Biblia Todo Logo
Bib sou entènèt

- Piblisite -




Habacuc 1:13 - Biblia Enxet

13 Mopwanchek xép yohok aqsa katyapok aqsok ekmaso, hakte cháxña'awók aptémakxa, mopwanchek elanok yetlo ekleklamo apwáxok ma'a aqsok élmasagcha'a, ¿yaqsa ektéma exchep apwanmeyeykencha'a nak aqsa apkeláneykencha'a m'a énxet'ák apkelánéyak nak chá'a aqsok ekmaso agko'? ¿yaqsa ektéma apwanmeyeykencha'a nak apkeláneykencha'a m'a énxet'ák élmasagcha'a nak apkeltémakxa apmassésseykmo m'a énxet'ák megkaxnawo nak apkeltémakxa?

Gade chapit la Kopi




Habacuc 1:13
37 Referans Kwoze  

Apxegakmek Dios egagkok, makke ewanmeyakmok, xegakmek apmonye' m'a táxa ekmassésseykmoho nak ekyókxoho aqsok, wakha'ak éxchahayam ekyennaqte agko' ma'a nepyáwa'.


¡Elekkexches apaktegák ma'a élmasagcha'a nak apkeltémakxa! ¡Ellegássesagkoho eñama apkeltémakxa ekmaso, ekwokmoho eksawheyxkoho agko' ma'a apkeltémakxa ekmaso!


¡Sa' atnéssesek han kéxegke xa ektáha nak, élmasagcha'a nak kéltémakxa', kélaqha nak xama énxet meyke aptémakxa neyseksa apteyenma m'a kañe' apxagkok nak! ¡Axnésseshok sa' ko'o mók eñama kélaqhe m'a! ¡Amasséssók sa' kéxegke keso nélwanmégkaxa'!


Wesse', ¿Melañeya sa' aqsok xép apwet'a enxoho ektáha xa ektáha nak? ¿Ewanmaya sa' aqsa? ¿Eyánchessamhoya sa' aqsa sẽllegassáseykegkoho?


¡Xép laye, apmassésseyam nak chá'a aqsok memassegwayam nak makham! ¡Xép laye, appelakkassesso nak chá'a esexnenak pók, megkólpelakkassesso nak makham kólsexnena'! Appenchessek sa' agkok apmassésseyam aqsok, kólmasséssók sa' xép, appenchessek sa' agkok appelakkassesso chá'a apsexnenagko pók kólpelakkassesek sa' xépxa kólsexnena'.


Asagkók agko' ma'a aqsok sexekmósso nak ma'a Dios: Appelakkassessek chá'a apsexnáneya pók ma'a énxet apsexnenagkamo nak chá'a pók, apmasséssekmek aqsok ma'a apmassesseykmoho nak chá'a aqsok. ¡Kólchempekxa néten, énxet'ák Elam! ¡Énxet'ák Media, kólchetamák! ¡Maltamhók ko'o kaxwo' kólpaqmésmakha eñama kéllegeykegkoho!


Oh Dios, ¡ná ewanmeyha aqsa! ¡ná exa aqsa, epaqmésmakha!


Hakte nathayak ewáxok sélányo ektémakxa ektaqmalma apheykha m'a apkeleykmákpoho nak, tén han ma'a élmasagcha'a nak apkeltémakxa.


Cháxa kéltémakxa kéxegke xa ektáha nak, ekwanmagkamchek eyke aqsa ko'o; ¡kélanagkamchek axnémók ko'o kéxegke! Kélnápaqta'awók sa' ko'o alxénchásekxohok kéltémakxa, ¡ayaqmagkásekxak sa' mók kéltémakxa!


¡Apweteyak xeyep xa, Wesse'! ¡Ná ewanma aqsa elanha! ¡Ná heyenyow ko'o!


