Habacuc 1:3 - Biblia Enxet

³ ¿Yaqsa ektéma sexekmóssama nak chá'a ko'o m'a ekyentaxnamo nak egwáxok, tén han aqsok ekmaso? Yetnegkek ko'o sekhakxa m'a apkelyennaqteyáseykha nak apyempe'ék énxet'ák, tén han sẽlmassésseyam nak, sawheykekxók apkello m'a énxet'ák, tén han ma'a apkelenmexamap.

Habacuc 1:3 Referans Kwoze

Jeremías 20:8

Ekpaqmetchek agkok chá'a wánxa aqsa chá'a axének ma'a apkelyennaqteyáseykha nak chá'a apyempe'ék énxet'ák, tén han ma'a sẽlmassésseyam nak; megkayetyapwágweykmok sélya'ásseyam, tén han sésmésamaxche', hakte axének chá'a ko'o m'a appeywa.

Eclesiastés 5:8

Nágkatlakkas aqsa apwet'a enxoho énxet'ák meyke aqsok apagkok kélnaqtawásegkoho xama apchókxa, tén han megkóltaqmelchessásekxo enxoho chá'a apheykha, essenhan megkóllánésa enxoho chá'a m'a ekpayhawo nak kólteméssesek, hakte énxet ekha nak kéláyo, elanha chá'a m'a aptáha nak kéláyo apagko', keñe apteme nak néten agko' kéláyókxa, elanha chá'a xa apqánet nak.

Ezequiel 2:6

Xép akke, énxet, nágye xa énxet'ák nak, nágye nahan ma'a aptáhakxa enxoho apcháneya, máxa sa' eykhe katnehek ekwakha'a enxoho m'a am'ák essenhan apweynchámeyncha'a enxoho neyseksa yettáha. Nágye m'a aptáhakxa enxoho yána', ná égwe' aqsa m'a apchaqneyncha'a enxoho apmonye', hakte kalyéha'awók agko' apkelwáxok ma'a.

Eclesiastés 4:1

Élanawók axta ko'o énxet'ák ektémakxa apnaqtawáseykegkoho apnámakkok apheykha nak keso náxop. Ekwet'ak axta apkellekxagweyncha'a m'a énxet'ák kélnaqtawáseykegkoho nak, méko axta eyke élpeykessásekxo chá'a apkelwáxok; asagkók agko' axta chá'a apteméssesakxa m'a ektáha nak apnaqtawáseykegkoho, méko axta eyke élpeykessásekxo apkelwáxok.

Jeremías 15:10

¡Méme, ko'o laye, ektáha axta setegkesso wánxa aqsa yaqwayam hélyamatchesha tén han alátegmoweyxchek chá'a apyókxoho énxet'ák! Mamassáseykha chá'a ko'o selyaqye ahagkok xama énxet, mehelmassáseykha nahan chá'a ko'óxa, apyókxoho énxet'ák aqsa chá'a apkeltémók hetnégwomhok exma ekmaso.

Jeremías 20:18

Yaqsa axta kexaha ektéma sekteyapma nak kañe' méme awáxok. Seklegeykegkoho ekmáske aqsa chá'a ekweteyk tén han ekyaqhápeykha ewáxok, máheyók aqsa amassegwók neyseksa sekmegqakto.

Isaías 5:7

Israel apchókxa m'a apkeneykekxexa nak anmen yámet apagkok ma'a Wesse' ekha nak apyennaqte tén han ma'a Judá, cham'a apkeneykekxa apmopmenyého apagko' nak. Apkelhaxanmeyk axta katnehek kélyeheykekxoho segánamakxa apagkok Wesse' egegkok ma'a, wánxa axta eyke aqsa apweteya chá'a ekyetnama m'a nentekyawa; apkelhaxanmeyk axta katnehek ma'a ekpéwomo nak nentémakxa, wánxa axta eyke aqsa aplegaya chá'a m'a ekpayheykha nak egátog nenlegeykegkoho ekmáske.

Isaías 46:12

Énxet'ák, élyennaqte nak kélwáxok, kóleyxho sekpeywa, élxeyenma nak chá'a kélwáxok megkólwagkasaxcheyk teyp.