Habacuc 3:10 - Biblia Enxet

¹⁰ Kelpexyennegkek han meteymog élekhahéyak ekwet'a; wéweynteyk han mámeye ekyawe agko' eñama m'a néten, páweyk han awáxok ma'a wátsam ekmattawóneg agko' nak, kelnextegkessek élyaqyahayam élyawe agkok.

Habacuc 3:10 Referans Kwoze

Salmos 93:3

Oh Wesse', kapáwak chá'a awáxok ma'a wátsam, kalnextog han chá'a élyawe agko' ma'a élyaqyahayam;

Jeremías 4:24

Énmexawók axta m'a élámhakxa nak meteymog élekhahéyak, kelpexyennegkek axta; kelyawheykha axta ekyókxoho m'a egkexe nak.

Isaías 43:20

Heyáwhok sa' ma'a aqsok nawha'ák élleykha nak naxma, cham'a semheg nawha'ák nak tén han ma'a xápen, hakte atekkesek sa' yegmen ma'a yókxexma meykexa nak énxet, tén han wátsam ma'a xapop megkatyapmakxa nak xama aqsok, yaqwayam sa' agkések apyenéyak ma'a énxet'ák ahagkok sélyéseykha axta,

Josué 4:18

Yetlókok axta apkelánteyapma wátsam Jordán ma'a apkelmaxnéssesso nak Dios énxet'ák apagkok, keñe apchaqnágweykxo m'a yókxexma ekyamakakxa nak exma, tén axta m'a yegmen ekmeyákxo makham ma'a ekyetnamakxa axta. Kenyeyk axta ekwokmoho ektepa, ekhawo m'a ektáhakxa axta sekxo'.

Habacuc 3:6

Epexyennegkesek chá'a xapop ma'a apkenegwánxa enxoho; elpexyennók chá'a pók aptémakxa énxet'ák apkelano enxoho; kalyaqnenagkok chá'a m'a nanók egkexe nak, kalpayhekxak chá'a m'a nanók meteymog élwenaqte nak, megkamassegwomek eyke m'a Dios ámay apagkok.

Nahúm 1:5

Kalpexyennók chá'a apmonye' m'a meteymog élwenaqte nak; kalpayhekxak chá'a apmonye' m'a xapop élekhahéyak nak. Kayawheykha chá'a xapop ekwet'a enxoho; tén han ma'a ekyókxoho yókxexma nak keso náxop, ekweykekxoho m'a ekhéyak nak awáxok.

Miqueas 1:4

Kalpayhekxak sa' chá'a egkexe apkelteyagwánxa enxoho ektémól'a pápa' kólpekkenek ma'a nátex, kalmayhekxak sa' chá'a neyseksa m'a élyapwátegweykenxa nak xapop, ektémól'a yegmen ényé ekyennaqte élpexyaweykental'a.

Isaías 55:12

“Kólántépok sa' kéxegke yetlo ekpayheykekxa kélwáxok ma'a, kólmeyekxak sa' makham kélókxa yetlo meyke ektáhakxa kélwáxok. Kelwet'ak sa' agkok ma'a meteymog élekhahéyak nak tén han ma'a egkexe nak, megkaleysagkók sa' kalmeneykmaksek kalpayhekxak awáxok, kaltekpagmakha sa' amék ekyókxoho m'a yenta'a élyawe élaqnéyak nak yókxexma.

Salmos 66:6

xapop ekyamaye axta aptemessáseykekxak ma'a wátsam ekyawe nak, keñe axta m'a ẽlyapmeyk nano' axta negko'o apkelyeykheykekxo náxop ma'a wátsam nak; ¡axta nenlánegweykmok nélsawássessamo ekyókxoho senteméssessamakxa axta Dios ma'a!

Salmos 65:13

kasawhekxohok chá'a élleykha kélnaqtósso m'a xóp ekpayhegwayam nak, esawhekxohok chá'a hótáhap kélcheneykekxa m'a élyapwátegweykenxa nak xapop, ¡kalmeneykmaksek chá'a ekyókxoho, kalwehesha chá'a kalátsaha!

Salmos 18:15

Yáxña'akxoho axta tamheykekxak ma'a neysekso nak wátsam; negwetayók axta m'a awhak nak xapop, eñama Wesse' egegkok appeywa ekyennaqte agko', tén han apwátekhapma ekyennaqte.

Nehemías 9:11

Apmeykessáseykekxeyk axta apmonye'e wátsam ekwányam, keñe axta apkelyeykheykekxo neyseksa ekyamáyóxma m'a xapop, apkelweykáseykegkek axta eyke kañók agko' ma'a ektáha axta apmenxenma, ektémól'a meteymog katxek keytnamok ma'a kañók agko' nak yegmen.

Salmos 104:32

Kalpexyennók chá'a xapop apkelano enxoho chá'a; ¡kalpaqnek chá'a néten egkexe apkelpaknegwokmoho enxoho chá'a!

Salmos 148:7

¡Kólpeykesho Wesse' egegkok kélheykha nak keso náxop, yegmen askok élyawe, tén han wátsam ekwányam ekmattawóneg nak!