Weykmók megyáyo Dios ma'a apkelásenneykha nak, háwe han ektaqmalma apkelányo m'a néten,


Wanmeyákxeyk sa' agkok se'e kaxwo' nak, megkapaqmeta enxoho xama enxoho, mók nekha sa' kañék apkelwayam teyp ma'a judíos, keñe sa' xe' katsapok ekweykekxoho m'a yáp apnámakkok nak. ¡Temegkek axta exche' wesse' ekwányam yaqwayam hempasmok sentáha enxoho s'e sentáhakxa nak!”


Wesse' egegkok sa' yának kaphewakxak apsexnánémap apagko' emátog ma'a Joab, hakte apkelnapmeyk axta Joab apqánet énxet meyke apkeltémakxa, tén han megkaxnémo axta aptémakxa, meyke apya'áseyak ma'a táta: cham'a Abner, Ner axta apketche, apteme axta apkemha apmonye' sẽlpextétamo israelitas, tén han Amasá, Jéter axta apketche, apteme axta apkemha apmonye' sẽlpextétamo m'a Judá.


¿Yaqsa ektéma ekwenaqtamo nak chá'a apheykha m'a élmasagcha'a nak apkeltémakxa? Apkelwányamók chá'a etnahágkok, kaxámagkok chá'a aqsok apagkok.


exekmóshok eyke chá'a exchep apteme eyáxñeyo aptémakxa m'a énxet eyáxñeyo nak aptémakxa, ey'asagkohok eyke chá'a exchep aptémakxa m'a énxet apmopwána nak appeywa elának pók.


¡Nágyoho elmegqeyk xama enxoho m'a ektáha nak xép apcháyo! ¡Eyke yána elmegqeyk ektáha nak xép apkenmexeykekxa meykexho apteméssessamakxa!


Wesse', ¿háxko sa' ekwánxa ekhem hélanha aqsa ko'o? ¡Hewagkas ko'o teyp, neyseksa ekmáheyo heyaqhek se'e yámakméwa élyexwéweykencha'a nak!


Nágyoho etnehek apkelpeywa tén han katnehek apkelwáxok se'e: “¡Cháxa negmámenyého nak negko'o katnehek xa! ¡Negmasséssekmek kaxwo'!”


Nenleg'awók nahan aptáha apkelmeneykmasa énxet'ák apheykha nak ektemegwánxa néxa xóp se'e: “¡Apcheymákpoho ektáha nak appéwomo!” Tén axta ko'o sektáha s'e: ¡Ko'o laye, asagke nak la'a setnamakxa! ¡Yeykhágwokmók agko' nak la'a ekmaso aptamhágkaxa chá'a appelakkassesso apsexnenagko pók ma'a énxet'ák appelakkassesso nak chá'a esexnenak pók!


tén han negyetnakhásseyam nak élánamáxchekxa amya'a, cháxa aqsok apxeyenma nak chá'a Wesse' egegkok megkapayhawo nentáhakxa xa.


Máxa kelasma élleykhal'a wátsam ekwányam apteméssessók ma'a énxet'ák, ektémól'a aqsok nawha'ák meyke nak wesse' agkok.


nágkólteméssessamho chá'a exma ekmaso kélmók, nágkólmes nahan chá'a kélpeywa kélmowána amya'a. Hakte megkalchek ko'o ewáxok ekyókxoho xa ektéma nak. Ko'o sekxeyenma xa, sektáha nak Wesse'.”


“Apxégánegkessek agkok wesse' apagkok xama kélásenneykha naqsa, keñe apkelmaxnegwa'a enxoho kéxegke yaqwayam kóltaqmelchesek. Nágkólmeyásekxa aqsa m'a ektáha nak nanók wesse' apagkok.


Apchahayók eyke aqsa chá'a Dios eweynchamha yetlo meyke ektáhakxa, apkeláneykha eyke chá'a m'a ektémakxa apkelweynchámeykha.


Swiv nou:

Piblisite


Piblisite