Hageo 2:17 - Biblia Enxet

¹⁷ Eyhayak axta ko'o aqsok élnapmo nak yenta'a, tén han yegmen élyennaqte, ekyókxoho aqsok kélcheneykekxa', makke hélye'eykekták ko'o kéxegke. Ko'o sekxeyenma xa, sektáha nak Wesse'.

Hageo 2:17 Referans Kwoze

Deuteronomio 28:22

Yáphássesek sa' nahan ma'a negmasse ekmanyehe nak chá'a kapayhekxa', ekmexanma egyempehek ekmaso, élyephe egyempehek, tén han ekmexanma agko' exma, ekyamáyóxma meyke yegmen, tén han askok yaqwayam katwássesha m'a hótáhap kélcheneykekxa, negmasse ekmaso yaqwayam sa' katnahagkok chá'a kéxegke ekwokmoho ekmasséssekmo.

Hageo 1:11

Ko'o séltémo katnehek meyke yegmen yókxexma, tén han ma'a néten egkexe nak, tén han nepyeseksa nak hótáhap, tén han ma'a kélcheneykekxexa nak anmen yámet, tén han ma'a élaqneykegkaxa nak olivo yámet, tén han ma'a eknakxamáxchexa nak aqsok namyep, tén han nepyeseksa énxet'ák, tén han aqsok nawha'ák, tén han ma'a ekyókxoho kéltamheykha nak.”

Hageo 1:9

Kólleyxek chá'a kéxegke kólwetak ekxámokma agko' aqsok, ántawók eyke chá'a kólweta'; keñe m'a aqsok kéltaqmelchesso nak kélxanák, alchempaksek chá'a ko'o awátekhápok. ¿Yaqsa ektéma sektéma ko'o xa? Exagkok apmopso keñamak, keñe kéxegke wánxa aqsa ekyetnakhassamo kélwáxok ma'a kélxanák nak. Ko'o sekxeyenma xa, sektáha nak Wesse'.

1 Reyes 8:37

“Meyk segaqhe sa' agkok tépak se'e apchókxa nak, essenhan negmasse ekmaso, essenhan élyamégko enxoho aqsok kélcheneykekxa eñama ekmexanma, essenhan ekwa'a enxoho askok ekto kélcheneykekxa', sawa' essenhan kéyek; apwakhegwa'a enxoho han sẽlenmexma s'e tegma apkelyawe egagkok nak, tén han segketamokmo enxoho, essenhan segáhapwa'a enxoho mók ektémakxa ekmaso negheykha, essenhan ma'a negmasse,

Jeremías 5:3

Wesse', wánxa exchep aptegyeykencha'a chá'a m'a énxet apteméssesso nak chá'a ekmámnaqsoho appeywa. Apkellegassáseykegkók axta exchep; axta eyke ellegeykegkok; apmassésseykmek axta eykhe, axta eyke kalyaqwámeykegkok elya'ásegwók. Kalyéha'ak agko' apkelwáxok, yeykhágweykmók ma'a ekweykenxal'a ekyennaqte meteymog, axta emáheyók elyaqmagkasek apkelwáxok.

Amós 4:6

“Énnáhakkassegkek axta eykhe ko'o kéxegke meyk ekyókxoho tegma apkelyawe kélagkok nak; meyke kéltéyak axta eykhe ekteméssessók ekyókxoho kélheykegkaxa nak, ¡axta eyke hélye'eykekták ko'o kéxegke!” Wesse' egegkok apxeyenma xa.

Jeremías 3:24

Kéleykmássesso segmegqassamo nélpeykessamo ensawhessók ma'a aqsok apkelwete axta ẽlyapmeyk nano' ma'a nentémakxa axta egketkók: cham'a nepkések, weyke, tén han egketchek apkelennay'a tén han kelwán'ák.

Isaías 62:8

Naqsók kaxwók aptáha appeywa Wesse' egegkok apya'asa néten apaktog apkelya'assamakxa ekha nak ekyennaqte s'e: “Magwohók sa' chá'a kaxwók etawagkok hótáhap apaktek kélagkok ma'a kélenmexma nak. Magwohok sa' nahan kaxwók énagkok vino kélláneyák nak ma'a énxet'ák apkeleñama nak mók nekha;

Isaías 42:25

Axta keñamak apkeltaqnaweykegko m'a, apkellegassáseykegkók axta apchahaya kempakhakma ekmaso agko' nak, apwakhéssegkek axta m'a táxa; axta eyke emáheyók elya'ásegwók.

