Habacuc 3:7 - Biblia Enxet

⁷ Ekwet'ak ko'o énxet'ák Cusán eyáhapwa'a éltemegweykmoho exma ekmaso, keñe m'a énxet'ák Madián sekwet'a apkelpexyennama apkelaye.

Habacuc 3:7 Referans Kwoze

Josué 9:24

Keñe axta apkelátegmowágko Josué m'a: —Nentemék axta negko'o m'a hakte tamháha axta egwáxok kólmahagkok hẽlnáhapwók, hakte negya'ásegkók ma'a Dios Wesse' kélagkok, apkeltémókxa axta etnehek ma'a Moisés, apteme axta apchásenneykha, apxeyenma egkések kéxegke s'e ekyókxoho apheykegkaxa nak, tén han emasséssók ma'a apyókxoho ektáha nak apheykha s'e,

Josué 2:10

Negya'ásegkók negko'o m'a ektémakxa axta kélánteyapma kéxegke m'a Egipto. Dios axta apyamásak yegmen ma'a Wátsam ekwányam Ekyexwase yaqwayam kólyeykhak kéxegke, negya'ásegkók han negko'o kélsawhawo axta kéxegke kélnapa m'a apkelwesse'e nak, Sihón tén han ma'a Og, cham'a apqánet apkelwesse'e apagkok axta m'a amorreos, apheykencha'a axta m'a neyp nak wátsam Jordán.

Jueces 8:12

Apkelántekkek axta apkenyahágko m'a Zébah tén han Salmuná, apkelemhágkek axta eyke m'a Gedeón tén axta apkelma, apkelyegwakkásawók apagko' axta m'a apyókxoho sẽlpextétamo.

Jeremías 49:29

Kólyementamák ma'a apkelpakxenéyak nak, tén han ma'a apnaqtósso nepkések, tén han ma'a apkelpakxanma nak chá'a, yetlo m'a ekyókxoho aqsok apagkok apkelmeykegkaxa nak chá'a. Kólyementamák ma'a yányátnáxeg apkelchánte, kólteme kólpáxegkesha ekyennaqte kólyegwakkasek se'e: ‘¡Sawheykxók élmeneymáxche ekyókxoho yókxexma!’

Éxodo 2:15

Xama axta anhan apleg'a faraón Moisés ektáha apchaqhe m'a xama egipcio, apkeltamhók axta kólchetagkasek yaqwayam yaqhek; apxeganakmek axta eyke m'a Moisés. Apmahágkek axta aphakmo m'a xama yókxexma ekwesey axta Madián. Aphakmek axta anhan nekha yámelchet ma'a.