxoho sẽlpextétamo apagkok, ekweykekxoho m'a yátnáxeg apkelyenyawasso apagkok, tén han ma'a apkelchánte nak yátnáxeg.

Éxodo 15:4

Apkelweykásegkek axta Wesse' egegkok wátsam ekwányam ma'a yátnáxeg apkelyenyawasso tén han ma'a faraón sẽlpextétamo apagkok; ¡kelnapchek axta Wátsam Ekwányam Ekyexwase m'a sẽlpextétamo ektáha axta apkelyéseykha!

2 Crónicas 20:23

Apketámegkek axta amonitas, tén han moabitas ma'a apheykha axta meteymog élekhahéyak nak Seír, apsawhawók axta apkelnapa, xama axta apsawha apkelnapma m'a, keñe apchaqhákxo aqsa chá'a pók apagko'.

Ezequiel 26:16

Elántépok sa' néten apkeltaháno élyawe apheykegkaxa nak chá'a m'a apyókxoho kelwesse'e apkelwányam apheykha nak neyáwa wátsam ekwányam, elhaxyawasagkok sa' ma'a apkelaqlamap nak chá'a tén han ma'a apkelántaxno apkeltaqmalma nak chá'a kélótma; exnakha sa' náxop yetlo ekyawe agko' apkelyegwakto, yókxoho ekhem sa' katnehek apkelpexyennama tén han apkelyegwakto apkelwet'a enxoho chá'a.

Ezequiel 38:21

Wának sa' ko'o káhapwak Gog ekyókxoho mók ektémakxa nak chá'a aqsok ekmaso, yaqwayam sa' kagkések ekyawe agko' apkeye. Añássesagkohok sa' negmasse ekmaso tén han ma'a nétsapma ekmaso nak. Wának sa' ko'o katyamok takhapxet ma'a mámeye ekyawe tén han yegmen élyennaqte, táxa tén han ma'a aqsok ánek ekyátekto eyáléwomól'a ekweykekxoho m'a sẽlpextétamo apagkok tén han ma'a énxet'ák apxámokma apkelxegexma'a nak, keñe sa' ma'a énxet'ák apagkok nak elnapakpekxak sa' aqsa chá'a pók yetlo apkelmeykha m'a sókwenaqte. Ko'o sekxeyenma sektáha nak Wesse'.

Amós 2:15

Melenmaxakpek sa' ma'a apmeykha nak yágke, melwagkasakpek sa' teyp ma'a apkelyennaqte nak apkenyahéyak, tén han ma'a apchánte nak yátnáxeg yenyehek.

Miqueas 7:16

¡Elwetak sa' nahan ma'a pók aptémakxa énxet'ák nak, keñe sa' elmegqáwhok apagko', neyseksa eykhe ekha apkelyennaqte! ¡Meyke apkelpeywa sa' etnahagkok, tén han meyke apkelpeyk'ák!

Zacarías 10:5

Sa' etnahagkok ma'a aptamheykegkaxal'a sẽlpextétamo apkelxegál'a ámay neyseksa yelpa' yempakha'; elnapakpok sa', hakte apheyk nepyeseksa m'a Wesse' egegkok, elmegqaksek sa' ma'a apkelchánte nak yátnáxeg.

2 Crónicas 15:6

Apnaqtawásamakpekxoho apagko' axta aqsa chá'a aptamheykegko énxet'ák, tén han ma'a tegma apkelyawe apagkok nak, apkelyegwakkassegkek axta Wesse' egegkok apchahaya ekyókxoho mók ektémakxa nak chá'a aqsok élmasagcha'a.

Miqueas 5:9

Wesse', sa' etnehek xép ektamagkok xa, tén han emasséssók apyókxoho m'a apkelenmexma nak.

Zacarías 12:9

“Amasséssók sa' chá'a ko'o pók aptémakxa énxet'ák xa ekhem nak, ektáhakxa enxoho chá'a apketámeyam ma'a Jerusalén.