Habacuc 2:5 - Biblia Enxet

⁵ Apmenyeyk etnahagkok ekha kéláyo m'a énxet'ák éleymáxkoho nak apkelwáxok, melánegwomek chá'a aptamhágkaxa elchetmok, eltamhok aqsa kayeykhágwomho', hensexnenáwhok eykhe m'a ekha nak sẽláyo. Elmeykesek chá'a apatña'ák, máxa m'a takhaxpop la'a, megkalleklamagkek nahan, ektémól'a nétsapma, cháxa keñamak apketámeykegko nak chá'a xama yókxexma tén han mók yókxexma yaqwayam emok chá'a.

Habacuc 2:5 Referans Kwoze

Proverbios 27:20

Megkayaqkáneykmok ma'a élmaheykegkaxa nak eghagák, tén han ma'a takhaxpop nak, hawók han ektémakxa nak énxet étsapeykha nak apnények aqsok xa, mewagkasek néxa apmopmenyého aqsok.

Proverbios 20:1

Megkeyxnegwayam appeywa chá'a katnéssesek énxet ma'a vino; kanathéssesha chá'a apwáxok ma'a anmen ekyennaqte nak; megkay'ássesagkehek chá'a aqsok énxet ma'a eyaqha enxoho.

Isaías 21:5

Penchásexcheyk kélnegkenéyak aqsok ma'a néten mésa, kélpeykeságkek náxop ma'a apáwa kélpeykessamól'a chá'a náxop, cheynawók kaxwók ektámaxche ekyawe. ¡Sẽlpextétamo apkelwesse'e, kólchempekxa néten: kólyenmásekxa kéláhakkásamáxche'!

Isaías 16:6

Negya'ásegkók ektémakxa nak ekyawe apkeleymákpoho m'a énxet'ák Moab: éleymáxkoho apkelwáxok, apkene etnahágkok néten kéláyo, meleysso eleykpoho' tén han apkelpaqméteykha naqsa ekteme nak mékoho.

Isaías 5:8

¡Kéxegke laye, kélxámáséyak nak kélmà kélxanák, kélxámáséyak nak yókxexma kélagkok, ekweykmoho megkóleygkesa ketsék ma'a kélnámakkok, tén han kélheykha nak ma'a kañe', kélanagko nak kóltáhak wánxa kélxakcha'awók kélagkok ma'a apchókxa!

Isaías 2:17

Kónegók sa' kóltemessásekxak ma'a apyókxoho apkeleymákpoho nak tén han ma'a apkene nak chá'a etnahágkok ekha kéláyo. Wesse' egegkok sa' aqsa exekmósek apteme apwányam apagko' xa ekhem nak.

Eclesiastés 5:10

Énxet étsapma nak apnények selyaqye, emáwhok chá'a exámasagkok; énxet apmopmenyého nak exámasagkok aqsok apagkok, yának chá'a katnahak ántawók ma'a aqsok apagkok nak. Cháxa ektáha han aqsok eyaqhémo agwetak xa,

Salmos 138:6

Netnók eykhe aphakxa m'a Wesse' egegkok, étak eyke chá'a m'a énxet megkeymáxkoho nak apwáxok, makhawók chá'a ékpelkohok ma'a apcheymákpoho nak.

2 Reyes 14:10

Ekya'ásegkók ko'o apkelnapma axta m'a edomitas, cháxa ekméssama nak eyeymáxkoho apwáxok. Keyxkoho aqsa apwáxok; exa aqsa apxagkok. ¿Yaqsa ektáha peya nak esexnánékpekxohok apagko', tén han esexnenak ma'a Judá?”

Habacuc 2:4

Etaxés sa' exének énxet'ák élmasagcha'a nak apkeltémakxa apteme éleymáxkoho apkelwáxok; meletsepek sa' eyke m'a énxet'ák apkelpéwomo nak, eñama melya'ásseyam Dios.”

Jeremías 51:39

Kelmexneyk sa' agkok apyempe'ék, alagkok sa' ko'o apyenéyak, apyenéyak yaqwayam sa' kalyeykesek exma, tén han kamaskok kalya'ássesagkok aqsok. Keñe sa' enaqtének meyke néxa, menaqxétekhagkek sa'. Ko'o sekxeyenma xa, sektáha nak Wesse'.

Jeremías 50:29

“¡Kólwónmakha apyókxoho apkelmeykha nak chá'a yágke, yaqwayam sa' ektamagkok ma'a Babilonia! ¡Kólpakxenák sa' ma'a nepyáwa nak tegma apwányam, yaqwayam sa' megyenyehek exyenmok xama énxet enxoho! ¡Kólhésho mók ma'a apteméssessamakxa axta! ¡Kóltemésses ma'a apteméssessamakxa axta! Hakte cheymáxkók axta chá'a appeywa sexéneykencha'a ekmaso ko'o, ko'o sektáha nak Wesse' Dios Appagkanamap ma'a Israel.

Jeremías 25:9

aláneyha sa' ko'o apyókxoho énxet'ák apheykha nak nexcheyha yetlo séláneykha Nabucodonosor, wesse' apwányam nak ma'a Babilonia, yaqwayam sa' elxegma', ektámegmak se'e apchókxa nak, yetlo apyókxoho énxet'ák apheykha nak kañe', tén han ma'a apyókxoho énxet'ák apheykha nak neyáwa'. Amasséssók sa' ko'o ekyókxoho. Meteymog ektaháneykekxa mók meyke néxa sa' atnessásekxa', negaye agweta', tén han segyegwakkassamo.

Proverbios 21:24

Énxet apkeltémo nak chá'a kóllanha tén han eyeymáxkoho apwáxok, ekyenneykha appeywa chá'a eltamhakpok ma'a énxet apkeltémo nak chá'a kóllanha aptáhakxa.

Isaías 5:14

Mayhak ekyawe agko' átog ma'a takhaxpop, máxa m'a xama aqsok nawhak eklól'a kamayhek, yaqwayam kalmenaqsapok ma'a énxet'ák ekweykekxoho m'a apkelámha apmonye'e apagkok, cham'a énxet'ák ekmátsa nak chá'a eneywagkok yetlo apyennegkessóxma.

Isaías 14:6

apkellegassáseykegkoho nak chá'a énxet'ák yetlo aplo apkeltekpageykencha'a nak chá'a meyke néxa, apkelteyammeykencha'a nak chá'a énxet'ák yetlo aplo, apmenxeneykencha'a nak chá'a meyke apkelmopyósa apkelányo.

Habacuc 1:15

Apkelmomchek chá'a caldeos ma'a pók aptémakxa nak chá'a énxet'ák, aptémól'a aptegyéyak kelasma elmok ma'a kelasma. Sókhaxé chá'a etnehek elmok, tén han yám'én, apkelanawók agkok chá'a ekxámokma kalpayhekxa chá'a apkelwáxok.

Habacuc 1:17

¿Ellenxanmagkohoya sa' caldeos sẽlma negko'o yám'én apagkok? ¿Ellenxanmagkohoya sa' apkelnapma énxet'ák meyke apkelmopyóseka apkelányo?