Habacuc 2:7 - Biblia Enxet

⁷ Elwak sa' apkelmassáseykha nak aqsok apagkok, neyseksa melhaxneykha, elchempekxak sa' néten ma'a apkellegassáseykegkoho nak, meyke agko' aqsok apagkok sa' etnessásekxa'.

Habacuc 2:7 Referans Kwoze

Proverbios 29:1

Énxet apyennaqtésso nak apwáxok kólnókasha, kaxwo' agko' sa' kólmasséssók meyke apwayam teyp.

Jeremías 51:57

Aptáhak Wesse' Apwányam, Wesse' ekha nak apyennaqte s'e: “Annáhakkasek sa' ko'o anmen ma'a apkelámha apmonye'e nak Babilonia, tén han ma'a apkelmopwancha'a nak aqsok, tén han ma'a apkeltaqmelchesso nak apkelókxa yetlo apkeláneykha, tén han sẽlpextétamo apagkok, keñe sa' enaqtének meyke néxa, menaqxétekhagkek sa'.

Jeremías 51:11

Peyk emasséssók Wesse' egegkok ma'a Babilonia, apnaqxétekhássásegkek han apkelwáxok ma'a kelwesse'e apkelwányam nak Media. Cháxa yaqwayam eyaqmagkásekxak Wesse' egegkok apteméssessamakxa axta m'a tegma appagkanamap apagkok. ¡Kóllánekxa yágke aktek kélagkok! ¡Kólmák sa' kéláhakkásamáxche!

Jeremías 8:17

Aptáhak Wesse' egegkok se'e: “Wahak sa' ko'o kéxegke yéwa ekmáske nak hentakxek, yaqwayam sa' kaltakxagkok; méko sa' xama aqsok ekha ekmowána kalwagkasek teyp.”

Isaías 47:11

Káhapwak sa' eyke exche' m'a eklegeykegkoho ekmaso, yawanchek sa' kaleyxchesek ma'a ekmowána nak; kaweywenták sa' takháxet xeye' aqsok ekmaso megkamowána nak kamagkok; cham'a xama aqsok ekmaso megkaxeyenma nak awáxok katlakkasek aqsa káhapwak xeye'.

Isaías 46:11

Ekwóneyha ko'o xama énxet apkeñama nak teyapmakxa ekhem, makhawók sa' yenyeyk exegma', ektémól'a m'a náta ekyawe ekteykekxohol'a mók ápetek elánegwak sa' ekyókxoho m'a aqsok sekmáheyo nak alána'. Sa' atnehek alának aqsok ma'a sektáhakxa axta sekxeyenma, cham'a yaqwánxa axta atnehek, alának sa' nahan.

Isaías 41:25

“Éltamhók axta ko'o éphagwak xama énxet ma'a ekpayho nak teyapmakxa ekhem; ekwóneyha axta apwesey, tén axta apyephagwa'a m'a ekpayho nak nexcheyha. Máxa axta yelpa' aptemessásak apkelteyammeyncha'a m'a kelwesse'e apkeláneykha nak chá'a apkelókxa; máxa axta aptáhak ma'a aptémól'a apkelane yátegwáxwa eyélaqtések yelpa' m'a apmagkok.

Eclesiastés 10:8

Énxet apmeta nak máxek, etyemekxohok chá'a apagko'. Énxet appáxqatma nak tegma kélhaxtegkesso, yéwa chá'a katakxek.

Isaías 11:13

Kamaskok sa' ektémakxa nak apkelyásekkesso m'a Efraín énxet'ák, kamaskok sa' nahan apkello m'a énxet'ák Judá, melyásekkesek sa' chá'a kaxwók Efraín énxet'ák ma'a Judá énxet'ák nak, megkaxének sa' nahan kaxwók apwáxok eltaqnawák Judá énxet'ák ma'a Efraín énxet'ák apagkok nak.