Habacuc 2:6 - Biblia Enxet

⁶ Elesmaksek sa' eyke apyókxoho pók aptémakxa énxet'ák apkelmomap nak ma'a ektáha nak apkelma, sa' etnehek elmeneykmaksek se'e: “¡Kéxegke la'aye, ekhésso nak aqsok kélagkok ma'a megkatnaha nak aqsok kélagkok! ¿Háxko sa' ekwánxa katnehek apcháncheseykekxa aqsok ekxámokma, apkelma nak kélmassáseykha?”

Habacuc 2:6 Referans Kwoze

Miqueas 2:4

Kólmeneykmássesek sa' kéxegke kélmeneykmasso sẽnlapwayam ma'a ekhem sa'. Keñe sa' kóltéhek se'e: ‘Ẽlmasséssekmók egagko' negko'o; kélyaqmagkassek pók apagkok ma'a negókxa, ektáha axta apagkok ma'a Wesse' egegkok, meyke kélnókáseykha xama enxoho; kélexpánchessek xapop egagkok nepyeseksa m'a énxet'ák aptáha nak sẽlma.’”

Jeremías 50:13

Hakte ataqnók sa' ko'o, meyke énxet apheykha kañe' sa' atnéssesek, meyke agko' aqsok sa' atnessásekxa'. Elyegweyk sa' chá'a apyókxoho apkelyeykhágwayam enxoho chá'a m'a, apkelwet'a enxoho ektémakxa kéllegassáseykegkoho.

Jeremías 29:22

Peyk sa' agkok chá'a yának katnégwomhok exma ekmaso xama énxet kélántekkesso axta Judá apheykencha'a nak kaxwók ma'a Babilonia, sa' etnehek chá'a s'e: Sa' etnéssesek xép Wesse' egegkok ma'a apteméssessamakxa axta m'a Sedequías, tén han Ahab, apkelwatnama axta wesse' apwányam Babilonia apkexakhama nátex.

Números 23:7

Tén axta Balaam aplegasa s'e ektéma nak amya'a: “Aram axta eñamak seyáneyeykencha'a m'a Balac wesse' apwányam nak Moab, axta eñamak ma'a élámhakxa nak meteymog élekhahéyak ekpayho nak ekteyapmakxa ekhem. Exegma —axta aptáhak seyáneya— yána kaltemégwomhok exma ekmaso énxet'ák Israel, yána kasók apheykha m'a Jacob énxet'ák apagkok.

Habacuc 2:13

Wesse' egegkok ekha apyennaqte sa' etnéssesek eyaqhémo m'a kéltamheykha nak, tén han kélwasqapma, hakte táxa sa' kamasséssók ma'a ekyókxoho aqsok kélláneyak nak.

Habacuc 1:15

Apkelmomchek chá'a caldeos ma'a pók aptémakxa nak chá'a énxet'ák, aptémól'a aptegyéyak kelasma elmok ma'a kelasma. Sókhaxé chá'a etnehek elmok, tén han yám'én, apkelanawók agkok chá'a ekxámokma kalpayhekxa chá'a apkelwáxok.

Ezequiel 32:21

Elmok sa' takha' énxet'ák Egipto apkelmaheykegkaxa nak chá'a apkeletsapma m'a kempakhakma yapmeyk apkelyennaqte apagko' nak, yetlo m'a ektáha nak chá'a appasmeykekxa. Sa' etnehek elának se'e: ‘¡Kélántaxneyk kaxwo'! ¡Kélhágkók kaxwók xamók se'e énxet'ák melya'áseyak nak Dios, apkeletsapma axta neyseksa kempakhakma!’

Isaías 55:2

¿Yaqsa ektéma kélyánmagkassama nak chá'a selyaqye m'a megkatnaha nak chá'a kélto? ¿Yaqsa ektéma kélméssama nak chá'a kélxawe ekyánmaga kéltamheykha m'a aqsok mehegyaqkánegkesso nak chá'a? Kóltaqmelchesho kélháxenmo sekpeywa keñe sa' kóltawagkok ma'a nento éltaqmalma nak, kóltawagkok sa' ma'a aqsok élmátsa nak.

Isaías 44:20

Máxa apteykegko enxoho táhap xa. Apchahayók élyexancháseykencha'a m'a ektémakxa nak élchetámeykha apkelwáxok megkamámnaqsoho. Mopwanchek elwagkasakpok teyp xa énxet'ák nak. Mopwanchek elyekpelkohok apkelmeykencha'a m'a ektémakxa nak apkelmopwancha'a amya'a.

Proverbios 22:16

Énxet apnaqtawáseykegkoho nak meyke aqsok apagkok yaqwayam exámasagkok aqsok apagkok, essenhan han ma'a apkelmésso nak chá'a aqsok apagkok ma'a ekxákma nak aqsok apagkok, meyke aqsok apagkok sa' katnehek.

Salmos 94:3

Wesse', ¿háxko sa' ekwánxa katnégwók néxa élpayheykekxa apkelwáxok ma'a élmasagcha'a nak apkeltémakxa?

Números 23:18

Tén axta Balaam aplegasa s'e ektéma nak amya'a: “Balac, Sipor apketche, etaqmelchesho sa' apháxenmo sekpeywa.

Isaías 10:13

Hakte axta aptáhak appeywa wesse' apwányam Asiria s'e: “Sekwasqapma ahagko' ko'o keñamak sélana xa; ewanchek ko'o aqsok, séláneykekxa ahagko' ma'a yaqwánxa atnehek. Ekyementegkek nekha xapop apagkok ma'a énxet'ák, élmeyk ma'a aqsok apagkok ekxámokma élmomnáwa nak, máxa xama énxet apyennaqtél'a ektemék sekmassesseykmo m'a kelwesse'e apkelwányam nak.

Habacuc 2:12

¡Kéxegke la'aye, kélláneyak nak tegma apkelyawe kélagkok eñama m'a nentémakxa ekmaso nak, tén han megkapéwomo nak!

Isaías 5:8

¡Kéxegke laye, kélxámáséyak nak kélmà kélxanák, kélxámáséyak nak yókxexma kélagkok, ekweykmoho megkóleygkesa ketsék ma'a kélnámakkok, tén han kélheykha nak ma'a kañe', kélanagko nak kóltáhak wánxa kélxakcha'awók kélagkok ma'a apchókxa!

Jeremías 17:11

Máxa sénhek apkeltahanwayam la'a aqsa megkatnahakxa appok ma'a énxet apxámasso nak aqsok apagkok eñama apmenyexeykha. Ekyennákxoho apyempehek sa' nahan kamassegwók ma'a ekxámokma aqsok apagkok, keñe sa' natámen etnehek ekyeyháxma.