Isaías 37:27

Méko aqsok elanagkok ma'a apheykha nak kañe', elmeneygkohok apagko' nahan, elmegqáwhok nahan, máxa aptamheykegkok ma'a pa'at élámha nak yókxexma, ektémól'a m'a pa'at ektaqmalmal'a áwa', máxa m'a pa'at ekteyapwayam la'a néten tegma élyamágwayam la'a áwa' amonye' yaqwayam kawana'.

Isaías 9:13

Makke elye'eykekták Dios ma'a énxet'ák, ektáha axta apkellegassáseykegkoho; melchetamsók ma'a Wesse' ekha nak apyennaqte.

Salmos 78:46

apkeltémók axta etawagkok sawa' m'a aqsok kélcheneykekxa, apkeneykekxa axta m'a énxet'ák nak.

Job 36:13

Apkellamchek apagko' ma'a élmasagcha'a nak apkeltémakxa, metegyaha han ekpasmo m'a apkelmákpo enxoho.

2 Crónicas 28:22

Apweteyak axta eykhe xa ekmaso nak apha, apkelenxáneykmek axta aqsa melyaheykekxa m'a Wesse' egegkok. ¡Cháxa aptémakxa axta wesse' apwányam Ahaz xa!

2 Crónicas 6:28

“Meyk segaqhe sa' agkok tépak se'e apchókxa nak, essenhan negmasse ekmaso, essenhan élyamégko enxoho aqsok kélcheneykekxa eñama ekmexanma, essenhan ekwa'a enxoho askok ekto kélcheneykekxa', sawa' essenhan kéyek; apwakhegwa'a enxoho han sẽlenmexma s'e tegma apkelyawe egagkok nak, tén han segketamokmo enxoho, essenhan segáhapwa'a enxoho mók ektémakxa ekmaso negheykha, essenhan ma'a negmasse,

Génesis 42:27

Xama axta apkelwákxo m'a peyakxa axta enaqtének axta'a, apmeykessek axta yágkentamáhak apagkok xama, peya yagkok ekto m'a yámelyeheykok apchánte, apwet'ak axta selyaqye apagkok ekyetna m'a kañe' yágkentamáhak apagkok átog nak.

Génesis 42:23

Axta elya'ásegkok apleg'awo José m'a aptáhakxa apkelpeywa, hakte háwe axta apkelpaqhetchesso m'a José, pók énxet axta chá'a apkeltennáseykekxoho aptáhakxa apkelpeywa.

Génesis 42:6

Apkeláneykha apchókxa axta han ma'a José, axta apkelmeyáseyak han chá'a hótáhap apaktek énxet'ák apkelwayam axta chá'a apkeleñama ekyókxoho yókxexma. Xama axta apkelwokmo apkelpepma m'a aphakxa nak, apkelháxahanteyk axta ekwokmoho apkeltekxeyágko élpayhakxa nápaqta'a xóp.

Isaías 28:2

Yetneyk xama énxet apyennaqte aptaqmelchessesso m'a Wesse' egegkok, apyennaqte apagko', máxa m'a yegmen élyennaqte ekyennaqtél'a ektéyam, máxa m'a éxchahayam ekyennaqte ekmassesseykmohol'a aqsok, máxa m'a ekmámeye ekyawel'a, máxa m'a yegmen ekyawe ekmasól'a. Apmek sa' etnehek ekxeynták náxop,

Salmos 128:2

Etwok sa' chá'a ekyánmaga aptamheykha, kapayhekxak sa' apwáxok, tásek sa' nahan chá'a katnehek ekteyapma aqsok apkelane.

Hageo 1:6

Xámok kéxegke kélcheneykekxa aqsok, ántawók eyke kélnakxo ekyexna; kélteykegkek eykhe kéltéyak, makke kólyaqkáneykmok; kélyeneykegkek eykhe vino, makke kamassék élnapma ekhem; kélántaxneykekxeyk eykhe kélántaxno apkelyentaxno, makke kalmexanmak kélyempe'ék; keñe m'a énxet kélyánmagkasso nak chá'a apkeltamheykha xama ekhem, megkawakxók chá'a ekyánmaga aptamheykha m'a aqsok élmomnáwa.

Hageo 2:16

kaxén kélwáxok ma'a kéltémakxa axta, apxegkek axta agkok chá'a kélxama emáwhok elwakxak ma'a veinte hótáhap apaktek kéláncháseykekxa, diez axta aqsa chá'a elwetágwakxa'; apmeyákxeyk axta agkok han chá'a kélxama m'a élánamáxchexa nak vino, yaqwayam ellánésagkok cincuenta yátegwáxwa, veinte axta aqsa chá'a éta'.

Malaquías 3:11

Magwohok sa' ko'o kaxwók katwássesha aqsok kélcheneykekxa m'a askok, tén han ma'a anmen yámet kélcheneykekxa nak.